O AMOS 2
2
O Moab
1 #
Yes. 15:1–16:14, 25:10-12; Yer. 48:1-47; Yeh. 25:8-11; Zef. 2:8-11 Ma Jou wotemo, ”O Moab yogö gogere ihi gali-galioka yo baradoha, karana gënanga Ngohi aha marai aha tä hukumu. Onanga iwi hikauku ma Koano Edom wo hone-honengoka gënanga, ya kilianga ai jere inoli yal̄ë ai kobo-kobongo deʼ ya tuhuku idadi o kafo. 2Hababu gënanga Ngohi aha tohi dingoto o uku o Moab maberera ika, deʼ ya tuhuku yamata-mataka o Keriot ma kota ma dadatoko o bebeno o mehele. O Moab manyawa aha yo honenge o parangi magigoro ma goronaka, magogiriaka o trompet toilingi, deo parangi maulili ihi boa-boaka. 3O Moab ya kokuaha deʼ mata-mata manga popareta ma pegawe aha Tä toma.”
O Yehuda
4Ma Jou wotemo, ”O Yehuda manyawa ihi gali-galioka yo baradoha, karana gënanga Ngohi marai aha tä hukumu önanga. Onanga ya tilakuru hagala Ahi pareta-pareta deʼ ya haduliua hagala Ahi do dotoko-dotoko. Onanga yorehenoka o ngekomo mangale hagala o gikiri ma homoa yahö huba-huba toönanga manga ete de manga tohora. 5Hababu gënanga Ngohi aha tohidingoto o uku o Yehudaika deʼ ya tuhuku yamata-mataka o Yerusalem ma kota ma dadatoko o bebeno o mehele.”
Ma Jou Madutu Ai hukumanga o Israeluku
6Ma Jou wotemo, ”O Israel manyawa ihi gali-galioka yo baradoha, karana gënanga Ngohi marai aha tä hukumu. O nyawa manga hininga iriko-rikoto yakunua ihigilio yo bau-bauoka, önanga yä hukunoka yo dadi o gilaongo. Hoko genangoli önanga yä hidiai hagala o nyawa mihikini ika yaku-akunua yo fangu manga nagimi, ngaroko o nagimi gënanga duga-duga o hapato tarupa habi moi ma ija. 7Onanga yä tuku o nyawa yo bole-bole imä gaku-gakunua, deʼ o nyawa mihikini yä hitingaka binaha. Ma ama dema ngohaka imï mane moma tengo o gilaongo o ngoheka, ka ima daene, hi adono ya peseke Ahi romanga itebi-tebini. 8O pupuji mangï oka yö getongo, hagala o nyawa ima idu deo baju önanga yalë l̄ëino hokä o nagimi ma dodanu o nyawa mihikini ino. Toönanga manga Jou Madutu Ai Tau oka, önanga yokere o angguru onanga yal̄ë yä nagi-nagimika onangika.
9 #
Ul. 3:8-11
Ngaroko hoko gënanga, hei Ahi umati, mangale ka ngini Ngohi Tä binaha o Amori manyawa manga gö gurutil̄e hokä o gota ma utu o liwewuru, deʼ manga kuata hokä o terpentin ma gota. 10Ngini Tinï aoka o Mesir mabereraka deni hupu, deʼ Tinï tuda nia nonu o dowongi ikokakaha o taongo moruata ma dekana. O Amori manyawa manga tonaka Tinï hidoakoka ngini ika idadi nia berera ma hirete. 11#Bil. 6:1-8 Ngohi tä irikoka ya muruono naga nia ngoha-ngohaka la yodadi o nabi, deʼ ya muruono naga o nyawa o gikiri magö la yodadi o nyawa o Nazir. Koigoungua gënanga itiai, hei Israel manyawa? Ngohi ma Jou to temoka.
12Mä ngini nia hidöaka o nyawa o Nazir, yokere o angguru, hiadono ya diai önanga ihi pongono manga jaji. Deʼ ngini niä duhunu o nabi-nabi ihingahu Ahi behehongo. 13Oraha nënanga ngini aha Tinï tuku hiadono o tonakuku, hiadono ngini ni tido-tidono hokä o de ma dede gina o gandum i oma-omanga. 14Ima popata yo sosapati ma aha ko yo otanua, o nyawa yo kua-kuata aha i hihanga manga kuata, deʼ o nyawa yo poputurungu aha ko yakunua ihi halamati manga diri ma hirete. 15Yotö toi-toimi yakunua i tumungu, ima popata yo sosapati aha ko yakunua ihi oara manga diri, deʼ o kuda yo bare-barene aha koyo otanua. 16O wange gënanga o tentara duru yo bobarani ma aha ya mal̄a manga dae daha yo piringana. Ngohi ma Jou to temoka.”
Currently Selected:
O AMOS 2: TLB
ማድመቅ
ኮፒ
አወዳድር
ያጋሩ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
@ LAI 2002