الأمثال 28
28
1الشرّاني يشرد مع أن مافي أحد قاعد يلاحقه، لكن الصالحين زي الأسود في شجاعتهم. 2لما يتمرد أهل الأرض يزيدوا رؤساءهم و تنتشر الفوضى، لكن إدا حكم واحد عاقل وعنده معرفة يعمّ النظام. 3الفقير إلا يظلم المحتاج، زي المطر الغزير إلا ما يخلي شيء من الأكل في طريقه إلا وياخذه. 4إلا يهمل تعاليم الشريعة زي إلا يشكر الشرّاني، و إلا يحافظ عليها يصير عدوّ له. 5الظّالمين ما يعرفوا شي عن العدِل، لكن الصالحين إلا يتبعوا الرب فاهمين العدل زين. 6الفقير إلا أخلاقه زينه، أحسن من الغني إلا أخلاقه فاسده. 7إلا يحافظ على تعاليم الشريعة هو ولد حَكيم، وإلا يعاشر الطمّاعين حتى أبوه يستحي منه. 8إلا جمّع ماله من الربا و إستغلال الناس، هو أصلا مجمنعه لواحد بيرحم الفقارى. 9إلا يصم أدونه عن سماع تعاليم الشريعة، تصير حتى صلاته نجسه و مو مسموعة.
10إلا يغوي الخَيّرين عشان يمشوا في طريق الشر يطيح هو في حفرته، و الكاملين هم إلا يفوزوا بميراث الخير. 11الغنيّ يفكر حاله حكيم، لكن الفقير الفَطين إلا عنده بصيرة يكتشف حقيقة الغني. 12لما ينتصر المؤمن ينتشر الفَخّر العظيم بين الناس، لكن لما يتحكموا الشرانيين، الشرّانيين ينخشوا الناس. 13إلا يكتم خطاياه ما يفلح، و إلا يعترف بها يفوز بالرّحمة. 14هنيئًا للإنسان إلا يخاف الرب دايما، و قاسي القلب هو إلا تحل عليه البلاوي. 15الحاكم الظّالِم إلا يتسلط على المساكين زي الأسد إلا يزأر و الدّب الهايج. 16الحاكم قليل الفِهم متسلط و ظالم. إلا يكره فلوس الحرام، يطول عمره.
17إلا قتل ناس واجد، يبقى طول حياته مطارد لأخر يوم في حياته ولا أحد يجيب خبره ويساغده. 18إلا يمشي في طريق الكمال يفلح، لكن إلا طريقه أعوج يطيح في الحُفرة. 19إلا يفلح أرضه يزيد خيره و أكله، و إلا يتبع الأوهام الباطلةيزيد عليه الفقر. 20الأمين بين الناس تحل عليه بركات واجد وغزيرة، وإلا يستعجل عشان يصير غنى يصير مشبوه. 21الظُلّم عار، لكن الإنسان عشان قطعة خبز يسوي الخطيئة. 22إلا عيونه زايغة يغافص عشان يصير غني، و ما يدري إن الفقر نهايته. 23إلا يأدب و ينصح واحد من الناس يفوز برضاه في الأخير أكثر من إلا ينافقه بلسانه. 24إلا ينهب أبوه و أمه و يقول: ما عليي إثم في هالشي هو شريك الهدّام.
25الطمّاع يتسبب في العداوات، و إلا يتوكل على الرب يصير غني. 26إلا يتكل على رايه بهيم، وإلا يمشي في طريق الحِكّمة بينجو. 27إلا يحسن للفقير ما يقرِّب منه الفقر و إلا يسوي روحه ما كأن شايف تجيه لعنات واجد، 28لما يتسلطوا الشرّانيين ينخشوا الناس، و لما يهلكوا يكثروا الأبرار.
المحددات الحالية:
الأمثال 28: QNAV
تمييز النص
نسخ
قارن
شارك
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Qatifi New Arabic Version © 2024 Strategic Resource Group