ST. MARK 15
15
1Kazhetena dush kakezhabahwahguk, egewh keche‐sahsahgewejega‐wenenewug kekahkedoowug keweedookahgoowaud enewh katezenejin kuhya oozhebeëga‐wenenewun kuhya kuhkenuh enewh tebahkoonega‐wenenewun, oogeminjemahpenahwaun dush enewh Jesusun, kuhya kemahjewenahwaud, kuhya keühnepuggedenahmahwahwaud enewh Pilateün.
2Pilate dush oogekuhgwajemaun, Keen nuh kedoogemahkundahwaug egewh Jewyug? Oogenuhquatuhwaun oo‐oo dush enaud, Kedekid.
3Egewh keche‐sahsahgewejega‐wenenewug nebewah oogeähnahmemahwaun: kah dush ningood kenuhquatunse
4Menuhwah dush Pilate oogekuhgwajemaun, oo‐oo keëkedood, Kah nuh ningood kedezhenuhquatunse? Benuh menik oogoo azheähnahmemikwah.
5Kah suh dush muhshe ningood keëzhe‐nuhquahtunse Jesus; kemahmahkahdandum dush owh Pilate.
6Uhpe wahkoondingin, oogepuggedenahmahwahbuneen pazhik kabahquahegahzoonejin, enewh suh goo kahnundahwanemahwahjin.
7Keähyah suh pazhik Barabbas azhenekahzood, kahminjemahpenegahzood, mahmahwe enewh wahdookahgoojin kemegahnaud enewh oogemaun, kuhya pakish keneshewawug, kahmegahzoowaud.
8Egewh ahnishenahbag kepepahgewug, kemahje‐undooduhmoowahwaud chedoodahgoowaud, uhpena kahuhyindoodahgoowaud.
9Pilate dush oogenuhquatuhwaun, oo‐oo keënaud, Kedenandaum nuh chepuhgedenuhmoonuhgoog wah‐owh wagemahkunduhwaud enewh Jewyun?
10Oogekekandaun muh kuhgahwanindewin egewh keche‐sahsahgewejega‐wenenewug kahoonje‐puhgedenuhmahwahwaud.
11Egewh dush keche‐sahsahgahwejega‐wenenewug oogekahgaunzoomahwaun enewh abnishenahban, cheündoodahmahganid Barabbasun chepungedenuhmahwindwah.
12Pilate dush oogenuhquatuhwaun menuhwah, oo‐oo keënaud, Ahneen ananduhmag chedoodahwug wah‐owh Jewyug oodoogemahmewah azhenekahnag.
13Menuhwah dush kepepahgewug, Ahgwahquahweh.
14Pilate dush oo‐oo oogeënaun, Ahneeshwin, wagoonan kahmujjeëzhechegad? Ashkum dush anegook keëzhepepahgewug, Ahgwahquahweh.
15Pilate dush enandung wemenoodoodahwaud enewh ahnishenahban, oogepuggedenuhmahwaun enewh Barabbasun, uhpe dush kepuhzhunzhawaud enewh Jesusun, oogepuhgedenaun cheähgwahquahoomind.
16Shemahguneshug dush oogeëzhewenahwaun emuh kekedoo‐weguhmigoong, Pretorium azhenekahdag; kuhya dush oogemahwundoonahwaun kuhkenuh anduhchenid shemahguneshun.
17Oogepesekoonahwaun ewh mesquagin, kuhya menasahgahwunzhe‐wewuhquaun oogeookahdanahwah, kuhya oogepesekoonahwaun ooshtequahnening.
18Kemahje‐ahnahmekahwahwaud, Kedahnemekahgoo keen wagemahkundahwudwah egewh Jewyug.
19Oogepuhketawahwaun emuh ooshtequahnening ahsahgunushk ahyoowaud, kuhya dush oogesikwahnahwaun, kuhya ewh keoojecheengwuhnetuhwahwaud.
20Uhpe dush kahishquah‐bahpenoodahwahwaud, oogekesekoonahwaun ewh mesquagenoo‐pesekoowahgun, kuhya dush tebenuhwa oodahgwewinun kepesekoonahwaud, oogemahjewenahwaun cheähgwahquahoomind.
21Ketwa dush oogeähnoonahwaun pazhik enenewun Simon Cyrenia duhzhe wenewun, bemoosagoobun, duhnuhkewining kebeoonjebahgoobunan, (oosun owh Alexander kuhya Rufus) chepemoonduhmenid ewh oodahzhedayahtekoomene.
22Oodezhewenahwaun dush emuh Golgotha azhenekahdag, oo‐oo azhenesittootahgwuk anekenootuhming, Ooshtequaunekauning.
23Oogemeenuhahwaun dush ewh shooweminahboo, mushkeke ketuhgoonuhmoowaud: kah dush oogeweähyaunseen.
24Uhpe dush kahahgwahquahwahwaud, oogepegoopetoonahwah ooduhgwewinene, keähtahdewaud, anduhchid neene menik edoog kaoodahpenung.
25Nesoo‐tebahegunagoobun uhpe, oogeähgwahquahwahwaun dush.
26Kahezhe‐ahnahmememind oogejuhyee keëzhebeëgahdane, OODOOGEMAHMEWAUN EGEWH JEWYUG.
