Nuut

Het jy al ooit gewonder hoe jou lewe sou lyk as jy die Heilige Gees werklik leer ken? Vir my is hierdie reis ’n uitnodiging om nader te beweeg aan die Een wat my lei, bemoedig en verander. Ek ontdek dat die Heilige Gees nie net iets is wat ek moet verstaan nie, maar Iemand wat ek kan ervaar; in my gedagtes, my emosies en my alledaagse lewe. Hy is nie ’n vae krag nie; Hy is ’n Persoon wat my herinner aan wie ek in Christus is. My begeerte is dat ek en jy sal leef in sy volheid.

Ontdek die Heilige Gees

Tydens hierdie 4-dagleesplan kyk ons na die belofte wat God aan Abraham gemaak het en hoe dit steeds tot vandag toe tot vervulling kom.

Die Groter Prentjie - Belofte

Hierdie 3-dagleesplan, gebaseer op temas uit Genesing vir Elke Vrou deur Joyce Meyer, help jou om jou emosies te verstaan en God se doel daarin raak te sien. Dag 1 gee jou toestemming om eerlik te wees oor jou pyn, Dag 2 wys hoe Jesus jou help deur jou ervarings, en Dag 3 bring jou by jou ware identiteit in Christus. Dit is ’n pad van rou na herstel en uiteindelik na vryheid. Jy sal ontdek dat jou pyn nie die einde van jou storie is nie, maar deel van hoe God jou vorm.

Van trane tot oorwinning

Topverkoper-outeur Stormie Omartian het hierdie belangrike les oor ouerskap geleer: “Ek het geleer dat ek nie ’n volmaakte ouer hoef te wees nie; ek hoef net ’n biddende ouer te wees. Dit was iets wat ek wel kon doen. Ek het geleer om elke aspek van my kinders se lewens in gebed op te dra. Oor die jare het ek vir my kinders gebid (ja, hulle is al grootmense en ek bid nog steeds vir hulle) en my gebede is al op wonderlike wyses beantwoord.” Hierdie leesplan bevat sewe gebede vir kinders van enige ouderdom.

Die krag van 'n biddende ouer

Hierdie 4-dagleesplan neem jou op ’n reis van innerlike genesing en vernuwing uit die Joyce Meyer se boek Genesing vir elke vrou. Dag 1 fokus op God se vermoë om ’n gebroke hart te genees, Dag 2 nooi jou na  nuwe beginne, en Dag 3 help jou om die dieper lae van jou siel te verstaan. Dag 4 help jou om te ontdek dat genesing nie net moontlik is nie, maar deel van God se plan vir jou lewe is. Hierdie plan help jou om pyn te konfronteer, waarheid te ontdek en hoopvol vorentoe te beweeg.

Genesing vir ’n gebroke hart

Hierdie 5-dagleesplan herinner jou dat God getrou is om elke belofte te vervul. Selfs wanneer dinge onseker of onduidelik lyk, is Hy besig om iets nuuts te doen. Jy word aangemoedig om nie in die verlede vas te kyk nie, maar met geloof vorentoe te beweeg en sy tydsberekening te vertrou. God se krag is steeds aan die werk, en Hy wil wonders in jou lewe doen. Leef met verwagting en vertrou dat Hy sal doen wat Hy gesê het.

God vervul sy beloftes

Die pad na wysheid is ’n 3-dagleesplan uit Spreuke, gebaseer op die “Seeking Him”-boodskappe deur Nancy de Moss Wolgemuth. Hierdie leesplan help jou om die verskil tussen wysheid en dwaasheid raak te sien, veral wanneer versoeking, swaarkry en verkeerde perspektiewe jou geloof toets. Jy sal leer hoe maklik dit is om God se boodskappe verkeerd te lees wanneer dinge moeilik raak, en hoe wysheid begin by vertroue in die Here. Deur praktiese toepassings en Skrifwaarhede word jy uitgedaag om slaggate te vermy, jou hart te bewaak en met woorde van wysheid te leef.

Die Pad Na Wysheid

In hierdie 4-dagleesplan kyk ons na God se almag in hoe Hy alles geskape het. Die skepping was goed gemaak. Die mens is vir ‘n spesifieke doel geskep, dit was God se perfekte plan. 

– PC Pretorius

Die Groter Prentjie - Skepping

’n Kronologiese Bybelleesplan oor twee jaar neem jou op ’n rustige, maar diepgaande reis deur God se verhaal – soos dit waarskynlik histories ontvou het. Jy lees nie net boeke in volgorde nie, maar volg die gebeure soos dit werklik plaasgevind het, wat die groter prentjie helder en lewendig maak. Psalms word ingeweef in die vertellings, sodat jy die emosie, gebede en lofliedere van God se mense beleef juis waar hulle in die geskiedenis pas. Hierdie leesroete maak die Bybel meer verstaanbaar, meer persoonlik en meer betekenisvol. Begin vandag, ontdek nuut, en laat die Woord jou hart vorm.