Папулярныя біблейскія вершы з Loma 1

Падзяліцца

‘Oku ‘ikai ha‘aku tāla‘a he ongoongoleleí! He ko e ivi ia ‘o e ‘Otuá ki hono fakahaofi ‘o e kakai kotoa pē ‘oku tui, ‘o mu‘omu‘a ki he kakai Siú, pea toki hoko atu ai ki he kakai kehé.

Ko e ongoongoleleí, ko hono fakahaa‘i mai ia kiate kitautolu ko e me‘a pē ‘oku lava ke vālelei ai ‘a e ‘Otuá mo ha taha, ko e tuí, ko e tuí pē taha. He ko e lau foki ē ‘a e Folofolá, “‘Ilonga ha taha ‘e vālelei mo e ‘Otuá koe‘uhí ko ‘ene tuí, ‘e mo‘ui.”

‘Oku ‘ikai ke lava ke te mamata ki he ‘Otuá. Ka ‘oku faka‘ilo mai pē ‘e he ‘Otuá ia ‘i he ngaahi me‘a kuó ne fakatupú. Kuo talu e tu‘u ‘a māmani mo e mahu‘ingamālie ‘a e ‘i ai ‘a e ‘Otuá, pea ko e ‘Otua ia ‘oku ta‘e fakangatangata hono iví. ‘Oku mahino lelei ia ki he kakai ‘oku nau fai ‘a e ngaahi tō‘onga ‘oku ‘ikai ke hoa mo e finangalo ‘o e ‘Otuá. He ‘oku hā ia ‘i he ngaahi me‘a kuó ne fakatupú. Pea ‘oku ‘ikai leva ha tafa‘aki ke kalo hake ki ai ‘a e kakai ko iá!

Neongo kuo nau ‘ilo ‘a e ‘Otuá, ka ‘oku ‘ikai te nau toka‘i ia ‘o ngali ko e ‘Otua, pe te nau fakamalo kiate ia. Ko ‘enau fakakaukaú ko e koto fehālaaki, pea ko honau ‘atamaí ko e koto fakapo‘uli.

Kuo nau fetongi ‘a e ‘ilo mo‘oni ki ‘Otuá ‘aki ha loi. Kuo nau lotu mo tauhi ki ha ngaahi me‘a na‘e toki fakatupu pē kae tuku e Fakatupú, ‘a e ‘Otuá ‘oku taau ke fakahīkihiki‘i ma‘u ai pē. ‘Ēmeni

Kuo fakahā mai ‘e he ‘Otuá mei he langí ‘ene houhau lahi ki he kakai kotoa pē ‘oku nau fai ‘a e ngaahi tō‘onga ‘oku ‘ikai ke hoa mo hono finangaló. Ko e kakai ia kuo ‘osi mahino lelei kiate kinautolu ‘a e mo‘oní, ka nau lolomi pē.

‘Io, ko e me‘a ‘i he tō‘onga mo‘ui ‘a e kakai ko iá, na‘e tuku ange ai ‘e he ‘Otuá ke fai atu ā ‘enau ngaahi holi koví. ‘Oku ‘i ai ‘a e kakai fefine ‘iate kinautolu kuo nau lolomi ‘enau tokanga ki he tangatá, ‘a ē na‘e fakatupu mo kinautolú, kae feholikovi‘aki ‘iate kinautolu pē. Pea pehē pē ki he kakai tangata ‘e ni‘ihi ‘iate kinautolu, kuo nau lolomi ‘enau tokanga ki he fefiné, kae feholikovi‘aki ‘iate kinautolu pē. Ko e kakai ia ‘oku nau fai ‘a e fa‘ahinga nonofo ‘oku fakamā, ‘a e nonofo ‘a e tangata mo e tangata. Pea talu ai mo ‘enau kai ‘a e nunu‘a ‘oku tuha mo ‘enau fehālaakí. ‘I he hala ‘aupito ha fie toka‘i ‘e he kakai ko iá ‘a e ‘Otuá, na‘á ne tuku ange kinautolu ke nau ‘atamai fulikivanu ai ā. Pea ko e tupu‘anga ia ‘o ‘enau anga-fakalieliá.

‘Oku nau pehē ‘e kinautolu ‘oku nau poto, kae ‘osi angé ‘oku nau vale. ‘Oku ‘ikai te nau fie lotu ki he ‘Otua ta‘e ‘auhá, kae lotu ki he ngaahi tamapua ‘otua ‘oku popo ngofua, ki he manupuna, mo e manu-ve‘efā, mo e manu totolo.