على التوازي
25
نموونه‌ی كچه‌ داناكان و كچه‌ گێله‌كان
1«له‌م كاته‌دا شانشینی ئاسمان وه‌كو ده‌ پاكیزه‌ ده‌بێ، كه‌ چرایان هه‌ڵگرتبێت و به‌ره‌وپیری زاوا بچن. 2پێنج له‌وان گێل بوون، پێنجیش دانا. 3گێله‌كان چراكانیان برد و زه‌یتیان#25‏:3 له‌و سه‌رده‌مه‌دا چرا به‌ زه‌یتی زه‌یتوون ئیشی ده‌كرد. له‌گه‌ڵ خۆیان نه‌برد. 4به‌ڵام داناكان له‌گه‌ڵ چراكانیان زه‌یتیان له‌ناو گۆزه‌دا برد. 5كاتێك زاوا دواكه‌وت، هه‌موو خه‌ویان هات و نوستن.
6«له‌ نیوه‌شه‌ودا هاوار كرا: ”ئه‌وه‌ زاوا ده‌ركه‌وت، به‌ره‌و پیری بچن!“
7«هه‌موو ئه‌و پاكیزانه‌ش هه‌ستان و چراكانیان ئاماده‌ كرد. 8گێله‌كان به‌ داناكانیان گوت: ”له‌ زه‌یته‌كه‌ی خۆتان به‌شمان بده‌ن، چونكه‌ چراكانمان ده‌كوژێته‌وه‌!“
9«به‌ڵام داناكان وه‌ڵامیان دانه‌وه‌: ”له‌وانه‌یه‌ به‌شی ئێمه‌ و ئێوه‌ نه‌كات. چاكتره‌ بچنه‌ لای فرۆشیاران و بۆ خۆتان بكڕن.“
10«كه‌ ئه‌وان بۆ كڕین چوون، زاوا هات، ئه‌وانه‌ی بۆ زه‌ماوه‌نده‌كه‌ ئاماده‌بوون، له‌گه‌ڵی چوونه‌ ژووره‌وه‌ و ده‌رگا داخرا.
11«پاشان پاكیزه‌كانی دیكه‌ش هاتن و گوتیان: ”گه‌وره‌م، گه‌وره‌م! ده‌رگامان لێ بكه‌ره‌وه‌!“
12«وه‌ڵامی دایه‌وه‌: ”ڕاستیتان پێ ده‌ڵێم، من ناتانناسم.“
13«كه‌واته‌ ئێشك بگرن، چونكه‌ ڕۆژ و كاته‌كه‌ نازانن.
نموونه‌ی دواكه‌وتنی گه‌وره‌ی ماڵ
14«دیسان، شانشینی ئاسمان وه‌ك پیاوێكه‌ گه‌شت بكات، كۆیله‌كانی بانگ ده‌كات و موڵكه‌كه‌ی خۆی ده‌داته‌ ده‌ستیان. 15پێنج كیسه‌ زێڕی#25‏:15 كیسه‌ زێڕ: یۆنانی: تالنت، هه‌ر تالنتێك نزیكه‌ی 34 كگم بووه‌؛ یه‌ك تالنت زێڕ ده‌كاته‌ كرێی 15 ساڵی كرێكارێك. دایه‌ یه‌كێكیان و ئه‌وی دیكه‌ دوو كیسه‌ و سێیه‌میش یه‌ك كیسه‌، هه‌ریه‌كه‌ به‌گوێره‌ی توانای خۆی، یه‌كسه‌ریش چووه‌ گه‌شت. 16ئه‌وه‌ی پێنج كیسه‌ زێڕه‌كه‌ی وه‌رگرت، ڕۆیشت و ئیشی پێوه‌ كرد، پێنجی دیكه‌شی به‌ده‌ستهێنا. 17به‌ هه‌مان شێوه‌ ئه‌وه‌ی دوو كیسه‌ زێڕه‌كه‌ش، دووی دیكه‌ی به‌ده‌ستهێنا. 18به‌ڵام ئه‌وه‌ی یه‌ك كیسه‌ زێڕه‌كه‌ی وه‌رگرت، ڕۆیشت و چاڵێكی له‌ زه‌ویدا هه‌ڵكه‌ند و زێڕی گه‌وره‌كه‌ی شارده‌وه‌.
