Leef 'n Lewe Wat God EerVoorbeeld

Jesus Is Koning

Nadat die apostel Petrus oor God se offer van verlossing deur die opstanding van Jesus Christus geskryf het, herinner hy sy lesers nog een keer aan Jesus se krag en majesteit. Alhoewel Jesus se koninkryk nog nie ten volle verwesenlik is nie, is "engele, owerhede, en kragte" reeds aan Hom onderwerp. In Kolossense 2:15 lees ons: "Hy het elke mag en gesag ontwapen en hulle in die openbaar vertoon deur hulle as gevangenes in die triomftog van Christus mee te voer." Alhoewel die Satan Jesus versoek het om ongehoorsaam te wees, het Hy sy opdrag tot die einde volbring sonder om enige sonde te doen. Hy het die dood oorwin deur uit die graf op te staan, en het die hoogste posisie ontvang aan die regterhand van God die Vader.

As ons moeilike tye in die gesig staar, of deur 'n persoonlike krisis gaan, is dit so belangrik om te onthou dat Jesus die Koning is. By die aanhoor van sy Naam sal elke knie buig, in die hemel en op die aarde en onder die aarde. Sy koninkryk duur vir ewig, en die poorte van die hel sal nie daarteen bestand wees nie. Sy heerskappy is vir ewig, en sy kinders sal saam met Hom regeer. Niks in die hemel of op die aarde kan dit ooit verander nie!

Verlang jy na die volle verwesenliking van Jesus se koninkryk?

Wil jy deel wees van God se koninkryk en Jesus in alle aspekte van jou lewe volg? Dan sal die kursus "Walk with Jesus" dalk vir jou interessant wees.