Infinitum Gesin Advent, Week 2Voorbeeld

Aanhaling oor Vrygewigheid:

"Doen al die goeie wat Jy kan.
Met al die middele wat Jy kan.
Op al die maniere waarop Jy kan.
Op al die plekke waar Jy kan.
Op al die tye wat Jy kan.
Teenoor al die mense wat Jy kan.
Solank Jy ooit kan."
—John Wesley

Het jy geweet dat vrygewigheid hindernisse kan afbreek? Jy het sekerlik dalk 'n voorhamer nodig om werklike hindernisse/mure te breek (en is dit nie soveel pret nie?!), vrygewigheid kan egter die onsigbare mure wat in die lewe bestaan, afbreek.

Stel jou byvoorbeeld voor dat 'n nuwe maat na jou skool toe kom. Geen fisieke mure hou hulle uit nie, maar daar is hindernisse vir hulle om tuis en gemaklik in jou skool te voel! Die vrygewige daad om daardie maat uit te nooi om saam met jou in die gang te stap, breek daardie hindernisse af!

Aan watter ander soort hindernisse kan jy dink? Wat van die hindernis vir die maat wat nie goed met sport tydens liggaamsopvoeding is nie? Daar is hindernisse vir daardie maat, is daar nie? Hoe kan 'n vrygewige daad van 'n klasmaat so 'n versperring afbreek?

Die mens het 'n redelik beduidende hindernis gehad om te oorkom ... 'n onsigbare God het ons gemaak!! Sjoe. Praat van 'n hindernis — hoe kon ons weet dat Hy werklik is? Hoe kon ons Hom leer ken en Hom vertrou? 'n Daad van vrygewigheid het egter daardie hindernis vir ons gebreek. Weet jy watter daad dit was?

Ek sal jou 'n wenk gee: Kersfees :)

God wat Homself in die liggaam van 'n menslike baba ingepers en gekies het om groot te word en in die menslike wêreld te leef, het die hindernis van onsigbaarheid vir ons gebreek. Daardie vrygewige daad het ons in staat gestel om Hom te leer ken, te sien hoe betroubaar Hy is en Hom lief te hê.

Is daar mense in jou wêreld wat hierdie Kersfees voor 'n onsigbare hindernis te staan kom? Miskien iemand wat nie geliefdes het om Kersfees mee te vier nie (eensaamheid is 'n groot onsigbare hindernis wat deur vrygewigheid gebreek kan word!). Miskien het iemand nie die geld om hierdie Kersfees geskenke te gee nie of geskenke van sy gesin te verwag nie ...? Om op te let dat daar mense in ons lewens is wat onsigbare hindernisse in die gesig staar, is die eerste stap na 'n geleentheid om te oorweeg hoe jou vrygewigheid daardie hindernisse vir hulle kan afbreek!