ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

آداملار دا چیراغ آلیشدیرمئیرلار تا اؤنو بیر پایلا آلتینا قؤیالّار، بلکی اؤنو چیراغدانا قؤییرلار تا ائو ایچینده واری‌کَسه ایشّیق چالا. ائله بئله ده قؤیینز تا سیزینگ ایشّیقینز آداملار گؤزو دَمینده ایشّیلیه تا اوللار سیزینگ خوب عَمل‌لَرینزی گؤرَلَّر و گؤیده‌کی بووآینزی حمد و ثنا ائدَلَّر.

«سیز دنیانینگ ایشّیقی‌یَینز. بیر شَهر کی بَناسی یال اوستونده قؤیولموش پناه ائدمه‌لی ده‌ییل.

خوش اؤره‌کی آرّی‌لار حالینا، چونکی اوللار تارئ‌یی گؤرَرلَر.

خوش او آدام‌لار حالینا کی صالح‌لیگه آج و سویوز دورلار. چونکی اوللار دویارلار.

آما من سیزه دئییرم کی دشمن‌لَرینزی چوخ سئینز و سیزه جَفا ائدَنلَر ایچی دُعا ائدینز،

«خوش اوللار حالینا کی روحدا یوخسول دیرلار، چونکی گؤی پادشاه‌لیگی، کی ائله تارئ پادشاه‌لیگی دیر، اوللارینگ دیر.

خوش صُلح سئیَنلَر حالینا، چونکی اوللار تارئ اولادلاری چاغیریلارلار.

خوش یاسلی‌لار حالینا، چونکی اوللار تَسلّی توتارلار.

خوش او آداملار حالینا کی صالح‌لیگ سَبرسینه جور و جَفا چَکیرلَر، چونکی گؤی پادشاه‌لیگی اوللارینگ دیر.

خوش رَحم ائدَنلَر حالینا، چونکی اوللارا رَحم اولونار.

«خوش سیزینگ حالینزا اوندا کی خَلخ، منیم سبرمه سیزی سؤیورلَر، جَفا ائدیرلَر و یالاندان واری رَقم پیس گپ سیزینگ ضدّینزه چالیرلار. خوشحال اولینز و شادلیگ ائدینز؛ بو سَبریه کی اَجرینز گؤیده بویوک دور. چونکی اوللار، ائله بئله ده او پیغمبرلَره کی سیزدن ایلَری وار ایدیلار، جَفا ائدیلَر.

خوش گؤنگول آلچاق آداملار حالینا، چونکی اوللار یئری میراثا آلارلار.

«سیز یئرینگ دوزی‌یاینز. آما اگر دوز اؤز شورلیگینی اَلدَن وئره، گئنه نه‌یین شور اولا بیلَر؟ داها هئچ ایشدَن گلمَز، به‌غیری کی یازّیا آتیلا و خَلخینگ آیاقی آلتیندا پامال اولا.

پس سیزده کامل اولاسینز، ائله اوله‌یین کی گؤیده‌کی بووآینز کامل دیر.

”بَله‌ینز“، ”بَله“ و ”یوینز“، ”یو“ اولسون. بوندان آرتیقی، شَریردن گلیر.

«ائشیدمیشینز کی توراتدا دئییلمیش: ”گؤز، گؤز عَوضینه و دیش، دیش عَوضینه.“ آما من سیزه دئییرم کی شَریر آدامینگ جلوسیندا اِستقامت ائدمه‌ینز. بلکی اگر بیری ایزینگ ساغ طَرَفینه شاپالاق وورسا، ایزینگ او بیر طَرَفینی دا اؤنا ساری بؤک.

پس اگر ساغ گؤزونگ سَنی گُناها آتیر، اؤنو چیخارت و یازّیا آت؛ چونکی یئی‌تَر دیر کی بَدنینگ بیر عُضوینی اَلدَن وئرَینگ، تا بو کی بوتون بَدنینگ جَهنّمه آتیلا. و اگر ساغ اَلینگ سَنی گُناها آتیر، اؤنو کَس و یازّیا آت؛ چونکی یئی‌تَر دیر کی بَدنینگ بیر عُضوینی اَلدَن وئرَینگ، تا بو کی بوتون بَدنینگ جَهنّمه گئده.