GENESIS 5:21-24
GENESIS 5:21-24 Bybel vir almal (ABA)
Henog was 65 jaar oud toe hy pa geword het van Metusalag. Henog het God gedien, hy het naby Hom gelewe. Nadat Henog pa geword het van Metusalag, het Henog nog 300 jaar gelewe. Hy het ook nog ander seuns en dogters gehad. Henog het 365 jaar oud geword. Henog het God gedien, hy het naby God gelewe. Maar later was hy nie meer op die aarde nie, want God het hom weggeneem.
GENESIS 5:21-24 Afrikaans 1933/1953 (AFR53)
Toe Henog vyf-en-sestig jaar oud was, het hy die vader van Metúsalag geword. En Henog het ná die geboorte van Metúsalag nog driehonderd jaar met God gewandel. En hy het seuns en dogters gehad. So was dan al die dae van Henog driehonderd-vyf-en-sestig jaar. En Henog het met God gewandel; en hy was daar nie meer nie, want God het hom weggeneem.
GENESIS 5:21-24 Afrikaans 1983 (AFR83)
Toe Henog 65 was, het hy die vader geword van Metusalag. Henog het na die geboorte van Metusalag nog 300 jaar naby God geleef en het seuns en dogters gehad. Henog se ouderdom was dus 365 jaar. Hy het naby God geleef en toe was hy nie meer daar nie, want God het hom na Hom toe weggeneem.
GENESIS 5:21-24 Die Bybel 2020-vertaling (AFR20)
Toe Henog 65 jaar oud was, het hy Metusalag verwek. Nadat hy Metusalag verwek het, het Henog driehonderd jaar lank naby God geleef, en hy het seuns en dogters verwek. Henog het altesaam 365 jaar lank geleef. Henog het naby God geleef, en hy was nie meer daar nie, want God het hom weggeneem.
GENESIS 5:21-24 Contemporary Afrikaans Bible 2023 (CAB23)
Henog het vyf en sestig jaar gelewe en toe die vader van Metúsalag geword. Henog het met God gewandel nadat hy Metusalag verwek het, drie honderd jaar en seuns en dogters verwek. Al die dae van Henog was drie honderd vyf en sestig jaar; Henog het met God gewandel, en hy was nie; want God het hom geneem.
GENESIS 5:21-24 Die Boodskap (DB)
Toe Henog 65 was, is sy seun Metusalag gebore. Henog het sy hele lewe lank baie naby aan God geleef. Na die geboorte van Metusalag het hy nog 300 jaar geleef en ook nog ander seuns en dogters gehad. Henog se ouderdom was dus 365 jaar. Henog het baie naby aan God geleef, so naby dat hy op ’n dag net nie meer daar was nie. Hy was weg, want God het hom kom haal.
GENESIS 5:21-24 Nuwe Lewende Vertaling (NLV)
Toe Henog 65 jaar oud was, is sy seun Metusalag gebore. Ná die geboorte van Metusalag het Henog nog 300 jaar in ’n noue verhouding met God gelewe. Hy het ook ander seuns en dogters gehad. Hy het 365 jaar gelewe. Hy het sy lewe lank baie naby aan God gelewe. Toe het hy verdwyn, want God het hom weggeneem.