ST. LUKE 1
1
1Nebewah gooshah keöozhebeëgawug we‐ahnekadebahdooduhmoowaud oonoo uhyeëen oonjedah duhyabwayanduhmungoon,
2Debishkoo kahwahweenduhmahweyummingedwah, egewh wuhyashkud kahwahbundungig, kuhya kahbuhmeetungig ewh ekedoowin;
3Ningeënandum kuhya neen, quuhyuk kekekanduhmaun kuhkenuh gagoo wuhyashkud kahezhewabukin, cheahneka‐mahjebeühmoonaun, keen kachetwahwandahgoozeyun Theophilus.
4Cheöonjepuhgukkanduhmun ewh kagate tabwamahguk oonoo ekedoowinun kahezhekenooahmahgooyun.
5Magwah keche‐öogemahwid owh Herod, Judea duhzhe keche‐oogemah, keähyah pazhik sahsahgewejega‐wenene Zacharias keëzhenekahzood, kahdebandahgoozid emuh Abia oodahneka‐buhmeetahgawining: kuhya wewun enewh kahoodahnesejin owh Aaron, Elizabeth keëzhenekahzoowun.
6Nuhyazh dush quuhyuk keëzhewabezewug emuh enahsuhmuhbid owh Kesha‐Muhnedoo, kebemoosawaud emuh kuhkenuh ookuhgequawinening kuhya oodenahkoonegawinening enewh Jehovahun, kah dush ningood kemahnahdahjemahsewug.
7Kah dush keöonejahnesesewug, ween muh Elizabeth kah kenegeähwuhzoose, nuhyazh dush zhuhyegwah kekeche‐kekahwug.
8Kepuhgummeähyah dush, magwah mekindung ewh sahsahgewejegawine‐ahnookewin emuh enahsuhmuhbid owh Kesha‐Muhnodoo.
9Debishkoo kahahneka‐ezhechegawaud egewh sahsahgewejega‐wenenewug, ween enandahgoozegoobun chechahgezung ewh menoo‐mahgoojegun, uhpe goo anepeendegagoobunan emuh ookechetwah‐weguhmigoong Kesha‐Muhnedoo.
10Kuhya dush ahgwahjeeng duhzhe‐ahnuhmeähgwahpun egewh mahyahwunjeëdejig ahnishenahbag magwah chahgezuhming ewh menoo‐mahgoojegun.
11Oogewahbuhmaun dush enewh oodangenemun owh Tabaningad, nebahwenid emuh ookechenikahwung ewh sahsahgewejegun‐ahbik kah‐duhzhe‐chahgedag ewh menoo‐mahgoojegun.
12Kekeche‐wahwuhnandum dush owh Zacharias, uhpe wuhyahbuhmaud, kuhya kekeche‐sageze.
13Owh dush angen oo‐oo oogeënaun, Kagoo sagezekan, Zacharias: kegebezindahgoo muh azhepahgoosanjegayun; kuhya dush owh kewedegamahgun Elizabeth oogahnegeäun enewh kaöogwisseyun, John dush kegahezhenekahnah.
14Kegahahyaun dush ewh moojegezewin kuhya bahpenanduhmoowin; kuhya nebewah bamahdezejig tahmoojegezewug oonegewin oonje.
15Tahkeche‐ahpetandahgooze dush emuh enahsuhmuhbid owh Tabaningad; kah dush oogahmenequaseen ewh shooweminahboo kuhya mashkahwahgummig menequawin: oogahmooshkenashkahgoon enewh Keche‐Oojechaugwun, pooch kekishkahgood enewh oogeen.
16Oogahquakeäun dush nebewah oonejahnesun owh Israel chebuhmeetuhwahnid enewh Jehovahun Ookesha‐Muhnedoomewaun.
17Tahneegahnee dush emuh enahsuhmenid emuh oodezhewabezewining kuhya oomushkahwezewining owh Elias, chequakenahmahwaud wanejahnesememindjin enewh wanejahnesemegoowahjin oodaëne, kuhya enewh kagaunzetuhmenejin emuh oonebwahkahwenewaung egewh quuhyuk azhewabezejig; cheoozhetahaud enewh ahnishenahban chewebuhmeetahwahnid enewh Jehovahun.
