LUKAS 18:35-43
LUKAS 18:35-43 Bybel vir almal (ABA)
Toe Jesus naby die stad Jerigo kom, was daar 'n blinde man wat langs die pad gesit en bedel het. Die blinde man het gehoor toe baie mense daar verbygaan, en hy het gevra wat daar gebeur. Hulle het vir hom gesê dit is Jesus van Nasaret wat verbygaan. Toe begin die blinde man skree: “Jesus, Seun van Dawid, U moet asseblief jammer wees vir my en U moet my help!” Die mense wat voor geloop het, het met hom geraas en gesê hy moet stilbly, maar hy het aangehou en nog harder geskree: “Seun van Dawid, U moet asseblief jammer wees vir my en U moet my help!” Jesus het gaan staan en Hy het gesê hulle moet die blinde man na Hom toe bring. Toe die man nader kom, vra Jesus vir hom: “Wat wil jy hê moet Ek vir jou doen?” En die blinde man antwoord: “Meneer, ek wil sien!” Jesus het vir hom gesê: “Kyk, jy sien nou! Jy sien, want jy het geglo.” Die blinde man kon dadelik sien, en hy het Jesus gevolg terwyl hy God prys. Toe die mense dit sien, het almal God geprys oor wat Jesus gedoen het.
LUKAS 18:35-43 Afrikaans 1933/1953 (AFR53)
EN terwyl Hy naby Jérigo kom, sit daar 'n blinde man langs die pad en bedel; en toe hy 'n skare hoor verbygaan, vra hy wat dit is. En hulle vertel hom: Jesus die Nasaréner gaan verby. Toe roep hy uit en sê: Jesus, Seun van Dawid, wees my barmhartig! En die wat voor loop, bestraf hom dat hy moet stilbly. Maar hy het al harder uitgeroep: Seun van Dawid, wees my barmhartig! En Jesus het gaan staan en bevel gegee dat hy na Hom gebring moes word; en toe hy naby kom, vra Hy hom en sê: Wat wil jy hê moet Ek vir jou doen? En hy antwoord: Here, dat ek kan sien. En Jesus sê vir hom: Sien! Jou geloof het jou gered. En onmiddellik het hy gesien en Hom gevolg, terwyl hy God verheerlik. En toe die hele volk dit sien, het hulle aan God die lof gegee.
LUKAS 18:35-43 Afrikaans 1983 (AFR83)
Jesus het naby Jerigo gekom. Toe 'n blinde man wat daar langs die pad sit en bedel, die groot menigte mense hoor verbyloop, vra hy wat aan die gang is. Hulle vertel hom toe: “Jesus van Nasaret gaan hier verby.” Toe roep hy uit: “Jesus, Seun van Dawid, ontferm U oor my!” Die mense wat voor geloop het, het hom beveel om stil te bly, maar hy het al hoe harder uitgeroep: “Seun van Dawid, ontferm U oor my!” Jesus gaan toe staan en gee bevel dat hy na Hom toe gebring moet word. Toe hy naby kom, vra Jesus vir hom: “Wat wil jy hê moet Ek vir jou doen?” En hy antwoord: “Here, dat ek kan sien.” Jesus sê vir hom: “Goed, jy kan sien! Jou geloof het jou gered.” En onmiddellik kon hy sien, en hy het Jesus gevolg en God geprys. Ook al die mense wat dit gesien het, het aan God die eer gegee.
LUKAS 18:35-43 Die Bybel 2020-vertaling (AFR20)
Toe Jesus in die omgewing van Jerigo kom, sit daar langs die pad 'n blinde man en bedel. Toe hy die skare hoor verbyloop, vra hy wat aan die gang is. Hulle het vir hom gesê dat Jesus, die Nasarener, daar verbyloop. Toe roep hy hardop uit: “Jesus, •Seun van Dawid, ontferm U oor my!” Die mense wat voor geloop het, het hom berispe dat hy moet stilbly, maar hy het net al hoe harder uitgeroep: “Seun van Dawid, ontferm U oor my!” Jesus het gaan staan en beveel dat hy na Hom gebring word. Toe hy nader kom, vra Jesus hom: “Wat wil jy hê moet Ek vir jou doen?” En hy het geantwoord: “Here, dat ek kan sien.” Jesus het vir hom gesê: “Sien weer! Jou geloof het jou gered. ” En onmiddellik kon hy sien. Hy het Jesus gevolg en God geprys. Die hele volk wat dit gesien het, het God geloof.
