GENESIS 26:12-13

Deel

GENESIS 26:12-13 Bybel vir almal (ABA)

Isak het koring gesaai in daardie land en hy het daardie jaar 100 maal meer koring gekry as wat hy gesaai het. Die Here het hom geseën, en hy het 'n baie ryk man geword.

GENESIS 26:12-13 Afrikaans 1933/1953 (AFR53)

Isak het toe in dié land gesaai en daardie jaar honderdvoudig gewen, want die HERE het hom geseën. En die man het groot geword en altyddeur groter geword totdat hy baie groot was

GENESIS 26:12-13 Afrikaans 1983 (AFR83)

Isak het in daardie gebied gesaai, en daardie jaar het die saad honderdvoudig geskiet. Die Here het hom voorspoedig gemaak, en hy het 'n ryk man geword, hy het vooruitgegaan sodat hy later baie ryk was.

GENESIS 26:12-13 Die Bybel 2020-vertaling (AFR20)

Isak het in daardie landstreek gesaai, en hy het dié jaar honderdvoudig geoes. So het die HERE hom geseën. Die man het ryk geword; hy het al hoe ryker geword, totdat hy skatryk was.

GENESIS 26:12-13 Contemporary Afrikaans Bible 2023 (CAB23)

Toe het Isak in daardie land gesaai en in dieselfde jaar honderdvoudig ontvang, en die HERE het hom geseën. Die man het groot geword en vorentoe gegaan en gegroei totdat hy baie groot geword het.

GENESIS 26:12-13 Die Boodskap (DB)

Isak het toe in daardie land vir hom grond gekry en begin saai. Die Here het hom geseën en hy het in dieselfde jaar nog uitstekende oeste gehad. Kort voor lank was hy ryk, sommer skatryk.

GENESIS 26:12-13 Nuwe Lewende Vertaling (NLV)

Daardie jaar het Isak ’n baie groot oes gehad. Hy het honderd maal meer geoes as wat hy geplant het, want die HERE het hom geseën. Hy het baie ryk geword en sy rykdom het aanhou vermeerder.