BibleProject | Ontdek die tema van die Eksodus-weg in die SkrifVoorbeeld

Die Kosmiese Eksodus van die Hele Skepping

In vandag se oordenking sien ons hoe Jesus se hele kosmiese skepping by die tema van die Eksodus-weg inpas. Uit die kloue van die draak se chaos red God individue, families, nasies en uiteindelik sy hele skepping. Hierdie Nuwe-Testamentiese skrywers probeer om die misterie van hierdie omvattende redding uit te druk. Paulus sê dat die hele skepping “sug in pyne van verwagting” om uit die slawerny aan verdorwenheid gered en in vryheid verlos te word (Romeine 8:21-22). Die skrywer van Kolossense sê dat Jesus ons uit die mag van die duisternis "weggeruk het" omdat Hy “deur Hom alles geskep" het en belowe om “alles” met Homself te versoen (Kolossense 1:13-20).

Die idee is dat alles wat bestaan aan Jesus behoort en dat Jesus alles liefhet wat Hy gemaak het. Hy lei dus ’n eksodus uit die duisternis – nie net vir die mensdom nie, maar vir die hele kosmos. Net soos die Israeliete in Egipte (Eksodus 3:7-9), roep die hele skepping om vryheid. Die skepping se stem sluit by ons noodkrete tot God om hulp en genesing aan. Trouens, die Gees se stem roep saam met mense en die skepping uit “met versugtinge wat nie met woorde gesê word nie” (Romeine 8:26). Hierdie noodkrete word diep in God se hart opgeneem en Hy reageer met daadwerklike optrede. Jesus maak ’n einde aan die weg van die draak se chaos en lei ons op die eksodus-weg. Hy lei die wêreld uit slawerny en korrupsie, deur herskepping na lewens wat saam met God werk om hemel en aarde te verenig.

Vrae vir nadenke:

Hoe neem ons deel aan God se verlossingswerk vir die hele skepping? Eksodus gaan oor redding en in dié sin is die Eksodus-weg die reddingsweg.

Hoe sou jy sê het die Skrifgedeeltes in hierdie leesplan jou begrip van die manier waarop God mense en sy wêreld red, uitgedaag of verdiep?