O AMOS 1
1
1 #
2Kok. 14:23-29, 15:1-7; 2Taw. 26:1-23 Amos ganga wotengo o duba ma go goana o Tekoa ma kota ino. Unanga wodadi o nabi ma orahoka o Yehuda maberera ma Koano Uzia aipareta o Yehuda maberera, deʼ o Israel, ma Koano Yerobeam o Yoahas aingohaka o nauru wa pareta. O taongo hinoto i dadiuahi moi o ohu, ma Jou Madutu wohinyata o Amosika hagala o hali yakokokorona o Israel. 2#Yl. 3:16 Nënanga doka wa heto-hetongo o Amos,
”Ma Jou wolau o Sion ma doporonino,
Ai ilingi ma ruruhu o Yerusalemino.
O momo o tonaka ma lua-luasoka i toolenge,
o momo o Karmel mal̄okuoka madü dudungu totororata.”
Ma Jou Madutu Ai hukumanga hagala o negara ika ima kokitigino de o Israel
O Siria
3 #
Yes. 17:1-3; Yer. 49:23-27; Za. 9:1 Ma Jou wotemo, ”O Damsyik yogö gogere ihi gali-galioka yo baradoha, karana gënanga Ngohi marai aha tä hukumu önanga. Onanga yä hidiai o Gilead manyawa duru koiwa ma hayangi dema dora, 4habahu gënanga Ngohi aha tohidingoto o uku ma Koano Hazael ai kadato ika, deʼ ya tuhuku yamata-mataka ma Koano Benhadad ai hagala ma dadatoko o bebeno o mehele. 5O Damsyik dehagala ma ngorana i lago-ogomo aha Ta kilianga, deʼ yogö gogere o Awen ma Wai aha Ta hehara ta tebi-tebini toönanga manga ngï yogö gogere. Ya kokuaha o Bet-Eden aha Ta higuti manga popareta ma kuruhioka, deʼ o Siria yogö gogere aha yä ai tagoko inoli ya toraka o Kir mabereraika.”
O Filistin
6 #
Yes. 14:29-31; Yer. 47:1-7; Yeh. 25:15-17; Yl. 3:4-8; Zef. 2:4-7; Za. 9:5-7 Ma Jou temo, ”O Gaza yogö gogere ihi gali-galioka yo baradoha, karana gënanga marai Ngohi aha tä hukumu onanga. Onanga yä torakoka moi o hoana deo berera manyawa yo ngodumu, deʼ yä hukunu hokä o gilaongo o Edom manyawaika. 7Hababu gënanga Ngohi aha tohidingoto o uku o Gaza ma bebeno-bebeno o mehelika deʼ ya tuhuku ya mata-mata manga berera ma dadatoko o bebeno mehele. 8Yogö gogere deʼ ya kokuaha o Asdod ma kota inoli o Askelon aha Tatitoko. O Ekron ma kota aha Ta hukumu, deʼ mata-mata ma hou-hou ohi o Filistin manyawa aha Tä binaha.”
O Tirus
9 #
Yes. 23:1-18; Yeh. 26:1–28:19; Yl. 3:4-8; Za. 9:1-4; Mat. 11:21-22; Luk. 10:13-14 Ma Jou wotemo, ”O Tirus yogö gogere ihi gali-galioka yo baradoha, karana gënanga Ngohi marai aha tä hukumu onanga. Onanga yä torakoka moi o hoana deo berera manyawa yo ngodumu o tabuangika, deʼ yä hilapahi o Edomika; önanga ya tilakuroka o jaji ima ko hobata. 10Hababu gënanga Ngohi aha tohidingoto o uku o Tirus ma bebeno-bebeno o mehelika deʼ ya tuhuku yamata-mataka manga berera ma dadatoko o bebeno o mehele.”
O Edom
11 #
Yes. 34:5-17, 63:1-6; Yer. 49:7-22; Yeh. 25:12-14, 35:1-15; Ob. 1-14; Mal. 1:2-5 Ma Jou wotemo, ”O Edom yogö gogere ihi gali-galioka yo baradoha, karana gënanga Ngohi marai aha tä hukumu. Koiwa ma dora dema hayangi koiwa önanga yä parangi o Israel manyawa, toönanga manga roriadodoto. Onanga kahokogenangika yä ngamo, deʼ kahirahi o hininga yä gogonika. 12Hababu gënanga Ngohi aha tohidingoto o uku o Teman ma kota ika, deʼ ya tuhuku yamata-mataka o Bozra maberera ma dadatoko o bebeno o mehele.”
O Amon
13 #
Yer. 49:1-6; Yeh. 21:28-32, 25:1-7; Zef. 2:8-11 Ma Jou wotemo, ”O Amon manyawa ihi gali-galioka yo baradoha, karana gënanga Ngohi maraioka aha tä hukumu. Maöraha yo parangi mangale ya amokika manga daera, önanga yabelaka o ngongoheka yo roe-roehe manga mamata o Gilead mabereraka. 14Hababu gënanga, Ngohi aha tohidingoto o uku o Raba ma kota ma bebeno mehelika deʼ ya tuhuku yamata-mataka ma bebeno o mehele. Maöraha gënanga aha yö gihene o parangi ma gigoro, deʼ o parangi ima hora-hora hokä o hidal̄oko o rato ma ngutuku. 15Toönanga manga koano deʼ ai popareta ma popegawe aha yä toraka o tabuangika. Ngohi, ma Jou, to temoka.”
Currently Selected:
O AMOS 1: TLB
ማድመቅ
ኮፒ
አወዳድር
ያጋሩ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
@ LAI 2002
