NUMERI 2:1-34

Deel

NUMERI 2:1-34 Bybel vir almal (ABA)

Die Here het vir Moses en Aäron gesê: “Elke stam moet sy tente opslaan by sy vlag, by sy familie-teken. Die Israeliete moet hulle tente opslaan rondom die tent waar die Here aan die Israeliete verskyn. “Die vlag van die Juda-kamp moet oos van die tempel-tent staan. Die stamme wat hulle tente daar in groepe moet opslaan, is: “Juda wat 74 600 manne het, hulle leier is Nagson seun van Amminadab, Issaskar wat 54 400 manne het, hulle leier is Netanel seun van Suar, Sebulon wat 57 400 manne het, hulle leier is Eliab seun van Gelon. “In die Juda-kamp is hulle almal saam 186 400 manne en hulle moet eerste gaan. “Die vlag van die Ruben-kamp moet suid van die tempel-tent staan. Die stamme wat hulle tente daar in groepe moet opslaan, is: “Ruben wat 46 500 manne het, hulle leier is Elisur seun van Sedeür, Simeon wat 59 300 manne het, hulle leier is Selumiël seun van Suri-Saddai, Gad wat 46 650 manne het, hulle leier is Eljasaf seun van Reüel. “In die Ruben-kamp is hulle almal saam 125 450 manne en hulle moet tweede gaan. “Daarna moet die Leviete die tent dra, die tent waar die Here aan die Israeliete verskyn. Die tente van die Leviete is in die middel van die kamp, en elkeen moet gaan wanneer dit sy beurt is, elkeen by sy vlag. “Die vlag van die Efraim-kamp moet wes van die tempel-tent staan. Die stamme wat hulle tente daar in groepe moet opslaan, is: “Efraim wat 40 500 manne het, hulle leier is Elisama seun van Ammihud, Manasse wat 32 200 manne het, hulle leier is Gamliël seun van Pedasur, Benjamin wat 35 400 manne het, hulle leier is Abidan seun van Gidoni. “In die Efraim-kamp is hulle almal saam 108 100 manne en hulle moet derde gaan. “Die vlag van die Dan-kamp moet noord van die tempel-tent staan. Die stamme wat hulle tente daar in groepe moet opslaan, is: “Dan wat 62 700 manne het, hulle leier is Agiëser seun van Ammi-Saddai, Aser wat 41 500 manne het, hulle leier is Pagiël seun van Okran, Naftali wat 53 400 manne het, hulle leier is Agira seun van Enan. “In die Dan-kamp is hulle almal saam 157 600 manne en hulle moet laaste gaan.” Moses-hulle het die Israeliete in die kampe getel, hulle het getel hoeveel persone in elke familie en groep is. Hulle was almal saam 603 550. Moses-hulle het nie die Leviete saam met die ander Israeliete getel nie. Die Here het vir Moses gesê hy moenie hulle tel nie. Die Israeliete het alles gedoen wat die Here vir Moses gesê het. Hulle het hulle tente opgeslaan by hulle vlae, en die families en huisgesinne van elke stam het elkeen gegaan wanneer dit sy beurt is.

NUMERI 2:1-34 Afrikaans 1933/1953 (AFR53)

