على التوازي
26
پیلانگێڕی بۆ كوشتنی عیسا
1كاتێك عیسا ئەم وتانەی هەموو تەواو كرد، بە قوتابییەكانی خۆی فەرموو: 2«دەزانن جەژنی پەسخە#26‏:2 جەژنێكی جولەكەیە، یادی ڕزگاربوونی گەلی ئیسرائیلە لە میسر لە نزیكەی 1400 ساڵ پ. ز. بە ڕابەرایەتی موسا. بڕوانە دەرچوون 12‏:1‏-50.‏‏ دوو ڕۆژی ماوە. كوڕی مرۆڤیش بە گرتن دەدرێت تاكو لە خاچ بدرێت.»
3ئینجا كاهینانی باڵا و پیرانی گەل لە كۆشكی سەرۆكی كاهینان كە ناوی قەیافا بوو كۆببوونەوە، 4پێكەوە تەگبیریان دەكرد، بە فێڵێك عیسا بگرن و بیكوژن. 5گوتیان: «بەڵام نەك لە جەژندا، نەوەك ئاژاوە بكەوێتە ناو خەڵك.»
ئامادەكردنی عیسا بۆ ناشتنی
6كاتێك عیسا لە گوندی بێت‌عەنیا لە ماڵی شیمۆنە گول بوو، 7ژنێك بە بوتڵێكی ئەلەباستەریی#26‏:7 لە بەردی ئەلەباستەر دروستكرابوو، ئەم جۆرە بەردە لە میسر هەیە بۆ تاشین ئاسانە و ڕەنگەكەی قاوەییە. بۆنی گرانبەهاوە بۆ لای هات و بۆنەكەی بەسەریدا ڕژاند كە لەسەر خوان بوو.
8كاتێك قوتابییەكان ئەمەیان بینی، تووڕە بوون و گوتیان: «ئەم دەست بڵاوییەی بۆ چییە؟ 9دەتوانرا ئەو بۆنە بە نرخێكی گران بفرۆشرایە و بدرایە بە هەژاران.»
10عیسا زانی و پێی فەرموون: «بۆچی گرفت بۆ ژنەكە دەنێنەوە؟ شتێكی چاكی بۆ من كرد. 11هەژاران هەمیشە لەگەڵتانن، بەڵام من هەمیشە لەلاتان نیم. 12كاتێك ئەو ئەم بۆنەی بەسەر لەشمدا ڕژاند، بۆ ئامادەكردنم بۆ ناشتن ئەمەی كرد. 13ڕاستیتان پێ دەڵێم: لە هەر شوێنێكی لە جیهاندا ئەم مزگێنییە ڕابگەیەنرێت، وەك یادكردنەوەیەك باسی ئەوەش دەكرێت كە ئەم ژنە كردوویەتی.»
ناپاكی یەهوزا
14ئینجا یەكێك لە دوازدە قوتابییەكە كە ناوی یەهوزای ئەسخەریوتی بوو، چوو بۆ لای كاهینانی باڵا، 15گوتی: «چیم دەدەنێ تاكو بیدەمە دەستتان؟» ئەوانیش سی دراوی زیویان بۆ كێشا. 16ئیتر بۆ هەلێك دەگەڕا تاكو بە گرتنی بدات.
بەستنی پەیمانی نوێ
17ڕۆژێك پێش دەستپێكردنی جەژنی فەتیرە#26‏:17 ناوێكی دیكەیە بۆ جەژنی پەسخە، بە یادی ڕۆژانی ئاوارەیی لە میسر نانی فەتیرەیان خواردووە.، قوتابییەكان هاتنە لای عیسا و گوتیان: «دەتەوێ بچینە كوێ و ئامادەكاری بكەین، تاكو نانی پەسخە بخۆیت؟»
18فەرمووی: «بڕۆنە ناو شار، بۆ لای فڵانە كەس، پێی بڵێن: ”مامۆستا دەفەرموێ، كاتم نزیك بووەتەوە، لەگەڵ قوتابییەكانم لەلای تۆ نانی پەسخە دەخۆم.“» 19قوتابییەكانیش فەرمانی عیسایان جێبەجێ كرد و نانی پەسخەیان ئامادە كرد.
