SPREUKE 14:26-27 - Vergelyk alle weergawes | YouVersion

Deel

Wie die Here dien, het daarin 'n veilige toevlug, en ook sy kinders vind daar skuiling. Wie die Here dien, vind daarin 'n bron van lewe; dit laat jou die strikke van die dood ontkom.

In die vrees van die HERE lê 'n sterk sekerheid, ook vir die kinders van 'n sodanige sal daar 'n toevlug wees. Die vrees van die HERE is 'n fontein van die lewe, om van die strikke van die dood af te wyk.

Hy wat ontsag het vir die HERE, geniet sekuriteit; sy kinders vind vastigheid by hom. Ontsag vir die HERE is ’n bron van lewe; dit beskerm jou teen die strikke van die dood.

Wie die Here liefhet, voel veilig. Selfs sy eie kinders word beskerm. Die Here se liefde is soos ’n borrelende fontein. Dit maak van jou ’n sprankelende mens. Dit beskerm jou teen angs en spanning.

Iemand wat die Here respekteer en dien, is veilig, en die Here beskerm daardie persoon se kinders ook. As jy die Here respekteer en dien, dan sal jy aanhou lewe, jy sal nie in die vangstrikke van die dood kom nie.

In ontsag vir die HERE lê daar sterk vertroue, en vir iemand se kinders bied dit 'n skuilplek. Ontsag vir die HERE is 'n bron van lewe, sodat die vangstrikke van die dood vermy kan word.

In die vrees van die HERE is 'n sterk vertroue, en sy kinders sal 'n toevlug hê. Die vrees van die HERE is 'n fontein van die lewe, om van die strikke van die dood af te wyk.