EN die HERE het met Moses en Aäron gespreek en gesê: Die kinders van Israel moet laer opslaan elkeen by sy vaandel by die veldtekens van hulle families; op 'n afstand rondom die tent van samekoms moet hulle laer opslaan. En die wat aan die oostekant, teen sonop, laer opslaan, moet wees: die vaandel van die laer van Juda volgens hulle leërafdelings; en Nagson, die seun van Ammínadab, moet owerste oor die seuns van Juda wees. En sy leër met hulle geteldes was vier-en-sewentigduisend-seshonderd. En die wat langs hom laer opslaan, moet wees die stam van Íssaskar; en Netáneël, die seun van Suar, moet owerste oor die seuns van Íssaskar wees. En sy leër met hulle geteldes was vier-en-vyftigduisend-vierhonderd. Verder die stam van Sébulon; en Elíab, die seun van Helon, moet owerste oor die seuns van Sébulon wees. En sy leër met sy geteldes was sewen-en-vyftigduisend-vierhonderd. Al die geteldes in die laer van Juda was honderd-ses-en-tagtigduisend-vierhonderd volgens hulle leërafdelings. Hulle moet eerste opbreek. Die vaandel van die laer van Ruben volgens hulle leërafdelings moet aan die suidekant wees; en Elísur, die seun van Sedéür, moet owerste oor die seuns van Ruben wees. En sy leër met sy geteldes was ses-en-veertigduisend-vyfhonderd. En die wat langs hom laer opslaan, moet wees die stam van Símeon; en Selúmiël, die seun van Surísaddai, moet owerste oor die seuns van Símeon wees. En sy leër met hulle geteldes was negen-en-vyftigduisend-driehonderd. Verder die stam van Gad; en Éljasaf, die seun van Réhuel, moet owerste oor die seuns van Gad wees. En sy leër met hulle geteldes was vyf-en-veertigduisend-seshonderd-en-vyftig. Al die geteldes in die laer van Ruben was honderd-een-en-vyftigduisend-vierhonderd-en-vyftig volgens hulle leërafdelings. En hulle moet tweede opbreek. Daarna moet die tent van samekoms opbreek: die laer van die Leviete, tussen die ander laers in. Soos hulle laer opslaan, so moet hulle opbreek, elkeen op sy plek volgens hulle vaandels. Die vaandel van die laer van Efraim volgens hulle leërafdelings moet aan die westekant wees; en Elisáma, die seun van Ammíhud, moet owerste oor die seuns van Efraim wees. En sy leër met hulle geteldes was veertigduisend-vyfhonderd. En langs hom die stam van Manasse; en Gámliël, die seun van Pedásur, moet owerste oor die seuns van Manasse wees. En sy leër met hulle geteldes was twee-en-dertigduisend-tweehonderd. Verder die stam van Benjamin; en Abídan, die seun van Gideóni, moet owerste oor die seuns van Benjamin wees. En sy leër met hulle geteldes was vyf-en-dertigduisend-vierhonderd. Al die geteldes in die laer van Efraim was honderd-en-agtduisend-eenhonderd volgens hulle leërafdelings. En hulle moet derde opbreek. Die vaandel van die laer van Dan moet aan die noordekant wees volgens hulle leërafdelings: en Ahiëser, die seun van Ammísaddai, moet owerste oor die seuns van Dan wees. En sy leër met hulle geteldes was twee-en-sestigduisend-sewehonderd. En die wat langs hom laer opslaan, moet wees die stam van Aser; en Págiël, die seun van Ogran, moet owerste oor die seuns van Aser wees. En sy leër met hulle geteldes was een-en-veertigduisend-vyfhonderd. Verder die stam van Náftali; en Ahíra, die seun van Enan, moet owerste oor die seuns van Náftali wees. En sy leër met hulle geteldes was drie-en-vyftigduisend-vierhonderd. Al die geteldes in die laer van Dan was honderd-sewen-en-vyftigduisend-seshonderd. Hulle moet laaste opbreek volgens hulle vaandels. Dit is die geteldes van die kinders van Israel volgens hulle families. Al die geteldes van die laers volgens hulle leërafdelings was seshonderd-en-drieduisend-vyfhonderd-en-vyftig. Maar die Leviete is onder die kinders van Israel nie getel nie, soos die HERE Moses beveel het. En die kinders van Israel het gedoen net soos die HERE Moses beveel het; so het hulle laer opgeslaan volgens hulle vaandels, en so het hulle opgebreek elkeen volgens sy geslagte, by sy families.

NUMERI 2:1-34 Afrikaans 1983 (AFR83)

