ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Koiwa naga o nyawa yawango manga hilo, deʼ yatamunuka mahilo gënanga de o rube. Mauna aha wa kelenga o hilo gënanga, o hilo mangï oka, hupaya o tau magoronaka manyawa yädararono. Kogenangoli niadararono kokiani yädihiwara o nyawa manga himangoka, hupaya nia manarama-manarama maoa önanga yamäke, deʼ nia Ama o horogaka iwihi giriri.”

Ngini ganga o dunia madararono. O kota ikokelengauku o doporonoka, hamäkeua yaiunu.

Yo utumu o nyawa manga hininga itebini; ona aha iwi näko ma Jou Madutu.

Yo utumu o nyawa duru yohininga yadiai ma Jou Madutu Ai mau; ma Jou Madutu aha wahi döaka hiädono yäwedono!

Mä öraha nënanga Ngohi tinïtemo nginika: niädora niahaturü, deʼ niahihubayanga o nyawa inï o aniaya

”Yo utumu o nyawa yamäo imä gakunua, deʼ duga-duga imahi gagao ma Jouika dika; önanga ganga ma Jou Madutu Ai umati!

Yo utumu o nyawa yo ao o dame o nyawaika; ma Jou Madutu aha woma ngaku önanga hokä Ai ngoha-ngohaka!

Yo utumu o nyawa manga hininga ihuha; ma Jou Madutu aha wä laru önanga!

Yo utumu o nyawa o aniaya yamäke karana yodiai ma Jou Madutu aimau; önanga ganga ma Jou Madutu Ai umati!

Yo utumu o nyawa yä dora o nyawa mahomoa; ma Jou Madutu aha wä dora onangö!

Ni utumu ngini, nako inï hohohedu, inïaniaya, deʼ o romanga madorou inïdiai mangale Ngohi. O nabi-nabi yowango ihiraka de ngini, yä aniayaoka hoko gënanga. Nimörene deʼ nigarago, hababu tingini niahëwa kahä amoko ma Jou wasadia ukuoka mangale ngini.”

Yo utumu o nyawa manga hininga ipoluluku; ma Jou Madutu aha watotomo Ai jaji onangika!

”Ngini ganga o dunia magahi mawaja. Nako o gahi mawaja idadi iakere, yakunu igahioli? Koiwaka mafaidä, duga-duga yaumo deʼ o nyawa yadoko-doko.

Nia Ama o horogaka wä dora o nyawa makuranga okia-kiaua. Ngini kokiani hoko genangoli.”

Nitemo dika ’Igoungu’ ekola ’Kowali’ – i holoi de gënanga o Ibilihioka de yaino.”

”Ngini nihiöriki nagaö o dodötoko hokonënanga: o lako madagali o lako, o ingiri madagali o ingiri. Mä öraha nënanga Ngohi tinï temo nginika: o nyawa o dorou yodiai nginika, onangika uha nia janggutu nia balaha. Nako o nyawa yapöka nia gotoaka maniraka, mal̄aika la yapökaoli nia gotoaka mahigili.

Nako anilako maniraka idadi o hababu ngona nobaradoha, natubalenge deʼ naümo anilako gënanga! De ani röehe magahumu yaümo o narakaika, iholoi yaoa nako aniröehe o hidoku moi ihihanga. Nako anigiama maniraka idadi o hababu ngona nobaradoha, natobiki deʼ naümo anigiama gënanga! De ani röehe magahumu iwohama o narakaika, i holoi yaoa ani giama mahononga ihihanga.”