20كە ئێوارە داهات، عیسا لەگەڵ دوازدە قوتابییەكە پاڵی دایەوە. 21كاتێك نانیان دەخوارد، فەرمووی: «ڕاستیتان پێ دەڵێم: یەكێكتان بە گرتنم دەدات.»
22ئەوانیش زۆر خەمبار بوون، هەریەكە پێیان گوت: «گەورەم، ئەو كەسە منم؟»
23وەڵامی دایەوە: «ئەوەی لەگەڵم دەست دەخاتە ناو قاپەكە، ئەو بە گرتنم دەدات. 24كوڕی مرۆڤ دەبێت وەكو لەسەری نووسراوە بڕوات، بەڵام قوڕبەسەر ئەوەی كوڕی مرۆڤ بە گرتن دەدات! باشتر بوو بۆ ئەو كەسە هەر لەدایك نەبووایە.»
25ئینجا یەهوزا، ئەوەی بە گرتنی دەدات، وەڵامی دایەوە: «ڕابی، ئەو كەسە منم؟» پێی فەرموو: «خۆت گوتت.»
شێوی مەسیح
26كە نانیان دەخوارد، عیسا نانێكی هەڵگرت، سوپاسی خودای كرد و لەتی كرد، دایە قوتابییەكان و فەرمووی: «وەرگرن، بخۆن، ئەمە جەستەی منە.»
27ئینجا جامەكەی هەڵگرت و سوپاسی خودای كرد، پێیدان و فەرمووی: «هەموو لێی بخۆنەوە، 28چونكە ئەمە خوێنی منە، خوێنی پەیمانەكەیە كە لە پێناوی خەڵكێكی زۆر بۆ گوناە بەخشین دەڕژێت. 29پێتان دەڵێم: لەمەودوا ئیتر لەم بەرهەمەی مێو ناخۆمەوە، هەتا ئەو ڕۆژە دێت كە سەر لە نوێ لە شانشینی باوكم لەگەڵتان دەیخۆمەوە.»
30ئینجا گۆرانی ڕۆحییان#26‏:30 خوێندنەوەی زەبوور لە شێوەی گۆرانی. گوت و چوون بۆ دەرەوەی شار بۆ كێوی زەیتوون.
نكۆڵیكردنی پەترۆس
31ئینجا عیسا پێی فەرموون: «ئەمشەو بەهۆی ئەوەی بەسەرم دێت هەمووتان پشتم تێ دەكەن، چونكە نووسراوە:
«[لە شوانەكە دەدەم،
مەڕی مێگەلەكە پەرت دەبن.]#26‏:31 زەكەریا 13‏:7‏‏
32بەڵام دوای هەستانەوەم، پێشتان دەكەوم بۆ جەلیل.»
33پەترۆس وەڵامی دایەوە: «ئەگەر لەوەی بەسەرت بێت هەموو پشتت لێ بكەن، من قەت پشتت لێ ناكەم.»
34عیسا پێی فەرموو: «ڕاستیت پێ دەڵێم: پێش خوێندنی كەڵەشێر، سێ جار نكۆڵی لە ناسینی من دەكەیت.»
35پەترۆسیش پێی گوت: «تەنانەت ئەگەر پێویست بكات لەگەڵیشت بمرم، هەرگیز نكۆڵیت لێ ناكەم.» قوتابییەكانیش هەموو وایان گوت.
نوێژی عیسا لە باخی گەتسیمانی
36دوای ئەوە عیسا لەگەڵیان بۆ شوێنێك چوو پێی دەگوترا، گەتسیمانی، بە قوتابییەكانی فەرموو: «لێرە دانیشن، تاكو دەچمە ئەوێ نوێژ دەكەم.» 37پەترۆس و دوو كوڕەكەی زەبدی برد و پەژارە و دڵتەنگی دایدەگرت. 38پێی فەرموون: «زۆر دڵتەنگم خەریكە بمرم، لێرە بمێننەوە و شەوارەم لەگەڵ بگرن.»