Die Here het met Moses en Aäron gepraat en gesê: “Die Israeliete moet kamp opslaan, elkeen by sy vaandel, by sy familieteken. Hulle moet die kamp rondom die tent van ontmoeting opslaan, so 'n entjie daarvandaan. “Aan die ooste, sonop se kant, moet die stam Juda kamp opslaan. Hy moet dit doen by sy vaandel en ingedeel in leërafdelings. Nagson seun van Amminadab is die leier van die stam. Die getal van Juda se weerbare manne is 74 600. Die stam Issaskar moet langs Juda kamp opslaan. Netanel seun van Suar is sy leier. Die getal van sy weerbare manne is 54 400. Daarna volg die stam Sebulon met Eliab seun van Gelon as leier. Die getal van sy weerbare manne is 57 400. Die hele kamp onder leiding van Juda, ingedeel in leërafdelings, is altesaam 186 400 weerbare manne. “Hierdie drie stamme moet altyd eerste versit. “Aan die suidekant moet die stam Ruben kamp opslaan. Hy moet dit doen by sy vaandel en ingedeel in leërafdelings. Elisur seun van Sedeür is die leier van die stam. Die getal van Ruben se weerbare manne is 46 500. Die stam Simeon moet langs Ruben kamp opslaan. Selumiël seun van Suri-Saddai is die leier van die stam. Die getal van sy weerbare manne is 59 300. Daarna volg die stam Gad met Eljasaf seun van Reüel as leier. Die getal van sy weerbare manne is 45 650. Die hele kamp onder leiding van Ruben, ingedeel in leërafdelings, is altesaam 151 450 weerbare manne. “Hierdie stamme moet altyd tweede versit. “Die kamp van die Leviete met die tent van ontmoeting moet altyd in die middel van die ander kampe bly wanneer hulle trek. In dieselfde orde waarin die stamme kamp opslaan, moet hulle ook die kamp opbreek, elkeen op sy eie plek en by sy eie vaandel. “Aan die westekant moet die stam Efraim kamp opslaan. Hy moet dit doen by sy vaandel en ingedeel in leërafdelings. Elisama seun van Ammihud is die leier van die stam. Die getal van die weerbare manne is 40 500. Die stam Manasse moet langs Efraim wees. Gamliël seun van Pedasur is sy leier. Die getal van sy weerbare manne is 32 200. Daarna volg die stam Benjamin met Abidan seun van Gidoni as leier. Die getal van sy weerbare manne is 35 400. Die hele kamp onder leiding van Efraim, ingedeel in leërafdelings, is altesaam 108 100 weerbare manne. “Hierdie stamme moet altyd derde versit. “Aan die noordekant moet die stam Dan kamp opslaan. Hy moet dit doen by sy vaandel en ingedeel in leërafdelings. Agiëser seun van Ammi-Saddai is die leier van hierdie stam. Die getal van Dan se weerbare manne is 62 700. Die stam Aser moet langs Dan kamp opslaan. Pagiël seun van Okran is leier van die stam. Die getal van Aser se weerbare manne is 41 500. Daarna volg die stam Naftali met Agira seun van Enan as leier. Die getal van sy weerbare manne is 53 400. Die hele kamp onder leiding van Dan is altesaam 157 600 weerbare manne. “Hierdie stamme moet met hulle vaandels die laaste versit.” Dit was dan die groottotaal van al die Israeliete, getel volgens families. Al die geteldes van die kampe, ingedeel in leërafdelings, was 603 550 man. Die Leviete is nie onder die getal van Israel bygereken nie, soos die Here vir Moses beveel het. Die Israeliete het presies gedoen soos die Here vir Moses beveel het. Hulle het kamp opgeslaan, elkeen by sy eie vaandel, en elke keer weer weggetrek, elke stam ingedeel volgens sy familiegroepe.

NUMERI 2:1-34 Die Bybel 2020-vertaling (AFR20)