19«دوای ماوه‌یه‌كی زۆر گه‌وره‌ی ئه‌و كۆیلانه‌ دێت و حیسابیان له‌گه‌ڵ ده‌كات. 20ئه‌وه‌ی پێنج كیسه‌ زێڕه‌كه‌ی وه‌رگرت، دێت و پێنج كیسه‌ی دیكه‌ش ده‌هێنێت و ده‌ڵێت: ”گه‌وره‌م تۆ پێنج كیسه‌ زێڕت دامێ، ئه‌وه‌تا پێنج كیسه‌ زێڕی دیكه‌م به‌ده‌ستهێناوه‌.“
21«گه‌وره‌كه‌ی پێی گوت: ”ئافه‌رین، ئه‌ی كۆیله‌ی چاك و ده‌ستپاك! له‌ كه‌م ده‌ستپاك بوویت، زۆرت پێ ده‌سپێرم. وه‌ره‌ ژووره‌وه‌ بۆ خۆشی گه‌وره‌كه‌ت.“
22«هه‌روه‌ها ئه‌وه‌ی دوو كیسه‌ زێڕه‌كه‌ هات و گوتی: ”گه‌وره‌م تۆ دوو كیسه‌ زێڕت دامێ، ئه‌وه‌تا دوو كیسه‌ زێڕی دیكه‌م به‌ده‌ستهێناوه‌.“
23«گه‌وره‌كه‌ی پێی گوت: ”ئافه‌رین، ئه‌ی كۆیله‌ی چاك و ده‌ستپاك! له‌ كه‌م ده‌ستپاك بوویت، زۆرت پێ ده‌سپێرم. وه‌ره‌ ژووره‌وه‌ بۆ خۆشی گه‌وره‌كه‌ت.“
24«ئینجا ئه‌وه‌ی یه‌ك كیسه‌ زێڕه‌كه‌ی وه‌رگرتبوو هات و گوتی: ”گه‌وره‌م، زانیم تۆ پیاوێكی سه‌ختیت، شوێنێك ده‌درویته‌وه‌ كه‌ تۆوت نه‌كردووه‌، له‌ شوێنێك كۆده‌كه‌یته‌وه‌ كه‌ شه‌نه‌بات نه‌كردووه‌، 25جا ترسام و چووم كیسه‌ زێڕه‌كه‌تم له‌ناو زه‌ویدا شارده‌وه‌. ها ئه‌وه‌ ماڵه‌كه‌ته‌.“
26«گه‌وره‌كه‌ی وه‌ڵامی دایه‌وه‌: ”ئه‌ی كۆیله‌ی خراپ و ته‌وه‌زه‌ل! كه‌ زانیت من دروێنه‌ له‌و شوێنه‌ ده‌كه‌م كه‌ تۆوم نه‌كردووه‌، له‌وه‌ كۆده‌كه‌مه‌وه‌ كه‌ نه‌موه‌شاندووه‌، 27ده‌بووایه‌ زێڕه‌كه‌مت له‌ بانك دابنابووایه‌، له‌ گه‌ڕانه‌وه‌مدا ئه‌وه‌ی هی منه‌ له‌گه‌ڵ سووه‌كه‌ی وه‌رمده‌گرته‌وه‌.
28«”له‌به‌ر ئه‌وه‌ ئه‌و كیسه‌ زێڕه‌ی لێ بسه‌ننه‌وه‌ و بیده‌نه‌ ئه‌وه‌ی ده‌ كیسه‌ زێڕه‌كه‌ی پێیه‌، 29چونكه‌ ئه‌وه‌ی هه‌یه‌تی، پێی ده‌درێت و لێی ده‌ڕژێ، به‌ڵام ئه‌وه‌ی نییه‌تی ته‌نانه‌ت ئه‌وه‌ی هه‌شیه‌تی لێی ده‌سه‌نرێته‌وه‌. 30كۆیله‌ بێ سووده‌كه‌ش فڕێبده‌نه‌ تاریكی ده‌ره‌وه‌، جا له‌وێ ده‌گریێت و جیڕه‌ی ددانه‌كانی دێت.“
عیسا حوكم به‌سه‌ر جیهان ده‌دات
31«كاتێك كوڕی مرۆڤ به‌ شكۆی خۆی دێته‌وه‌ و هه‌موو فریشته‌كانیش له‌گه‌ڵیدان، ئه‌وسا له‌سه‌ر ته‌ختی شكۆی خۆی داده‌نیشێت. 32هه‌موو نه‌ته‌وه‌كان له‌به‌رده‌می كۆده‌بنه‌وه‌ و ئه‌ویش له‌ یه‌كتریان جیا ده‌كاته‌وه‌، وه‌ك شوان مه‌ڕ له‌ بزن جیا ده‌كاته‌وه‌. 33جا مه‌ڕه‌كان له‌لای ڕاستی خۆی ڕاده‌گرێت، به‌ڵام بزنه‌كان له‌لای چه‌پ.
