الأمثال 30
30
أقوال أجور
1هدا هو كلام أجور وهدي هي أقوال ولد متقية من جماعة مسَّا قالهم إلى إِيثِيئِيلَ وَ أُكَّالَ:
2أنا أكثر الناس بلاده، و ما عندي فهم. 3ما تعلمت الحِكّمة وماعندي معرفة القُدّوس. 4منهو هدا إلا طار للسما و بعدين نزل منها؟ ومنهو ده إلا قدر يجمع الريح في ايده؟ ومنهو إلا لف الماي وسط ثوب؟ ومن هو ده إلا ثبت كل أطراف الأرض؟ ويشهو إسمه و ويش إسم ولده؟ علمني إدا كنت تعرف. 5كل كلمة من كلمات الله صادقة، و هو درع للي يحتمي به. 6لا تزيد على كلامه عشان ما يأدبك وتصير چداب.
7حاجتين أطلبهم منك لا تحرمني منهم قبل لا أموت 8ابعّدني عن الباطل و كلام الزور، ولا تخلي الفقر أو الغِنى من نصيبي. لكن اعطيني من الأكل إلا يكفيني، 9عشان ما أشبع و أجحدك و أقول: منهو الرب؟ أو أصير فقير و أبوق و أوصّخ إسم ربي بالعار.
10لا تشتكي على عبد عند سيده، عشان ما يلعنك و تكون غلطت في حقه. 11ياما ناس تشتم أبوها و ما تبارك أمها. 12ياما ناس عند نفسها تشوف روحها طاهرة، وهي ما تطهرت من نجاستها. 13ياما ناس: شايفين روحهم و عيونهم متكبرة. 14ياما ناس ضروسهم حادة زي السَيّف، و حنچهم زي السكاكين عشان ينهشوا المساكين في الأرض و المُحتاجين من بني البشر.
15العَلَقة عندها بنتين: عطني و عطني. ثلاثة أشياء ما تشبع أبد، و الرّابعة عمرها ما تقول بس: 16القبر، و الرّحم العقيم، و أرض ما ترتوي من الماي و النار عمرها ما تقول بس.
17العُيون إلا تعيّب على الأبو، و تحّتقر أمها و ما تطاوعها، راح تاكلها غربان الوادي و تنهشها صغار النسور.
18ثلاثة أشياء عجيبة ما أقدر أفهمها، و أربعة ما أعرفها: 19طريق النسر إلى السما، وطريق الحَيّة على الصّخر، و طريق السفينة في أمواج البحر، و طريق الرجال ويا البنية العذره 20هدا هو أسلوب المره الفاسدة: تغلط وما تجيب خبر وتقول تقول بأستخفاف: ما سويت شي غلط!
21تحت ثقل هالثلاثة أشياء ترتجف الأرض، و تقاسي من أربعة: 22لما يصير العبد ملك، و البهيم إدا شبع، 23و المره الكريه ادا عرَّست، والعبده ادا ورثت من سيدتها.
24أربعة أشياء في الدنيا صغيرة، و لكن فيها حكمة عظيمة: 25النملة الضّعيفة إلا تخزن أكلها في الصَيّف. 26و الوبر و هو حيوان ضعيف ينقر في الصّخر عشان يبني بيته. 27و الجراد إلا من دون ملك، لكنه يطير في جماعةأسراب منظمة. 28و العنكبوت إلا تقدر تشيله بالأيد لكنك تلقاه في قصور الملوك.
29ثلاثة أشياء جليلة في عزمها، و أربعة أشياء ليها هيبة في حركتها: 30الأسد الضاري جبار الوحوش، إلا ما يتراجع قدام أحد، 31و الطاووس المغرور و التيس و الملك لما يتقدم جيشه.
32إدا صرت بهيم و إغتريت بروحك، أو قمت تدبر و تخطط للمكايد، حطّ إيدك على بوزك. 33زي ما خص الحليب تطلّع الزبّدة، و الضغط على الخشم يخليه ينّزف دم، نفس الشي لما تخلي الواحد يصعب، يتسبب في العداوات.
المحددات الحالية:
الأمثال 30: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group