ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ko koutou foki, ke koutou nofo teuteu, koteuhi e hau anai te Foha o te tagata i te hola ae nee mole kotou manatu anai ki ai.

Koutou kumi mua te puleaga o te Atua; pea e foaki atu anai i oluga te u mea fuli aena kia koutou.

Pea nee ina ui leva kia natou: Koutou tokaga aupito ki te manumanu koloa; koteuhi e mole fakalogo te mauli o te tagata ki tona u koloa, pe e nofo anai ia i te mahu.

Koteuhi ko te kogamea ae e tuku ai tokotou koloa, ko te kogamea aena e toe tuku ai foki tokotou loto.

Ko ai ia koutou e ina fealagia te fakaloaloa o tona mauli i he fasiga nima e tahi aki ana hoha?

Pea nee ui leva e Sesu ki ana tisipulo: Koia, e au tala kia koutou: Aua takotou hoha ki tokotou mauli ki te mea ae ka kotou kai anai, pe ki tokotou sino ki te mea ae ka kotou hulu anai.

Pea kua lau okotou fului ulu fuli. Koia, aua naa kotou mataku: E kotou mauhiga age i ni misi lahi osi.

Aua naa kotou matataku, kii fagaovi; koteuhi nee lelei ki takotou Tamai ke ina foaki atu kia koutou te puleaga.

Kotou sisio ki te u kolopo*: E mole natou to pulapula mo utu tau, e mole natou mau he fata mo he tanakiaga taukai, kae e fagai natou e te Atua. E kotou mauhiga aupito age i te u manulele.

Pea ko koutou, aua takotou kumi te mea ka kotou kai anai mo inu anai, pea aua takotou hoha.

Kapau e teuteui feia e te Atua te vao ae e tuu i te gaueaga i te aho nei, pea e laku anai apogipogi ki te afi, e feafeai age anai tokoutou mauhiga ke ina fakavala koutou, hahai tui vaivai?

E mole he mea ae e ugia e mole tonu ke ha anai, pea e mole he mea ae e fakapulipuli e mole tonu ke iloi anai.