18Zacharias dush oogeënaun enewh angenun, Wagoonash kaöonjekekanduhmaun oonoo? Ninduhkewanzewh mahween, kuhya newedegamahgun zhuhyegwah keche-mindemooyewe.
19Owh dush angen oogenuhquatuhwaun, oo‐oo keënaud, Neen nindow Gabriel, owh nahbahwid emuh enahsuhmuhbid owh Kesha‐Muhnedoo, ningeähnoonegoo dush cheguhnoonenaun, kuhya chewahweenduhmoonaun oonoo minwahjemoowinun.
20Benuh dush, kahween kegahkushketooseen chekekedooyun, nahnauzh ewh kezheguk uhpe ketebishkoosag oonoo, oonje ewh kedabwatuhsewun nindekedoowinun, ahbetakummig kaëzhewabuk uhpe oojechesamahguk.
21Egewh dush ahnishenahbag oogenundahwanemahwaun enewh Zachariasun, kemahmahkahdanduhmoog kuhbayuhee ahyahnid emuh kechetwah‐weguhmigoong.
22Uhpe dush kahsahgahung, kahween oogekushketooseen ewh cheguhnoonaud: me dush kekanemahwaud kagoo mamaundahwuk kewahbunduhmenid emuh keche‐ahnuhmeä‐weguhmigoong: ween dush oogechaunegquatuhwaun, kah dush oogekushketooseen chekekedood.
23Kepuhgummeähyah dush, uhpe kahishquahsanig enewh buhmeetahgawine‐ookezhegudoomun, keëzhekewa ewede andaud.
24Bahnemah kahishquahsag oonoo kezhegudoon, keünjekoowun Elizabethun wewun, nahnoo‐keezis dush kekahzoowun, oo‐oo keëkedoonid.
25Me suh kahdoodahwid ewh Jehovah, uhpe keguhnuhwahbuhmid, cheëkoonahmahwid ewh nindahbussandahgoozewin anduhzhe ahyahwaud egewh enenewug.
26Kahningoodwahsoo‐keeziswahguk dush, owh angen Gabriel azhenekahzood oogepeëzhenahzhahoogoon enewh Kesha‐Muhnedoon, cheëzhaud emuh Galileenaung duhzhe oodanah, Nazareth kahezhenekahdag.
27Kegaungwun kahpenaunzekahwahjin, wahwedegamahgoobuneen enenewun Joseph kahezhenekahzoonejin, owh kahooketezemaud enewh Davidun: owh dush kegaungooqua Mary keëzhenekahzoo.
28Oogepeendegahgoon dush keche‐kezhegoong duhzhe‐angenun, oo‐oo dush keëgood, Kedahnemekoon keen shawandahgoozeyun, keweedookaug sah owh Jehovah: keshahwandahgooz menik anduhchewaud egewh equawug.
29Uhpe dush wuhyahbuhmaud, kemegooshkahje‐ahyah oonje ewh kahegood, kenahnahgahdahwandum dush wagoodoogwanedoog ahnemikoodahdewin oo‐oo kahahwunoogwan.
30Oo‐oo dush keëgood enewh angenun, Kagoo sagezekan, Mary: kegemekaun suh ewh ooshahwanjegawin owh Kesha‐Muhnedoo.
31Benuh dush, kegahkekishkahwah ahbenooje, kegahnegeäh dush quewezans, JESUS dush kegahezhenekahnah.
32Tahkechetwahwandahgooze, kuhya Mahyahmahwe ishpandahgoozid oogwissun tahezheweenzoo: enewh dush Jehovahun Kesha‐Muhnedoon oogahmeenegoon ewh oodoogemah‐wuhbewinene enewh oosun Davidun.
33Oogahoogemahkundahwaun dush enewh Jacob oonejahnesun kahgenig; kuhya dush oodoogemahwewin kah wekah tahishquahsasenene.
34Me dush owh Mary oo‐oo keënaud enewh angenun, Ahneen kaëzhewabuk oonoo, ewh kekanemahsewug enene?
35Angenun dush oogenuhquatahgoon, oo‐oo keëgood, Owh Keche‐Oojechaug kegahoodissik, kuhya dush ewh oomushkahwezewin owh Mahyahmahwe‐ishpandahgoozid kegahahgahwahtashkahgoo: me dush owh Kache‐peenezid kanegeüd kaöonjeëzhenekahnind Oogwissun owh Kesha‐Muhnedoo.
