ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“Ne nərəmim to kɨsalɨvan nɨsia maruwu lə nɨvigɨnar, mɨro takaləsit lə nəmin ətuatu apa ilɨs, məma tɨrol nhakəkan kəm nərəmim pətɨm apa ima. “Lə nolan karena, pəs nɨsia thəmiar tɨrasia lə nɨmrɨ nərəmim, məma takaip təvhaga ɨvt thəmiar kəni manivivi Rɨmɨmiar lə neai.

“Kamiar nɨsia taha tən ɨk. Riəkɨs məma takəlhau auniuan lauanu iərəm rakamɨl ilɨs lə touɨr.

Nərəm nɨkinilar rhaləl kamaros nɨvɨtan, Mɨro-in-ka tɨpaip Ughin.

Nərəm kamaimek mameiwaua to nətuatuan kamaros nɨvɨtan, Mɨro-in-ka tɨparhepɨs.

“Mɨro Io iakamɨni to kamiar, Arolkeike tɨkɨmɨr min thəmiar, mameikharvi kəm nərəm kameitat kamiar, marol nɨvɨtan to nərəm kamaimakin kamiar, mameihuak to nərəm kameikhartat lə kamiar mamaitakɨn kamiar

“Nərəm karouloul lə nɨkinilar kamaros nɨvɨtan, Mɨro-in-ka niko lə neai in thɨnilar.

Nərəm kameilhau nɨmɨlinuan kamaros nɨvɨtan, Mɨro-in-ka takaunin ilar məma nərərɨ Ughin.

Nərəm kamaisak kamaros nɨvɨtan, Mɨro-in-ka Ughin tɨrol ɨvt nɨkinilar.

Nərəm kamətakɨn ilar to təvhaga ɨvt kamaros nɨvɨtan, Mɨro-in-ka niko lə neai in thɨnilar.

Nərəm kamairo rɨtat to nərəmim kamaros nɨvɨtan, Mɨro-in-ka Ughin tɨrɨro rɨtat to ilar.

“Lə nian nərəmim kameitat kamiar mamaitakɨn kamiar mamareiua lə kamiar lə nakharan tat min ripɨr ton Io, kamiar nakamaros nɨvɨtan. “Pəs nakaigiən ɨpɨk mamailip, mɨro-in-ka nɨrouan thəmiar ripɨr lə neai, mɨro-in-ka lə nolan karena kamaitakɨn iəni min taha Ughin iərəm kamaiupanin kamiar.

Nərəm nɨkinilar ramatite kamaros nɨvɨtan, Mɨro-in-ka tui tən tɨpofən məma thɨnilar.

“Kamiar nɨgəl taha tən ɨk. ?Mɨro takəma nauthean taha nɨgəl tɨrɨka, rɨpɨtol mɨva mauthe mɨn? Rɨsavkɨran mɨn to nar ker, mɨro tɨpalakin am, nərəmim kailiwək lan.

“To nar ka, pəs nolan thəmiar tɨrətuatu mɨvt, ravkɨri nolan taha Rɨmɨmiar lə neai rətuatu mɨvt.

“Mɨro nakharan taham ‘Əwəh’, pəs ‘Əwəh’, ne ‘Kəpə’, pəs ‘Kəpə’. Mɨro-in-ka nəta nakharan iərəm ramapitha nakharan ɨk rɨmsɨpən am lə Setan.

“Kamiar nɨnairo məma kamɨni məkləlan, ‘Taktain nɨmrɨtil lə nɨmrɨtil, taktain nəlɨvtil lə nəlɨvtil.’ “Mɨro Io iakamɨni to kamiar məma tɨnɨshairɨganin iərəmim tat. Mɨro takəma iərəmim ker tɨrep nɨkapɨm nɨvtain matu, vhin mɨn nɨvtain kəm in.

“Kəni takəma nɨmrɨm matu tɨrol məma nakapitətəl, suliatɨv malakin itha ton ik. Mɨro-in-ka rəvɨt ɨpɨk məma takrɨ nɨpəlakɨm ker tɨrɨmɨs, mapitha məma nɨpəlakɨm pətɨm tɨpalakin lə nɨkəm lilɨn. “Ne takəma nəlɨmɨm matu tɨrol məma nakapitətəl, ɨrakrɨv-itha malakin ton ik. Mɨro-in-ka rəvɨt ɨpɨk məma takrɨ nɨpəlakɨm ker tɨrɨmɨs, mapitha məma nɨpəlakɨm pətɨm tɨpalakin lə nɨkəm lilɨn.