Die HERE het met Moses en Aäron gepraat en gesê: “ Die Israeliete moet elkeen by sy eenheid, by die vaandels van hulle familie, kamp opslaan. Hulle moet langs mekaar, op 'n afstand, rondom die Tent van Ontmoeting kamp opslaan. “ Dié wat kamp opslaan aan die oostekant, aan die kant waar die son opkom, moet wees: “Die eenheid van Juda se kamp volgens hulle leërafdelings, met Nagson, seun van Amminadab, as leier van die nageslag van Juda, met sy leër, dié wat ingeskryf is: 74 600. Dié wat langs hulle kamp opslaan, is die stam van Issaskar met Netanel, seun van Suar, as leier van die nageslag van Issaskar, met sy leër, dié wat ingeskryf is: 54 400. Daarna die stam van Sebulon met Eliab, seun van Gelon, as leier van die nageslag van Sebulon, met sy leër, dié wat ingeskryf is: 57 400. “Al dié wat ingeskryf is van die kamp van Juda, volgens hulle leërafdelings, is 186 400. Hulle moet eerste kamp opbreek. “Die eenheid van Ruben se kamp is, volgens hulle leërafdelings, aan die suidekant met Elisur, seun van Sedeür, as leier van die nageslag van Ruben, met sy leër, dié wat ingeskryf is: 46 500. Dié wat langs hulle kamp opslaan, is die stam van Simeon met Selumiël, seun van Suri-Saddai, as leier van die nageslag van Simeon, met sy leër, dié wat ingeskryf is: 59 300. Daarna die stam van Gad met Eljasaf, seun van Deüel as leier van die nageslag van Gad, met sy leër, dié wat ingeskryf is, is 45 650. “Al dié wat ingeskryf is van die kamp van Ruben, volgens hulle leërafdelings, is 151 450. Hulle moet tweede kamp opbreek. “Dan moet die Tent van Ontmoeting, die kamp van die Leviete wat in die middel van die kampe is, verskuif. Soos hulle kamp opslaan, so moet hulle ook kamp opbreek, elkeen op sy plek, volgens hulle eenhede. “Die eenheid van Efraim se kamp is, volgens hulle leërafdelings, aan die westekant, met Elisama, seun van Ammihud, as leier van die nageslag van Efraim, met sy leër, dié wat ingeskryf is: 40 500. Langs hulle is die stam van Manasse met Gamliël, seun van Pedasur, as leier van die nageslag van Manasse, met sy leër, dié wat ingeskryf is: 32 200. Daarna die stam van Benjamin. Die leier van die nageslag van Benjamin is Abidan, seun van Gidoni, met sy leër, dié wat ingeskryf is: 35 400. “Al dié wat ingeskryf is van die kamp van Efraim, volgens hulle leërafdelings, is 108 100. Hulle moet derde kamp opbreek. “Die eenheid van Dan se kamp is, volgens hulle leërafdelings, aan die noordekant met Agiëser, seun van Ammi-Saddai, as leier van die nageslag van Dan, met sy leër, dié wat ingeskryf is: 62 700. Dié wat langs hulle kamp opslaan, is die stam van Aser met Pagiël, seun van Ogran, as leier van die nageslag van Aser, met sy leër, dié wat ingeskryf is: 41 500. Daarna die stam van Naftali met Agira, seun van Enan, as leier van die nageslag van Naftali, met sy leër, dié wat ingeskryf is: 53 400. “Al dié wat ingeskryf is van die kamp van Dan, is 157 600. Hulle moet laaste kamp opbreek volgens hulle eenhede.” Dit was die Israeliete wat ingeskryf is volgens hulle families. Al dié wat ingeskryf is van die kampe, volgens hulle leërafdelings, was 603 550. Maar die Leviete is nie saam met die Israeliete ingeskryf nie, net soos die HERE Moses beveel het. Die Israeliete het presies gedoen wat die HERE Moses beveel het. So het hulle kamp opgeslaan volgens hulle eenhede, en so het hulle kamp opgebreek; almal volgens hulle familiegroepe, langs hulle families.

NUMERI 2:1-34 Contemporary Afrikaans Bible 2023 (CAB23)

