على التوازي
23
هەمووتان برای یەكترین
1پاشان عیسا بە خەڵكەكە و قوتابییەكانی خۆی 2فەرموو: «مامۆستایانی تەورات و فەریسییەكان لەسەر كورسی موسا دانیشتن. 3لەبەر ئەوە ڕێك هەموو ئەوانە جێبەجێ بكەن كە پێتان دەڵێن، بەڵام بە كرداری ئەوان مەكەن، چونكە ئەوان دەڵێن و نایكەن. 4باری قورس كە هەڵناگیرێت، دەیپێچنەوە و دەیخەنە سەر شانی خەڵكی، بەڵام خۆیان نایانەوێت بە پەنجەش بیجوڵێنن.
5«هەموو كردارەكانیان بۆ ئەوەیە خەڵكی بیانبینن، بە پانكردنی نوشتەكانیان و گەورەكردنی گوڵینگەكانیان#23‏:5 بڕوانە پەڕتووكی سەرژمێری 15‏:37‏-40.‏‏. 6حەز دەكەن لە میوانداری لەلای سەرەوە و لە كەنیشتەكانیش ڕیزی پێشەوە، 7لە بازاڕیشدا سڵاویان لێ بكرێت و خەڵك بە ”ڕابی#23‏:7 ڕابی: وشەیەكی عیبرییە بە واتای مامۆستا دێت.“ بانگیان بكەن.
8«بەڵام با ئێوە بە ”ڕابی“ بانگ نەكرێن، چونكە تەنها یەك مامۆستاتان هەیە و ئێوەش هەموو بران. 9كەسیش لەسەر زەوی بە ”باوك“ بانگ مەكەن، چونكە یەك باوكتان هەیە، ئەوەی لە ئاسمانە. 10بە ”مامۆستا“ بانگ نەكرێن، چونكە یەك مامۆستاتان هەیە، ئەویش مەسیحە. 11ئەوەی لەنێوتان پایەبەرزترە، دەبێتە خزمەتكارتان. 12ئەوەی خۆی بەرز بكاتەوە نزم دەكرێتەوە، ئەوەش خۆی نزم بكاتەوە بەرز دەكرێتەوە.
دووڕوویی فەریسییەكان
13«بەڵام قوڕبەسەرتان ئەی مامۆستایانی تەورات و فەریسییەكان! دووڕووان! چونكە شانشینی ئاسمان لەڕووی خەڵك دادەخەن، نە خۆتان دەچنە ژوورەوە و نە دەهێڵن ئەوانەی كە دەیانەوێ، بچنە ژوورەوە.
14«قوڕبەسەرتان ئەی مامۆستایانی تەورات و فەریسییەكان! دووڕووان! ماڵی بێوەژن#23‏:14 لە كتێبی پیرۆزدا بێوەژن مەبەست لەو ئافرەتانەیە كە مێردیان مردووە. هەڵدەلووشن، بۆ دەرخستنیش نوێژ درێژ دەكەنەوە، لەبەر ئەوە سزاتان گەورەترە.
15«قوڕبەسەرتان ئەی مامۆستایانی تەورات و فەریسییەكان! دووڕووان! دەریا و وشكانی دەگەڕێن تاكو یەكێك بكەنە جولەكە، كە بوو، ئەوسا دوو ئەوەندەی خۆتان دەیكەنە كوڕی دۆزەخ.
16«قوڕبەسەرتان ئەی ڕابەرە كوێرەكان! دەڵێن: ”ئەوەی سوێند بە پەرستگا بخوات، هیچ نییە. بەڵام ئەوەی سوێند بە زێڕی پەرستگا بخوات، ئەوا پابەندە.“ 17ئەی گێل و كوێرینە، كامیان گرنگترە، زێڕەكە یان پەرستگا كە زێڕەكە پیرۆز دەكات؟ 18هەروەها ”ئەوەی سوێند بە قوربانگا بخوات، هیچ نییە، بەڵام ئەوەی سوێند بە قوربانییەكەی سەری بخوات، ئەوا پابەندە.“ 19ئەی كوێرینە كامیان گرنگترە، قوربانی یان قوربانگا كە قوربانییەكە پیرۆز دەكات؟ 20بۆیە ئەوەی سوێند بە قوربانگا دەخوات، ئەوا سوێند بەو دەخوات و بە هەموو ئەوەش كە لەسەریەتی. 21ئەوەی سوێند بە پەرستگا دەخوات، ئەوا سوێند بەو دەخوات و بە ئەوەش كە تێیدا نیشتەجێیە. 22ئەوەی سوێند بە ئاسمان دەخوات، ئەوا سوێند بە تەختی خودا دەخوات و بەوەش كە لەسەری دانیشتووە.
