9

Vyfde gesig: die verwoesting van die altaar. Belofte van herstel.

1 # Amos 7:1 EK het die Here by die altaar sien staan, en Hy het gesê: Slaan die kapiteel van die pilaar, sodat die drumpels bewe; en verpletter hulle bo die hoof van almal! En Ek sal #Jes. 9:14die wat van hulle oorbly, met die swaard ombring: #Amos 2:14die vlugteling uit hulle sal nie ontsnap nie, en geen vrygeraakte onder hulle homself red nie.

2 # Ps. 139:8,9 Al dring hulle deur in die doderyk, my hand sal hulle daaruit haal; en al klim hulle op na die hemel, Ek sal hulle van daar laat neerdaal.

3En al steek hulle hul weg op die top van Karmel, Ek sal hulle daar opspoor en weghaal; en al verberg hulle hul voor my oë op die bodem van die see, Ek sal van daar die slang ontbied om hulle te byt.

4En al gaan hulle as gevangenes voor hulle vyande uit, Ek sal van daar die swaard ontbied om hulle dood te maak; en Ek sal my oog op hulle rig #Jer. 21:10ten kwade en nie ten goede nie.

5Ja, dit is die Here Here van die leërskare wat die aarde aanraak, sodat #Ps. 46:7dit bewe en #Amos 8:8almal treur wat daarop woon; en dit sal in sy geheel oprys soos die Nyl en wegsak soos die rivier van Egipte.

6 Dit is Hy wat sy solders in die hemele bou en sy hemelgewelf bo die aarde vestig, #Amos 5:8wat die waters van die see roep en dit uitgiet oor die aardbodem, Here is sy Naam!

7 # Mt. 3:9; Rom. 2:25 Is julle nie vir My soos die kinders van Kus nie, o kinders van Israel? spreek die Here. Het Ek Israel nie laat optrek uit Egipteland en die Filistyne uit Kaftor en die Arameërs uit Kir nie?

8Kyk, die oë van die Here Here is gerig teen die sondige koninkryk, en Ek sal dit van die aardbodem verdelg; maar #Jer. 30:11; Obád. 17Ek sal die huis van Jakob nie heeltemal verdelg nie, spreek die Here.

9Want kyk, Ek gee bevel en sal die huis van Israel onder al die nasies skud soos in 'n sif geskud word, maar daar sal geen korrel op die grond val nie.

10Al die sondaars van my volk sal deur die swaard sterwe, die wat sê: Die onheil sal ons nie bereik en ons nie ontmoet nie.

11 # Jes. 2:11 In dié dag #Jer. 30:18; Miga 7:11; Hand. 15:16,17sal Ek die vervalle hut van Dawid weer oprig, en Ek sal sy skeure toebou en sy puinhope herstel, en Ek sal dit opbou soos in die ou tyd;

12sodat hulle in besit kan neem die oorblyfsel van Edom en al die nasies oor wie my Naam uitgeroep is, spreek die Here wat dit doen.

13Kyk, die dae kom, spreek die Here, dat #Lev. 26:5die ploeër die maaier inhaal, en die druiwetrapper die saadsaaier; en dat die berge van mos sal drup, en al die heuwels daarvan oorvloei #Amos 9:5sal wees.

14En #Jer. 30:3Ek sal die lot van my volk Israel verander, en #Jes. 61:4; Eség. 36:10,33-35; Sag. 8:7,8hulle sal die verwoeste stede bou en bewoon, ook sal hulle wingerde plant en die wyn daarvan drink, en tuine aanlê en die vrugte daarvan eet.

15En Ek sal hulle plant in hul land, en hulle sal nie meer uitgeruk word uit hul land wat Ek hulle gegee het nie, sê die Here jou God.

Deur die Bybel - Luister na die boek van Amos

1

Dag 1

2

Dag 2

3

Dag 3

4

Dag 4

5

Dag 5

6

Dag 6

7

Dag 7

8

Dag 8

9

Dag 9

10

Dag 10

11

Dag 11

12

Dag 12

13

Dag 13

14

Dag 14

15

Dag 15

Kies Jou Taal