34«ئینجا پاشا به‌وانه‌ی لای ڕاستیه‌وه‌ن ده‌فه‌رموێ: ”وه‌رن ئه‌ی ئه‌وانه‌ی باوكم به‌ره‌كه‌تی پێدان، ببنه‌ میراتگری ئه‌و شانشینه‌ كه‌ له‌ دامه‌زراندنی جیهانه‌وه‌ بۆتان ئاماده‌ كراوه‌، 35چونكه‌ برسی بووم و نانتان دام، تینوو بووم ئاوتان دامێ، نامۆ بووم شوێنتان كردمه‌وه‌. 36ڕووت بووم جلتان له‌به‌ركردم، نه‌خۆش بووم سه‌رتان لێدام، زیندانی بووم هاتنه‌ لام.“
37«ئه‌وسا ڕاستودروستان وه‌ڵام ده‌ده‌نه‌وه‌: ”گه‌وره‌م، كه‌ی تۆمان به‌ برسیێتی بینیوه‌ و نانمان داویتێ، یان تینوو و ئاومان داویتێ؟ 38كه‌ی تۆمان به‌ نامۆیی بینیوه‌ و شوێنمان كردوویته‌وه‌، یان به‌ ڕووتی و جلمان له‌به‌ركردوویت؟ 39كه‌ی تۆمان به‌ نه‌خۆشی یان زیندانی بینیوه‌ و هاتووین بۆ لات؟“
40«ئینجا پاشا وه‌ڵامیان ده‌داته‌وه‌: ”ڕاستیتان پێ ده‌ڵێم، هه‌رچییه‌كتان بۆ یه‌كێك له‌م برا بچووكانه‌م كردووه‌، بۆ منتان كردووه‌.“
41«دواتر به‌وانه‌ی له‌لای چه‌پیه‌وه‌ن ده‌فه‌رموێ: ”لێم دوور بكه‌ونه‌وه‌! ئه‌ی ئه‌وانه‌ی كه‌ نه‌فره‌تتان لێكراوه‌ به‌ره‌و ئاگری هه‌تاهه‌تایی، ئه‌وه‌ی بۆ ئیبلیس و فریشته‌كانی ئاماده‌ كراوه‌، 42چونكه‌ برسی بووم نانتان نه‌دامێ، تینوو بووم ئاوتان نه‌دامێ، 43نامۆ بووم شوێنتان نه‌كردمه‌وه‌، ڕووت بووم جلتان له‌به‌ر نه‌كردم، نه‌خۆش و زیندانی بووم سه‌رتان لێ نه‌دام.“
44«ئه‌وانیش وه‌ڵام ده‌ده‌نه‌وه‌: ”گه‌وره‌م، كه‌ی تۆمان به‌ برسیێتی یان تینوو یان نامۆ یان ڕووت یان نه‌خۆش یان زیندانی بینیوه‌ و خزمه‌تمان نه‌كردوویت؟“
45«ئه‌ویش وه‌ڵامیان ده‌داته‌وه‌: ”ڕاستیتان پێ ده‌ڵێم: هه‌رچییه‌كتان بۆ یه‌كێك له‌م بچووكانه‌ نه‌كردووه‌، بۆ منتان نه‌كردووه‌.“
46«ئه‌وانه‌ بۆ سزای هه‌تاهه‌تایی ده‌چن، به‌ڵام ڕاستودروستان بۆ ژیانی هه‌تاهه‌تایی.»