LUKAS 18:35-43 Contemporary Afrikaans Bible 2023 (CAB23)
En toe hy naby Jerigo kom, het 'n sekere blinde man langs die pad gesit en bedel. En toe hy die skare hoor verbygaan, vra hy wat dit beteken. En hulle het hom meegedeel dat Jesus van Nasaret verbygaan. En hy het uitgeroep en gesê: Jesus, Seun van Dawid, wees my genadig. En die wat voor gegaan het, het hom bestraf, dat hy moes swyg; maar hy het des te meer geroep: Seun van Dawid, wees my genadig! En Jesus het gaan staan en bevel gegee dat hy na hom gebring moes word; en toe hy nader kom, vra hy hom: en gesê: Wat wil jy hê moet ek aan jou doen? En hy sê: Here, dat ek kan sien. En Jesus sê vir hom: Word jou aanskou; jou geloof het jou gered. En dadelik het hy gesien en Hom gevolg en God verheerlik; en toe die hele volk dit sien, het hulle God geprys.
LUKAS 18:35-43 Die Boodskap (DB)
Later, toe Jesus naby Jerigo kom, sit daar ’n blinde langs die pad en bedel. Die man het agtergekom ’n groot klomp mense stap by hom verby. “Wat is aan die gang?” vra hy toe. “Jesus van Nasaret gaan hier verby,” het iemand geantwoord. Die blinde man het dadelik hard begin skree: “Jesus, Seun van Dawid, kry my jammer, asseblief!” Maar die mense het vir hom gesê: “Bly stil! Hou op om so te skree!” Dit het nie gehelp nie. Die blinde het net nog harder geskree: “Jesus, Seun van Dawid, kry my jammer, asseblief!” Jesus gaan staan toe stil en sê vir die mense: “Bring daardie man wat so skree na My toe.” Toe die blinde naby Jesus kom, vra Hy hom: “Wat wil jy hê moet Ek vir jou doen?” “Ag, Here, ek wil so graag sien!” antwoord hy. “Nou toe, sien dan! Jou wens het waar geword omdat jy glo,” het Jesus gesê. Dadelik kon die man weer sien. Hy kon sy oë nie glo nie. Vol blydskap het hy by die res van die skare ingeval en agter Jesus begin aanstap. Hy het oor en oor vir God dankie gesê omdat Hy so goed vir hom is. Die mense was net so opgewonde. Hulle het ook God se Naam grootgemaak oor wat gebeur het.
LUKAS 18:35-43 Nuwe Lewende Vertaling (NLV)
Jesus het in die omgewing van Jerigo aangekom. ’n Blinde man het langs die pad gesit en bedel. Toe hy die skare hoor wat verbyloop, het hy probeer uitvind wat aan die gang is. Hulle het hom toe vertel dat Jesus van Nasaret besig is om verby te loop. Die blinde het hard uitgeroep: “Jesus, Seun van Dawid, ontferm U asseblief oor my!” Die mense wat vooruit geloop het, het hom bestraf om hom stil te kry, maar hy het eerder nog harder uitgeroep: “Seun van Dawid, ontferm U asseblief oor my!” Jesus het gaan staan en opdrag gegee dat die man na Hom toe gebring moes word. Soos hy naderbeweeg, vra Jesus vir hom: “Wat wil jy hê moet Ek vir jou doen?” Sy antwoord was: “Here, dat ek net weer kan sien!” Jesus het hom geantwoord: “Sien weer! Jou geloof het jou gered.” Eensklaps het die man weer gesien; hy het Jesus gevolg en God geloof. Die hele volk wat dit gesien het, het aan God die eer gegee.