39كەمێك چووە پێش و بە ڕوودا چووە سەر زەوی، نوێژی دەكرد و دەیفەرموو: «باوكە، ئەگەر دەكرێت ئەم جامەم لەسەر تێبپەڕێت. بەڵام نەك وەك من دەمەوێت، بەڵكو تۆ.»
40هاتەوە لای قوتابییەكان، بینی نوستوون، بە پەترۆسی فەرموو: «ئەرێ نەتانتوانی كاتژمێرێك شەوارەم لەگەڵ بگرن؟ 41شەوارە بگرن و نوێژ بكەن، نەوەك تاقی بكرێنەوە. ڕۆح چالاكە، بەڵام جەستە لاوازە.»
42دیسان چووەوە نوێژی كرد: «باوكە! ئەگەر ناكرێت ئەمە لەسەرم تێبپەڕێت و هەر دەبێت بیخۆمەوە، با خواستی تۆ بێت.»
43دیسان هاتەوە و بینی نوستوون، چونكە چاویان قورس ببوو. 44ئیتر وازی لێ هێنان و چوو بۆ جاری سێیەم نوێژی دەكرد و هەمان شتی دەگوتەوە.
45دوایی هاتە لای قوتابییەكان و پێی فەرموون: «هێشتا نوستوون و پشوو دەدەن؟ ئەوەتا كات نزیك بووەتەوە و كوڕی مرۆڤ دەدرێتە دەست گوناهباران. 46هەستن با بڕۆین! ئەوەتا ئەوەی بە گرتنم دەدات نزیك بووەوە.»
گرتنی عیسا
47هێشتا ئەو قسەی دەكرد، ئەوە بوو یەهوزا هات كە یەكێك بوو لە دوازدە قوتابییەكە، كۆمەڵێكی زۆری لەگەڵ بوو بە شمشێر و دارەوە لەلایەن كاهینانی باڵا و پیرانی گەلەوە نێردرابوون. 48ئەوەی بە گرتنی دەدا نیشانەیەكی پێدابوون، گوتبووی: «ئەوەی ماچی دەكەم ئەوە خۆیەتی، بیگرن.» 49دەستبەجێ هاتە لای عیسا و گوتی: «سڵاو ڕابی#26‏:49 ڕابی: وشەیەكی عیبرییە بە واتای مامۆستا دێت. .» ئینجا ماچی كرد.
50عیساش پێی فەرموو: «هاوڕێ، ئەوەی بۆی هاتووی بیكە.» ئینجا هاتنە پێشەوە و عیسایان دەستبەسەر كرد و گرتییان. 51لەناكاو یەكێك لەوانەی لەگەڵ عیسادان، دەستی درێژكرد و شمشێرەكەی هەڵكێشا، لە خزمەتكاری سەرۆكی كاهینانی دا و گوێی بڕی.
52عیسا پێی فەرموو: «شمشێرەكەت بگەڕێنەوە شوێنی خۆی، چونكە هەموو ئەوانەی شمشێر هەڵدەگرن، بە شمشێر دەمرن. 53ئایا وا دەزانیت ناتوانم بانگی باوكم بكەم و زیاتر لە دوازدە لەشكر فریشتەم بۆ بنێرێت؟ 54بەڵام ئیتر چۆن نووسراوە پیرۆزەكان دێنە دی، كە دەڵێن بەو شێوەیە پێویستە ڕووبدات؟»
55لەو كاتەدا عیسا بە خەڵكەكەی فەرموو: «وەك بۆ گرتنی یاخیبووێك بە كوتەك و شمشێرەوە هاتوون بمگرن؟ ڕۆژانە لە حەوشەكانی پەرستگا دانیشتبووم خەریكی فێركردن بووم، نەتانگرتم. 56بەڵام ئەمانە هەمووی ڕوویدا بۆ هاتنەدی نووسراوە پیرۆزەكانی پێغەمبەران.» ئینجا هەموو قوتابییەكان بەجێیان هێشت و ڕایانكرد.
دادگاییكردنی عیسا
57ئەوانەی عیسایان گرت، بردییانە لای قەیافای سەرۆك كاهین، لەوێ مامۆستایانی تەورات و پیران كۆببوونەوە. 58پەترۆسیش دووربەدوور بۆ حەوشەی سەرۆكی كاهینان دوای كەوت، ئینجا چووە ژوورەوە و لەنێو خزمەتكاران دانیشت تاكو دەرئەنجامەكەی ببینێت.