En die HERE het met Moses en Aäron gespreek en gesê: Elkeen van die kinders van Israel moet laer opslaan volgens sy vaandel, met die vaandel van hulle vader se huis; ver rondom die tent van samekoms moet hulle laer opslaan. En aan die oostekant, teen die opgang van die son, sal hulle van die vaandel van die laer van Juda opslaan volgens hulle leërs; en Nagson, die seun van Amminadab, sal owerste oor die kinders van Juda wees. En sy leër en hulle geteldes was veertien duisend ses honderd. En die wat langs hom opslaan, is die stam van Issaskar; en Netáneël, die seun van Suar, moet owerste oor die kinders van Issaskar wees. En sy leër en sy geteldes was vier en vyftig duisend vier honderd. Dan die stam van Sébulon, en Elíab, die seun van Helon, sal owerste oor die kinders van Sébulon wees. En sy leër en sy geteldes was sewe en vyftig duisend vier honderd. Al die geteldes in die laer van Juda was honderd ses en tagtig duisend vier honderd volgens hulle leërs. Dit sal eers uiteengesit word. Aan die suidekant moet die vaandel van die laer van Ruben wees volgens hulle leërs; en die owerste van die kinders van Ruben moet wees Elísur, die seun van Sedeur. En sy leër en sy geteldes was ses en veertig duisend vyf honderd. En die wat langs hom opslaan, moet die stam van Símeon wees; en Selúmiël, die seun van Surísaddai, moet owerste oor die kinders van Símeon wees. En sy leër en hulle geteldes was nege en vyftig duisend drie honderd. Dan die stam van Gad; en Eljasaf, die seun van Réhuel, moet owerste oor die seuns van Gad wees. En sy leër en hulle geteldes was vyf en veertig duisend seshonderd en vyftig. Al die geteldes in die laer van Ruben was honderd een en vyftig duisend vier honderd en vyftig volgens hulle leërs. En hulle sal optree in die tweede rang. Dan moet die tent van samekoms optrek saam met die laer van die Leviete in die middel van die laer; soos hulle laer opslaan, so moet hulle optrek, elkeen op sy plek volgens hulle vaandels. Aan die westekant moet die vaandel van die laer van Efraim wees volgens hulle leërafdelings; en die owerste van die seuns van Efraim moet wees Elísama, die seun van Ammihud. En sy leër en hulle geteldes was veertig duisend vyf honderd. En by hom moet die stam van Manasse wees; en Gamliël, die seun van Pedahsur, moet owerste oor die kinders van Manasse wees. En sy leër en hulle geteldes was twee en dertig duisend twee honderd. Dan die stam van Benjamin; en Abídan, die seun van Gideoni, moet owerste oor die seuns van Benjamin wees. En sy leër en hulle geteldes was vyf en dertig duisend vier honderd. Al die geteldes van die laer van Efraim was honderd duisend agt duisend en honderd volgens hulle leërs. En hulle sal in die derde rang optrek. Die vaandel van die laer van Dan moet aan die noordekant wees volgens hulle leërs; en Ahiëser, die seun van Ammisaddai, moet owerste oor die kinders van Dan wees. En sy leër en hulle geteldes was twee en sestig duisend sewe honderd. En die wat by hom laer opslaan, sal die stam van Aser wees; en Pagiël, die seun van Okran, moet owerste oor die kinders van Aser wees. En sy leër en hulle geteldes was een en veertig duisend vyf honderd. Dan die stam van Náftali; en Ahíra, die seun van Enan, moet owerste oor die kinders van Náftali wees. En sy leër en hulle geteldes was drie en vyftig duisend vier honderd. Al die geteldes in die laer van Dan was honderd sewe en vyftig duisend ses honderd. Hulle sal agteruit gaan met hulle standaarde. Dit is die geteldes van die kinders van Israel volgens die huis van hulle vaders: al die geteldes van die laers volgens hulle leërskare was ses honderd duisend drie duisend vyf honderd en vyftig. Maar die Leviete is nie onder die kinders van Israel getel nie; soos die HERE Moses beveel het. En die kinders van Israel het gedoen net soos die HERE Moses beveel het: so het hulle laer opgeslaan volgens hulle vaandels en so het hulle weggetrek, elkeen volgens hulle geslagte, volgens die huis van hulle vaders.

NUMERI 2:1-34 Die Boodskap (DB)

Die Here het vir Moses en Aäron die volgende instruksies gegee: “Wanneer die Israeliete kamp opslaan, moet julle aan elke groep ’n sekere gebied toeken waar hulle hulle tente moet opslaan. Hulle moet ook hulle eie vlag daar laat waai. Die tent waar Ek aanbid word, moet in die middel van die kamp wees met die ander tente so ’n ent weg reg rondom die tabernakel opgeslaan. “Die stam van Juda moet hulle kamp aan die oostekant, waar die son opkom, opslaan. Hulle moet by hulle vlag bly, en ingedeel in leërafdelings. Amminadab se seun Nagson is die leier van die stam. Juda se soldate is 74 600. Die stam van Issaskar moet langs Juda kamp opslaan. Suar se seun Netanel is die leier. Hulle het 54 400 soldate. Daarna volg die stam Sebulon met Gelon se seun Eliab as leier. Hierdie stam het 57 400 soldate. Die totaal van al die troepe in Juda se kamp is 186 400 soldate. Hierdie drie stamme moet altyd eerste trek as julle julle kamp verskuif. “Die stam van Ruben moet aan die suidekant kamp opslaan, by hulle vlag, en hulle moet ingedeel word in verskillende leërafdelings. Sedeür se seun Elisur is die leier van die stam. Ruben se getal soldate is 46 500. Die stam van Simeon moet langs Ruben kamp opslaan. Suri-Saddai se seun Selumiël is die leier van die stam. Daar is 59 300 soldate in die stam. Daarna volg die stam van Gad met Reüel se seun Eljasaf as hulle leier. Sy getal soldate is 45 650. Die totaal van die troepe onder leiding van Ruben is altesaam 151 450 soldate. Hierdie stamme moet altyd tweede trek. “Die Leviete met die tent van aanbidding moet altyd in die middel van die ander groepe bly wanneer hulle trek. Die stamme moet in dieselfde posisie bly waarin hulle ingedeel is en elke groep moet hulle eie vlag dra. “Die stam Efraim moet aan die westekant kamp opslaan, by hulle vlag en ingedeel volgens verskillende leërafdelings. Ammihud se seun Elisama is die leier van daardie stam. In sy stam is daar 40 500 soldate. Die stam van Manasse moet langs Efraim kamp opslaan, met Pedasur se seun Gamliël as sy leier. Die stam het 32 200 soldate. Daarna volg die stam van Benjamin met Gidoni se seun Abidan as leier. Die stam het 35 400 soldate. Die totaal van die troepe onder leiding van Efraim is altesaam 108 100 soldate. Hierdie stamme moet altyd derde trek. “Die stam van Dan moet aan die noordekant kamp opslaan by hulle vlag en volgens hulle leërafdelings. Ammi-Saddai se seun Agiëser is die leier van hierdie stam. Dan se getal soldate is 62 700. Die stam van Aser moet langs Dan kamp opslaan. Okran se seun Pagiël is die leier van die stam. Aser se getal soldate is 41 500. Daarna volg die stam van Naftali met Enan se seun Agira as leier. Die getal soldate binne dié groep is 53 400. Die totaal van die troepe onder leiding van Dan is altesaam 157 600 soldate. Hierdie stamme moet laaste trek.” Dit was dan die totaal van al die Israeliete, volgens hulle families. Al die geteldes in die kampe, ingedeel in verskillende leërafdelings, was 603 550 soldate. Soos die Here vir Moses beveel het, is die Leviete se getalle nie hierby ingereken nie. Die Israeliete het presies gedoen wat die Here vir Moses gesê het. Hulle het elkeen by hulle eie vlag kamp opgeslaan en dit saamgedra as hulle weer weggetrek het. Elke stam was ook ingedeel volgens hulle familiegroepe.

