1 SAMUEL 15:9
1 SAMUEL 15:9 Nuwe Lewende Vertaling (NLV)
Saul en sy manskappe het Agag se lewe gespaar, asook die beste skape en beeste, die vet kalwers en lammers – trouens, alles wat hulle begeer het. Hulle het net dit wat waardeloos was, vernietig.
1 SAMUEL 15:9 Bybel vir almal (ABA)
Saul en die manne het Agag laat lewe, en ook die beste en vetste skape, bokke en beeste. Hulle wou nie al die goeie diere doodmaak nie. Hulle het al die maer en swak diere doodgemaak.
1 SAMUEL 15:9 Afrikaans 1933/1953 (AFR53)
Maar Saul en die manskappe het Agag gespaar, en die beste van die kleinvee en beeste, en die naas-bestes en die lammers en alles wat van waarde was — dit wou hulle nie met die banvloek tref nie; maar al die goed wat veragtelik en vervalle was, dit het hulle met die banvloek getref.
1 SAMUEL 15:9 Afrikaans 1983 (AFR83)
Saul en die manskappe het Agag gespaar en ook die mooiste kleinvee en beeste, die vetstes, en die lammers en alles wat mooi was. Saul-hulle wou dit alles nie om die lewe bring nie. Al die vee wat swak en waardeloos was, het hulle wel van kant gemaak.
1 SAMUEL 15:9 Die Bybel 2020-vertaling (AFR20)
Saul en die manskappe het Agag gespaar, asook die beste kleinvee en beeste, al die naasbestes, ook die ramme en alles wat goed was. Hulle wou dit nie met die banvloek tref nie; maar alles wat verwerplik en swak was, dié het hulle met die banvloek getref.
1 SAMUEL 15:9 Contemporary Afrikaans Bible 2023 (CAB23)
Maar Saul en die manskappe het Agag gespaar en die beste van die skape en van die beeste en van die vetgemaakte diere en die lammers en alles wat goed was, en hulle wou hulle nie met die banvloek tref nie, maar alles wat gemeen en gemors was, wat hulle heeltemal vernietig het.
1 SAMUEL 15:9 Die Boodskap (DB)
Saul en sy mense het nie vir Agag doodgemaak nie. Hulle het ook nie die beste skape, bokke en beeste doodgemaak nie; ook nie die tweede beste diere en die jong ramme nie. Hulle wou nie die mooi diere doodmaak nie, maar die diere wat niks werd was nie, die goed wat niemand wou hê nie, dié het hulle doodgemaak.