Папулярныя біблейскія вершы з Loma 3

Падзяліцца

Kuo fai angahala ‘a e kakai kotoa pē, pea kuo nau motu ai mo e ‘Otuá. Ka kuo fakalelei ‘a e ‘Otuá mo kitautolu kotoa pē, ko ‘ene me‘a‘ofa ‘ata‘atā pē. Kuó ne vete ange kitautolu mei he ivi mo e tautea ‘o e angahalá, koe‘uhí ko e me‘a kuo fai ma‘atautolu ‘e Sīsū Kalaisí.

Ka ko e hā ia? Ko eni, ko e fakalelei ‘a e ‘Otuá mo kitautolu ‘i he‘etau tui kia Sīsū Kalaisí. Pea ko e ‘inasi ia ‘o ha taha pē ‘e tui kia Kalaisi, ‘o tatau ai pē pe ko hai. He ‘oku ‘ikai ke filifilimānako ‘a e ‘Otuá.

He na‘e tuku mai ‘e he ‘Otuá ‘a Sīsū Kalaisí ke hoko hono ta‘ata‘a na‘e lilingi he Kolosí ko e fakamolemole‘anga ‘o ha taha pē ‘e tui ki ai. Ko e ‘uhinga na‘e tuku mai ai ‘e he ‘Otuá ha fakamolemole‘anga peheé, ke mahino ki māmani ko e fakamaau faitotonu ia. He kuo talu mei mu‘a mo ‘ene kātaki mo ‘ene hanga kehe mei he angahala ‘a e fa‘ahinga ‘o e tangatá. Ka kuo fai ‘ene tokanga ki ai ‘i he ‘ahó ni. Pea kuo mātu‘aki mahino ai ko e ‘Otua ia ‘oku fakamāu totonu, pea ‘okú ne toe lava ‘o fakalelei mo ha taha pē ‘e tui ‘ia Sīsū Kalaisi.

He ‘oku ‘ikai ha taha ‘e faifai pea tonuhia ki he ‘afio mai ‘a e ‘Otuá ‘i he‘ene mamahi‘i ‘a e Laó. He ko e me‘a pē ‘oku lava he Laó, ko ‘ete ‘ilo‘i ai ko e angahala kita.

Hangē ko e lau ‘a e Folofolá, “‘Oku ‘ikai ha taha ‘e angatonu, ‘Ikai! ‘Oku ‘ikai ha taha! Ha taha ‘e fekumi ki he ‘Otuá. Kuo nau sītu‘a kotoa ki he ‘Otuá ‘o hē ai. ‘Oku ‘ikai ha taha ‘e failelei. Na‘a mo ha fo‘i toko taha.

He ‘oku mau taukave‘i, ‘oku ‘ikai ko ‘etau mamahi‘i ‘a e Laó te tau vālelei ai mo e ‘Otuá, ka ko ‘etau tuí pē taha.

‘Ikai! ‘E kei mo‘oni pē ‘a e ‘Otuá ia, neongo ko e loi ‘a e kakai kotoa pē. Hangē ko e lau ‘a e Folofolá, “Ka ai ha‘o folofola, ko e mo‘oní pē ia. Pea ka fakamāu‘i koe, kuo pau pē ke ke hao koe.”