NUMERI 2:1-34 Nuwe Lewende Vertaling (NLV)

Die HERE het toe vir Moses en Aäron gesê: “Hulle moet elkeen onder die vaandel van hulle stam gaan staan. Hulle moet reg rondom die tabernakel kamp opslaan. “Juda, Issaskar en Sebulon moet aan die oostekant, waar die son opkom, onder hulle onderskeie vaandels kamp opslaan. Hier is die name van die stamme, hulle leiers en die getalle van hulle weerbare manskappe: Juda se leier is Nagson seun van Amminadab met 74 600 manskappe; Issaskar s’n is Netanel seun van Suar met 54 400 manskappe; Sebulon s’n is Eliab seun van Gelon met 57 400 manskappe. Die manskappe aan Juda se kant is dus 186 400. Wanneer die kamp versit, moet hierdie stamme eerste begin beweeg. “Ruben, Simeon en Gad moet suid van die tabernakel by hulle vaandels kamp opslaan. Hier is hulle stamme, leiers en getalle: Ruben se leier is Elisur seun van Sedeür met 46 500 manskappe; Simeon s’n is Selumiël seun van Suri-Saddai met 59 300 manskappe; Gad s’n is Eljasaf seun van Reüel met 45 650 manskappe. Almal aan Ruben se kant is altesaam 151 450. Wanneer Israel verder gaan, moet hulle tweede vertrek. “Die Leviete sal van die middel van die kamp af vertrek. Soos hulle gestaan het, het die stamme in dieselfde volgorde agter hulle vaandels aan getrek. “Efraim, Manasse en Benjamin moet by hulle vaandels wes van die tabernakel kamp opslaan. Hier is hulle volgens stamme, leiers en getalle: Efraim se leier is Elisama seun van Ammihud met 40 500 manskappe; Manasse s’n is Gamliël seun van Pedasur met 32 200 manskappe; Benjamin s’n is Abidan seun van Gidoni met 35 400 manskappe. Die manskappe aan Efraim se kant van die tabernakel is 108 100. Hulle moet altyd derde versit, net na die Leviete. “Dan, Aser en Naftali moet by hulle vaandels noord van die tabernakel kamp opslaan. Hulle is volgens stam, leier en getalle soos volg: Dan se leier is Agiëser seun van Ammi-Saddai met 62 700 manskappe; Aser s’n is Pagiël seun van Okran met 41 500 manskappe; Naftali s’n is Agira seun van Enan met 53 400 manskappe. Aan Dan se kant is daar altesaam 157 600 manskappe. Hierdie stamme moet laaste vertrek, aan die agterkant.” Volgens hulle families ingedeel, was die groottotaal van die Israeliete dus 603 550. Soos die HERE vir Moses beveel het, was die Leviete nie by hierdie getalle ingereken nie. Die Israeliete het gemaak presies soos die HERE vir Moses gesê het. Elke stam het volgens sy familie en onder sy eie vaandel kamp opgeslaan en weer getrek.