Папулярныя біблейскія вершы з Loma 2

Падзяліцца

‘Oku mou pehē koā he‘ikai ke tautea ‘e he ‘Otuá ‘a kimoutolu ‘oku mou fakamāu‘i ‘a e kakai kehé? ‘Oku mou pehē koā ko e me‘a noa ‘a e fai faka‘atu‘i ‘a e ‘Otuá, mo ‘ene fakama‘uma‘ú, mo ‘ene kātakí? ‘Oku ‘ikai koā te mou fakatokanga‘i ‘oku ‘uhinga hono faka‘atu‘i kimoutolu ‘e he ‘Otuá ke mou tafoki kiate ia?

‘Oku ‘i ai ‘a e ni‘ihi hena ‘oku mou fehi‘a he ngaahi ‘ulungāanga na‘á ku fakalau atu ‘i ‘olungá, kae ‘osi angé ‘oku mou kau ai pē mo kimoutolu. He ‘oku mou fakamāu‘i ‘a e kakai kehé. Ko ‘ete fakamāu‘i ‘a e tō‘onga ‘a ha taha, kae ‘osi angé ‘okú te fai pē ‘e kita ‘a e tō‘onga ko iá, ko ‘ete fakamāu‘i ai pē ia ‘e kita ‘a kita.

He ko e ‘Otuá, ‘oku ‘ikai ke filifilimānakó.

He ‘oku ‘ikai ko e me‘a ‘oku te vālelei ai mo e ‘Otuá ‘a ‘ete ‘ilo Laó, ka ko ‘ete fai ki aí.

‘E ‘omi ‘e he ‘Otuá he ‘aho ko iá ‘a e tuha ‘o hotau taki taha ‘ulungāanga.

Ka ‘e houhau ‘a e ‘Otuá ki he fa‘ahinga kotoa pē ‘oku nau siokita mo fehi‘a ki he faileleí kae manako ki he faikoví.

‘Oku ou fakapapau atu kiate kimoutolu, ko ho‘omou kei ongongata‘a mo fakasiosio kehe mei he ‘Otuá, ‘e toe ‘āsili ai pē ‘a e vevela homou tauteá ‘i he ‘aho fakamāú. ‘E hā ki māmani he ‘aho ko iá e fakamaau ta‘e toeafe ‘a e ‘Otuá.