36Benuh dush, owh kedaungoosha Elizabeth, kuhya ween ookekishkahwaun enewh quewezansun ahnoo goo kekaud: me noongoom ahzhe ningoodwahsoo‐keeziswahgud akoo‐unjekood owh wanejahnesesig anindebun.
37Kah muh gagoo oopwahnuhwetooseen owh Kesha‐Muhnedoo.
38Mary dush keëkedoo, Benuh suh, oobuhmeetahgunequamun owh Jehovah; mahnoo ningahezheähyah debishkoo ewh kahekedooyun. Kemahjahwun dush enewh angenun.
39Ewh dush uhpe kepuhsegwe owh Mary, waweeb dush keëzhah emuh akoo‐wahjewekaug, emuh Juda duhzhe oodanaung;
40Kepeendega dush emuh oowegewauming owh Zacharias, keähnahmekahwaud dush enewh Elizabethun.
41Keëzhewabud dush, uhpe owh Elizabeth kahnoondung ewh ahnuhmekahgood enewh Maryun, oodahbenoojeëmun kakishkahwahjin kequaushkoonewun; oogemooshkanashkahgoon dush Keche‐Oojechaugwun.
42Kekeche‐kezhewa dush oo‐oo keëkedood, Keshahwandahgooz anduhchewaud egewh equawug, kuhya shahwandahgooze owh kakishkahwud:
43Ahneeshwin dush oo‐oo andoodahgooyaun, pahnaunzekahwid oogeen owh Tabanemid?
44Benuh, uhpe kahnoonduhmaun ewh kedahnuhmekahgawin, owh ahbenooje kakishkahwug kequaushquahne apeech moojegezid.
45Shahwandahgooze dush owh kahdabwayandung, tahtebishkoosane suh oonoo kahegood enewh Tabaninganejin
46Oo‐oo dush keëkedoo owh Mary, Ninjechaug oowahwezhanemaun enewh Jehovahun.
47Kuhya ninjechaug oogemoojegezetahgoon Kesha‐Muhnedoo kahbemahjeïd.
48Oogeguhnuhwahbuhmaun suh enewh dabussandahgoozenejin oobuhmeetahgun‐equamun: benuh, noongoom kuhya kahgenig kuhkenuh aneähneka‐bemah‐dezejig shahwandahgooze ningahegoog.
49Owh muh mashkahwezid ningedoodaug keche‐uhyeëen, kuhya kechetwahwandahgwudene oodezhenekahzoowin.
50Kuhya ooshahwanjegawin oodoodissegoonahwah egewh quasahjig kahgenig uhpena kahgenig.
51Oogewahbundahewan oomushkahwenikawin; oogesuhswa‐nahzhahwaun enewh manahdanemoonejin emuh ananduhmoomahgudenig oodaëwaun.
52Oonuhmuhduhbewinening oogeöonje‐neswabenaun enewh mashkahwezenejin, kuhya dush oogeöombenaun enewh katemahgezenejin.
53Oogetabesineäun enewh pakuddanejin enewh wanesheshingin, kuhya dush kachetwahwezenejin pezheshig oogesahgeje‐nahzhahwaun.
54Ween mequandung ooshahwanjegawin, oogeweedookahwaun oobuhmeetahgun Israelun.
55Kahezhewahweenduhmoowaud koosenahnin, Abraham kuhya oonejahnesun kahgenig.
56Kagah nesoo‐keezis owh Mary oogeweejewaun enewh, medush keëzhekewad emuh tebenuhwa oowegewauming.
57Ahzhe dush Elizabeth ketebishkoosane ewh uhpe chenegeähwuhsood; oogenegeäun dush enewh quewezansun.
58Weejeduhnuhkewamahgunun kuhya oodenahwamahgunun kenoondahgawun kahezheshahwanemegood enewh Tabaninganejin; oogeweejmoojegezemegoon dush.
59Kepuhgummeähyahmahgud dush, neeshwausoogoonahguk kepeëzhahwug chekekenoowahje‐mahdezhwahwaud enewh ahbenoojeün; Zacharias dush oogeweëzhenekahnahwaun, debishkoo azhenekahzoonid enewh oosene.