27Oogetuhgoo‐ahgwahquahwahwaun neezh kamoodeshkenejin, pazhik emuh ookechenikauning, menuhwah dush pazhik emuh oonuhmunjenikauning.
28Ketebishkoosa dush ewh kechetwah‐oozhebeëgun kahekedoomahguk, Ketuhgoo‐uhgemah suh emuh maje‐ezhewabezenejin.
29Egewh dush anebemoosajig oogebahpenuhdahwahwaun, kewawabequanewug, oo‐oo dush keëkedoowaud, Ahah Benuh keen banahjetooyun ewh ahnuhmeä‐weguhmig, kuhya nasoogoonuhguk nayaub wazhetooyun,
30Bemahjeëdezoon, kuhya dush ahzhedayahtekoong oonje‐nesaunduhwan.
31Me dush kuhya egewh keche‐sahsahgewejega‐wenenewug kebahpenuhdahwahwaud mahmahwe dush egewh oozhebeëga‐wenenewug, oo‐oo dush keëdewaud, Oogebemahjeäun suh enewh bakahnezenejin; ween dush tebenuhwa kahween ookushketooseen chebemahjeëdezood.
32Mahnoo owh Christ Israel oodoogemahmun, noongoom tahpeöonje‐nesaunduhwa emuh ahzhedayahtekoong, cheöonjewahbunduhmung kuhya dush chetabwatahmung Egewh dush kahtuhgoo‐ahgwahquahoondjig oogebahpenoodahwahwaun.
33Uhpe dush nahyahwuhqnag, ketebkiahbemenahgwud emuh anegookookummegaug uhke, nahnauzh egoo ewh shaungussoo‐tebahegun.
34Uhpe dush shahyaungussoo‐tebahegunag, Jesus keche‐anegook kepepahge, oo‐oo keëkedood, Eloi, Eloi, lama sabacthani? me suh akedoong aneekenootuhming, Nekesha‐Muhnedoom, Nekesha‐Muhnedoom, ahneeshwin nuhguhzheyun?
35Ahnind dush nahbahwejig, uhpe nwaunduhmoowaud, keëkedoowug, Benuh, oonundoomaun enewh Eliasun.
36Pazhik dush keähbuhtoo, kemooshkenabuhtood eskahebaun ewh shewahboo, kuhya oogeähtoon emuh ahsahgunushkoong, kemeenaud dush ewh chemeenequanid, oo oo keëkedood, Pooneïk, wahbundundah kishpin penesaundahweëgoogwan enewh Eliasun.
37Jesus dush kahkeche‐pepahgid keïshquahnuhmoo.
38Kuhya dush ewh kebuhgoochegun emuh ahnuhmeä‐weguhmigoong ketaushkekesaishpeming oonje, peenish egoo metushkuhkummig.
39Uhpe dush owh menesenoo‐oogemah debishkoo kahahgwahquahoomind kahnebahwid, kahwahbundung oo‐oo keëzhepepahgenid kuhya keëzheïshquahnuhmoonid, oo‐oo keëkedoo, Kagate suh, Kesha‐Muhnedoo oogwissun ahwegoobun wah‐owh enene.
40Keähyahwug dush equawug wahsuh wanzahbunje-gajig: Mary Magdalene, kuhya owh Mary oogeewaun owh James agahsheïd kuhya owh Joses, kuhya owh Salome emuh keähyahwug.
41(Mesuh oogoo kahnoopenuhnahjig, kuhya kahbuhmeetahwahjig magwah emuh Galileenaung keähyaud) kuhya nebewah ahnind equawug kahpemeweejewahjig emuh Jerusaleming.
42Uhpe dush kahoonahgooshig, magwah gooshah wahwazhetahwaud wahbung weäunwabe‐kezheguk.
43Joseph Aramatheäïng duhzhe wenene, owh kachetwahwezid tebahkoonewa‐wenene, kuhya kahbeetood ewh oodoogemahwewin owh Kesha‐Muhnedoo, kepeëzhah, kuhnuhga sagezesig kepenaunzekahwaud enewh Pilateün, kenundooduhmoowaud dush ewh weyowene enewh Jesusun.
44Kemahmahkahdandum dush owh Pilate kishpin ahzhe kahneboogwan: oogenundoomaun dush enewh menesenoo‐oogemaun, oogeguhgwagemaun dush kishpin maweshah kahneboogwan.
45Uhpe dush kahkekandung kuhgwajemaud enewh menesenoo‐oogemaun, oogemeenaun enewh Josephun weyowene enewh Jesusun.
46Ween dush oogekishpenuhtoon ewh wanesheshing ketuhgegin, kahnesaundahweenaud, oogetetebegenaun emuh ahsuhbahbewagining, kuhya oogeähsaun emuh chebaguhmigoong ewh kahweembahbekahegahdag ahzhebik, oogeezhetetebe‐wabenaun dush ewh ahsin emuh ishquaundamewung ewh chebagnhmig.
47Owh dush Mary Magdalene kuhya owh Mary oogeen owh Joses oogewahbundahnahwah emuh keähsind.
المحددات الحالية:
ST. MARK 15: OTW
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