59كاهینانی باڵا و هەموو سەنهەدرین#26‏:59 ئەنجومەنی باڵای جولەكە. بەدوای شایەتییەكی درۆدا دەگەڕان لەسەر عیسا، تاكو بە كوشتنی بدەن. 60بەڵام هیچیان نەدۆزییەوە، هەرچەندە زۆر شایەتی درۆزن هاتن. لە كۆتاییدا دووان هاتن، 61گوتیان: «ئا ئەمە گوتی: ”دەتوانم پەرستگای خودا بڕووخێنم و بە سێ ڕۆژ بنیادی بنێمەوە.“»
62جا سەرۆكی كاهینان هەستا و پێی گوت: «هیچ وەڵام نادەیتەوە؟ ئەم پیاوانە شایەتی چی لەسەر تۆ دەدەن؟» 63بەڵام عیسا بێدەنگ بوو.
سەرۆكی كاهینانیش پێی گوت: «سوێندت دەدەم بە خودای زیندوو، پێمان بڵێ، ئەگەر تۆ مەسیحەكەی#26‏:63 جولەكەكان چاوەڕێی هاتنی مەسیحیان دەكرد كە كوڕی خودایە و بۆ ئازادكردنی گەلی ئیسرائیل دێتە سەر زەوی.، كوڕی خودا.»
64عیسا پێی فەرموو: «تۆ خۆت وا دەڵێیت. منیش پێتان دەڵێم، لە ئێستاوە كوڕی مرۆڤ دەبینن لە دەستە ڕاستی توانادار دادەنیشێت و لەسەر هەوری ئاسماندا دێتەوە.#26‏:64 زەبوورەكان 110‏:1 و دانیال 7‏:13‏،14‏.‏‏»
65ئینجا سەرۆكی كاهینان جلەكانی خۆی دادڕی و گوتی: «كفری كرد! ئیتر چ پێویستیمان بە شایەت هەیە؟ ئەوەتا گوێتان لە كفرەكە بوو. 66چی دەبینن؟»
وەڵامیان دایەوە: «شایانی مردنە!»
67ئینجا تفیان لەڕووی كرد و مستیان لێدا، هەندێكیش زللەیان لێدا و 68گوتیان: «ئەی مەسیح، ئەگەر پێغەمبەریت، بزانە كێ بوو لێیدایت؟»
پەترۆس نكۆڵی لە عیسا دەكات
69لەو كاتەدا پەترۆس لە حەوشە، لە دەرەوە دانیشتبوو. كەنیزەیەك هاتە لای و گوتی: «تۆش لەگەڵ عیسای جەلیلی بوویت.»
70ئەویش لەبەردەم هەموویان نكۆڵیی كرد: «نازانم چی دەڵێی.»
71ئینجا چووە دەرەوە بۆ ناو داڵانەكە، یەكێكی دیكەش بینی و بەوانەی ئەوێی گوت: «ئەمە لەگەڵ عیسای ناسیرەیی بوو.»
72دیسان بە سوێندخواردنەوە نكۆڵی لێكرد: «ئەو پیاوە ناناسم!»
73دوای كەمێك ئەوانەی لەوێ ڕاوەستابوون هاتن و بە پەترۆسیان گوت: «بەڕاستی تۆش لەوانیت، زمانت ئاشكرات دەكات#26‏:73 خەڵكی جەلیل شێوەزاریان جیا بوو لەگەڵ خەڵكی ئۆرشەلیم.
74جا دەستی بە نەفرەتكردن و سوێندخواردن كرد: «ئەو پیاوە ناناسم!»
دەستبەجێ كەڵەشێر خوێندی. 75ئەوسا پەترۆس قسەكانی عیسای بیركەوتەوە كە فەرمووی: «پێش ئەوەی كەڵەشێر بخوێنێت، سێ جار نكۆڵیم لێ دەكەیت.» ئیتر چووە دەرەوە و بەكوڵ گریا.