Om Eetversteurings te OorkomVoorbeeld

Eetversteurings kan gewone oomblikke vinnig in angstige omstandighede verander. Dit kan bydra tot 'n gebrek aan vrede en 'n groeiende gevoel van angs, spanning en uitputting. As jy met 'n eetversteuring saamleef, kan dit om te eet — iets wat nodig is om te oorleef — omskep in 'n bron van voortdurende vrees, spanning en en jou oorweldig laat. Werkspartytjies, gesinsetes en vakansie feesvieringe word moeilik weens die emosionele tol wat die eet van kos, kan meebring. Maar daar is hoop.  

Daar is 'n manier om vrede te vind, en sy Naam is Jesus. Onthou, vrede is nie net iets wat God kan voorsien nie, dit is eintlik wie Hy is. Kyk maar na Jesaja 9:5:

"Vir ons is 'n Seun gebore, aan ons is 'n Seun gegee; Hy sal heers, en Hy sal genoem word: Wonderbare Raadsman, Magtige God, Ewige Vader, Vredevors."

Jesus is die Vredevors. As jy angstig, oorweldig of bekommerd voel, sê sy Naam en laat dit oor jou spoel. 

Miskien klink dit goed in die teorie, maar jy is nie seker hoe jy jou stryd met kos kan oorkom nie. Miskien het jy ontelbare slapelose nagte en intense emosies beleef en gewonder of jy ooit 'n uitweg sal vind. Weet dit. As ons op Jesus vertrou, weet ons dat daar niks is wat Hy nie kan oorkom nie. Jesus het in Johannes 16:33 gesê: “Dit sê Ek vir julle, sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin." 

Jesus het alles verduur toe Hy aan die kruis gehang het. Hy het die gewig van hierdie gevalle wêreld gedra — elke sonde, beproewing, hartseer en emosie. Tog kon die graf Hom nie daar hou nie. Hy het drie dae later opgestaan ​​en alle dinge oorwin, sodat ons vandag in vryheid kan leef. 

As jy vandag vasgevang voel deur jou stryd met 'n eetversteuring, moet jy jou vryheid terugeis. Sê die Naam van Jesus. Rus in Hom, in die wete dat Hy nooit belowe het dat die lewe maklik sou wees nie — maar Hy het beloof om met ons te midde daarvan te wees, en Hy het alles reeds oorkom. Oor die volgende paar dae sal ons gesels oor 'n paar praktiese stappe wat jou kan help om jou stryd met eetversteurings te oorkom en die gesonde, oorvloedige lewe wat Jesus bied, te ontdek. 

Bid: Vader, waar ek vandag oorweldig voel, kom ek na U toe. Verlos my van my stryd met eetversteurings. Help my om u vrede, genade, liefde en barmhartigheid ten volle te ervaar. Wanneer ek angstig raak, help my dan om my sorge aan U op te dra, wetende dat U by my is, U kan dit alles hanteer, en U het dit reeds oorwin. In die Naam van Jesus, amen.

*Ons weet dat die stryd met eetversteurings kompleks is en uit baie verskillende faktore spruit. Ons sal hierdie onderwerp vanuit 'n geestelike perspektief behandel, maar as jy of iemand wat jy liefhet daarmee sukkel, is dit tyd om hulp te soek. Soek 'n Christenberader of 'n dokter in jou gemeenskap. Vertel iemand wat jy vertrou. Ons is nie veronderstel om alleen die lewensstryd te veg nie. Vra dus vir God om jou volgende stap te openbaar.