الأمثال 29
29
1إلا زاد تأدييبه وشغلته بس يقعد يعاند، بينكسر مره واحده وما له أي علاج. 2الأبرار لما يصروا يحكموا يفرح الشعب، و لما الشرّانيين هم إلا يحكموا يتألموا الناس. 3إلا يحب الحِكّمة يفرّح أبوه، وإلا يصاحب بنات الهوى يخسر فلوسه. 4بالعَدل يثبت حكم الملك و ينتشر السّلام في بلده، و إلا يطمع في الرشوة يدمر بلده. 5إلا ينافق صاحبه زي إلا ينّصب فخ لرجايل صاحبه. 6الشراني يطيح في فخ خطاياه، أم البار يغني ويفرح. 7المؤمن يهتم بالفقير و يحسن له، لكن الشرّاني ما يفكر حتى يعرفه. 8المستهترين السخيرين يتسببوا في الفِتَن في المدينة، لكن الحُكماء يبعدوا الغَضَب عنها. 9الحَكيم لما يشتكي على سفيه عند القاضي ما بيحصل راحة، عاد غضب السّفيه أو ضحك. 10المتعطشين للقتل يكرهوا الإنسان البار، والشرّانيين دايما يطالبوا و يفكروا يقتلوا الإنسان الخيّر. 11البهيم بسرعه ينفجر لما يعصب، لكن الحَكيم يضبط أعصابه بهدوء وقت العصبية.
12الحاكم إلا يسمع للچدب يكونوا كل رجال قصره شرانيين لأنهم ينافقوه. 13الفقير و الظّالِم متشابهين في إن اثنينهم الرب خلقهم ويعطي نور لعوانيهم. 14عرش الملك يدوم للأبد إدا حكم للفقير بالعَدل.
15العصا و التأديب تنتج حكمة، لكن الولد المُهمل يفشل حتى أمه. 16الشرّانيين لما يفوزوا تكثرالخطايا، لكن في الأخير الأبرار بيكونوا شاهدين على طيحتهم. 17ربي ولدك عشان يريحك، و يدخل الفَرح على قلبك. 18إدا ما كان فيه رؤية إِلهية الشعب يتمرد، و هنيئًا للي يتبع تعاليم الشريعة. 19العبد ما يتأدب بالكلام بس، لأنه حتى لو فهم ما يطاوع. 20عمرك شفت واحد متهور في كلامه؟ حتى الجاهل في أمَل أن حاله ينصلح أكثر من المتهور. 21إلا يدلّع عبده وهو صغير، بيتمرد عليه لما يكبر. 22الإنسان العصبي يتسبب في العداوات، والرجال العصبي خطاياه واجد. 23شوفة النفس تخلي الإنسان ينزل مقداره، والتواضع يرفع من قدره. 24شريك الحرامي يكره نفسه، يسمع اللعنة و يكتم الجريمة. 25الخوف من الناس فخ للإنسان، لكن المتوكل على الرب فهو في آمان. 26ناس واجد يدوروا رضا الحاكم الظّالِم، لكن الرب هو إلا يقضي ويحكم للإنسان بحقّه. 27الظّالِم يكرهه الإنسان المؤمن، و الإنسان الخيّر يكرهه الشرّاني.
المحددات الحالية:
الأمثال 29: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group