23«قوڕبەسەرتان ئەی مامۆستایانی تەورات و فەریسییەكان! دووڕووان! چونكە دەیەكی پونگ و شویت#23‏:23 شبیت. و ڕازیانە دەدەن و گرنگترینی تەوراتتان پشتگوێ خستووە. دادپەروەری و بەزەیی و دڵسۆزی، پێویست بوو ئەمانە بكەن و ئەوانەش پشتگوێ نەخەن. 24ئەی ڕابەرە كوێرەكان! ئێوە لەبەر مێشوولە شلەمەنی دەپاڵێون، بەڵام وشتر قووتدەدەن!
25«قوڕبەسەرتان ئەی مامۆستایانی تەورات و فەریسییەكان! دووڕووان! چونكە دەرەوەی جام و قاپ پاك دەكەنەوە، بەڵام ناوەكەی پڕە لە چڵێسی و بەڕەڵایی. 26ئەی فەریسی كوێر، یەكەم جار ناو جام پاك بكەرەوە، تاكو دەرەوەشی پاك بێتەوە.
27«قوڕبەسەرتان ئەی مامۆستایانی تەورات و فەریسییەكان! دووڕووان! چونكە ئێوە لە گۆڕی سپیكراو دەچن، كە بە ڕواڵەت جوان دیارە، بەڵام ناوەوەی پڕە لە ئێسقانی مردووان و هەموو پیسییەك. 28ئێوەش ئاوان، بە ڕواڵەت لەلای خەڵك ڕاستودروستن، بەڵام ناوەوەتان پڕە لە دووڕوویی و سەرپێچی.
29«قوڕبەسەرتان ئەی مامۆستایانی تەورات و فەریسییەكان! دووڕووان! ئێوە گۆڕی پێغەمبەران هەڵدەبەستن و ئارامگای پیاوچاكان دەڕازێننەوە و 30دەڵێن: ”ئەگەر لە سەردەمی باوباپیراندا بژیاینایە، لە خوێنی پێغەمبەران بەشداریان نەدەبووین.“ 31كەواتە شایەتی لەسەر خۆتان دەدەن كە كوڕی پێغەمبەركوژانن. 32جا ئێوە پێوانەی باوباپیرانتان پڕ بكەن!
33«ئەی مارینە! ئەی بێچووە ماران! چۆن لە سزای دۆزەخ هەڵدێن؟ 34لەبەر ئەمەیە ئەوەتا پێغەمبەر و دانا و مامۆستایانی تەوراتتان بۆ دەنێرم. لێیان دەكوژن و لە خاچیان دەدەن، لە كەنیشتەكانتان بەر قامچییان دەدەن و لە شارێكەوە بۆ شارێكی دیكە ڕاوییان دەنێن. 35لەبەر ئەوە هەموو خوێنێكی پاك كە لەسەر ئەم زەوییەدا ڕژاوە دەكەوێتە ئەستۆتان، لە خوێنی هابیلی ڕاستودروستەوە تاكو خوێنی زەكەریای كوڕی بەرەخیا كە لەنێوان قوربانگا و پەرستگادا كوشتتان. 36ڕاستیتان پێ دەڵێم: ئۆباڵی هەموو ئەمانە دەكەوێتە ئەستۆی ئەم نەوەیە.»
خەمباری عیسا سەبارەت بە ئۆرشەلیم
37«ئەی ئۆرشەلیم، ئەی ئۆرشەلیم، بكوژی پێغەمبەران و بەردبارانكاری ئەوانەی بۆت نێردران، چەند جار ویستم منداڵەكانت كۆبكەمەوە، هەروەك چۆن مریشك جوجەڵەكانی لەژێر باڵیدا كۆدەكاتەوە، بەڵام نەتانویست. 38ئەوەتا ماڵەكەتان بە وێرانی بۆ بەجێدەهێڵدرێ! 39پێتان دەڵێم، ئیتر نامبیننەوە، هەتا ئەوەی دەڵێن: [پیرۆزە ئەوەی بە ناوی یەزدانەوە دێت.]#23‏:39 زەبوورەكان 118‏:26‏‏»