Soeke na Vreugde: Ses Bybelse Waarhede deur John PiperVoorbeeld

Almal van ons is onderworpe aan God se regverdige veroordeling

Ons almal het die grootheid van God verkleineer.  Hoe?  Deur ander dinge bokant Hom te stel.  Deur ons ondankbaarheid, wantroue en ongehoorsaamheid.  So, God is regverdig deur ons vir ewig uit te sluit van die genot van sy heerlikheid.  "Hulle sal as straf ondergaan ‘n ewige verderf, weg van die aangesig van die Here en van die heerlikheid van sy sterkte…" (2 Tessalonisense 1:9).

Die woord “hel" word veertien keer in die Nuwe Testament gebruik, twaalf keer deur Jesus self.  Dit is nie `n mite wat deur somber en kwaai predikers geskep is nie.  Dit is `n plegtige waarskuwing deur die Seun van God, wat gesterf het om sondaars te verlos van die vloek van sonde.  Ons ignoreer dit met ernstige risiko tot gevolg.

As die Bybel hier gestop het in sy ontleding van die menslike toestand, sou ons almal verdoem gewees het tot `n hooplose toekoms.  Maar, dit is nie waar dit stop nie...