ST. MARK 16
16
1Uhpe dush kahishquah‐aunwabe‐kezheguk, Mary Magdalene kuhya Mary oogeen owh James, kuhya Salome oogekishpenuhtoonahwah manoomahgwukkin noomenegunun, chepesegenahmahwahwaud.
2Kache‐kekezhabahwahgudenig netum kezheguk, kepeëzhahwug emuh chebaguhmigoong, kahmookesad kezis.
3Oo‐oo dush keëzheguhnoonindewug, Ahwanan käekoo-wabenuhmoonenung ewh ahsin emuh ishquaundamewung chebaguhmig atag?
4Uhpe dush kahenahbewaud, oowahbundahnahwah ewh ahsin cheëkoo‐wabenegahdag, keche‐mechahbikezegoobun suh.
5Kahpepeendegawaud emuh chebaguhmigoong, oogewahbuhmahwaun ooshkenuhwan nuhmuhdnhbenid emuh ookechenekahnewaung enuhkuhkayah wahbishkekoonuhyanid, kekeche‐sagezewug edush.
6Oo‐oo dush oodenaun enewh equawun, Kagoo sagezekagoon, kenundahwahbuhmahwah owh Jesus Nazarething duhzhe‐enene, kahahgwahquahegahzood: keähbejebah; kahween oomuh ahyahse; wahbunduhmook emuh keähsahwaud.
7Mahjaug dush weenduhmoowik enewh ookekenooahmahgunun, kuhya owh Peter, cheühnenegahnid suh emuh Galileeng ezhaud; ewede kegahwahbuhmahwah, debishkoo kahenenag.
8Waweeb dush kesahgahuhmoog, keoozhemoowug dush nuhguhduhmoowaud ewh chebaguhmig; keningishkahwug dush, kuhya kemahmahkahdanduhmoog: kah dush oogeguhnoonahsewaun ahweyah enenewun, kekeche‐sagezewug muh.
9Uhpe dush owh Jesus kahahbejebaud kekezhab netum kezheguk, oogewahbuhmegoon netum enewh Mary Magdaleneün kahsahgeje‐wabenuhmahwahpun neeshwahswe mujje‐muhnedoon oonje weyowening.
10Ween dush kemahjah keähweweenduhmoowaud enewh wahjewahpuneen, magwah kushkanduhmenid kuhya mahwenid.
11Uhpe dush kahnoonduhmoowaud bemahdezenid enewh Jesusun, kuhya kewahbuhmegood enewh Maryun, kahween kedabwatunsewug.
12Nahguj dush puhkaun ezhenahgoozid oogewahbuhmegoon neezh enewh ookekenooahmahgunun, magwah uhnebemoosanid, ezhahnid duhnuhkewining.
13Kemahjahwug dush kewahweenduhmahwahwaud enewh bakahnezenejin; kah dush kedabwayanduhsewun.
14Menuhwah dush oogewahbuhmegoon enewh metahswe‐ahshe‐pazhik kekenooahmahgunun magwah wesenenid, oogenuhneebekemaun dush ewh dabwavanduhsenid kuhya mushkahwedaänid, ewh suh kedabwatahwahsenid enewh kahwahbuhmegoojin uhpe kahahbejebaud.
15Oo‐oo dush oogeënaun, Ezhaug suh emuh anegookookummegaug uhkee, debahjemootahwik dush kuhkenuh bamahdezejig ewh menwahjemoowin.
16Owh suh kadabwayandung kuhya kabaptizooïnd tahbemahjeäh: owh dush duhyabwayanduhsig tahnahneboomah.
17Egewh dush duhyabwayandungig oogahnoopenuhnegoonahwaun oonoo kekenoowahjechegunun; Emuh nindezhenekahzoowining oogahsahgeje‐wabenahwaun enewh mujje‐muhnedoon; ooshkee‐inwawinun dush tahinwawug;
18Oogahoodahpenahwaun enewh kenabigoon; kishpin dush menequawaud gagoo mujje‐mushkeke kahween ningood oogahenekahgoosenahwah; oogahtaungenahwaun enewh ayahkoozenejin, me dush chenoojemoonid.
19Bahnemah dush kahishquah‐guhnoonaud owh Tabaningad, keche‐kezhegoong keëzheweenah, kenuhmuhduhbe dush emuh ookechenikaung owh Kesha‐Muhnedoo.
20Kemahjahwug dush, mezewakummig dush kepahbahkuhgequawug, keweedookahgoowaud enewh tabaninganejin, oogeühyeenjesetoon dush ewh ekedoowin, ewh kemahmaundahwejeganid enewh kagequanejin. Amen.
المحددات الحالية:
ST. MARK 16: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