60Oogeen dush oogenuhquatahgoowaun, oo‐oo keëgoowaud, Kahween ewh; John suh tahezhenekahzoo.
61Oo‐oo dush oogeënahwaun, Kahween ahweyah anduhchewaud kedenahwamahgunug oo‐oo ezhenekahzoose.
62Oogeühyenenuhmahwaun enewh oosene, ewh kaëzhenekahzoonid.
63Oogenundoodaun dush muzzeneëgauns, keoozhebeëga dush, oo‐oo keëkedood, John suh tahezhenekahzoo. Kuhkenuh dush kemahmahkahdanduhmoog.
64Kazhetena dush kenesahkooshkahne oodoon, kuhya oodanuhnewh kepuggissekahne, kekekedoo dush, kuhya kemahmooyahwahmaud enewh Kesha‐Muhnedoon.
65Sagezewin dush oogeähpuggissekahgoonahwah kuhkenuh emuh kewetuhyeëe kahdahjig: kuhkenuh dush oonoo ekedoowinun kesuhswaweenjegahdanoon emuh akoo‐ishpahdenaug emuh Judea duhzhe uhkeeng.
66Kuhkenuh dush kahnoondungig oogeähsunjegoonahwah emuh oodaëwaung, oo‐oo dush keëkedoowaud, Ahneen kaëzhewabezid mahbuh ahbenooje! Kuhya dush ooneenj owh Tabaningad oogeweedookahgoon.
67Oosun dush Zacharias oogemooshkenashkahgoon enewh Keche‐Oojechaugwun, keäunwahjega dush, oo‐oo keëkedood,
68Tahpeshegandahgooze owh Jehovah Israel ookesha‐Muhnedoomun; oogepenaunzekahwaun suh, kuhya oogebemahjeäun oodahnishenahbamun.
69Kuhya kegeöombenemahgoonaun kache‐enandahgwuk bemahjeëgoowin emuh oowegewaumening enewh Davidun oobuhmeetahgunemun;
70Kahezhewahweendahmahgad emuh oodoonening enewh kachetwahwezenejin oodaunwahjega‐wenenemun kahahyahnejin pahahkoo‐uhkeewung:
71Chemeetahgwanahmahgooyung wemujje‐doodoonungwah egewh shaunganemenungoog, kuhya ooneenjewaung egewh nashkanemenungoog cheoonjebemahjeëgooyung;
72Chekezhetoong ewh shahwandahgoozewin kahezhewahweenduhmoowindwah egewh keketezemenenahnig, kuhya chemequanduhming ewh kachetwahwandahgwudenig oowahweendahmahgawin.
73Ewh mushkahwe‐kezhwawin kahezhewahweenduhmoowaud enewh koosenaun Abraham,
74Chemeenenung, kenuhwind chebemahjeëgooyung, chebuhmeetahwung kuhnuhga chekoosahsewungwah nashkanemenungoog,
75Emuh menoo‐ezhewabezewining kuhya emuh quuhyuk‐wahdezewining emuh enahsuhmuhbid, kaähkoobemahdezeyung.
76Kuhya dush keen ahyahbenoojeeweyun, kegahezhenekahnegoo oodaunwahjega‐wenenemun owh Mahyahmahwe‐ishpandahgoozid; kegahuhnenegaun emuh enahsuhmuhbid owh Jehovah, chewahwazhesittooyun ewh kaëneëzhaud;
77Chekekanduhmooüdwah oodahnishenahbamun ewh bemahjeëwawin, cheöonjewabenuhmoowindwah enewh oomujjeëzhewabezewinewaun,
78Emuh ookeche‐shahwanjegawining owh keKesha Muhnedoomenaun kegepemoowuddisegoonaun owh keche‐kezhegoong wanjeed, wahsayahzewin pahtood.
79Chemeenaud ewh wahsayahzewin enewh magwah puhsuhgishtebik namuhduhbenejin, kuhya neboowine ahgahwahtashemoowining ayahnejin, kuhya cheähtood kesittahnahnin emuh pezaunewawine‐meekunaung.
80Owh dush ahbenooje kemahjege, kuhya ashkum kemushkahweze emuh oojechaugoong; puhgwuhduhkummig dush keähyah nahnauzh ewh kezheguk kewahbundahind owh Israel.
المحددات الحالية:
ST. LUKE 1: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
