Bage oy fare 4
4
Yál ge naa ne ke ta ma
1Uwale, mbi ndi yál ge naa ne ke ta ma ne suwar pal. Naa ge ne njot yál ma njot mḭḭm, amma ndu a̰me ge iyal nama laar to. Ago a naa ge ne ke naa yál ma gwan ɓol pool ne zo, go no puy ɗe, ndu ge iyal naa ge ne njot yál ma laar to. 2Mbi ɓó go, naa ge ne su ya ya ma golgo waɗe naa ge ne go ne ndwara ma#6:3-5, Ayu 3:11-16, 10:18-19.. 3Ge ne gwan waɗe nama ne kwaɗa uwale, a naa ge gale ne tó ya dunya zi to ma. Ago a be kwar kaŋ ge sone ge ne ke ne suwar pal ma to.
Laar mam temel kerra zi
4Mbi kwa go, honna ge naa ne hon ta ke temel, ne zam zḛ pe, a ke na da ne laar mam ndwara waɗe bama kaam pe baŋ. No uwale, a a̰me pe ne to, a yan saam pe ne baŋ.
5Ndu ge dale kage na tok katɗa, ka hun tene ne kyamal.
6Golgo ndu hon tene ɗigliya nde temel kerra ge na ne ma zi, ge sot tene temel ta kerra gandal be ge ɓol hamba ne na zi.
Haŋle ge katɗa hini ɗu ne
7Uwale, mbi kwa kaŋ ge ne mbya a̰me pe to suwar pal. 8Ndi ndu a̰me hini ɗu kikit, ndu ge azi ne na ziyar go to, na vya, ko ná vya to. Á tene temel ta kerra be ge ɓol ɗigliya, go no puy ɗe, kaŋ ɓolla mbyat na to. Ga gwan ele tene go: «Mbi á tene ke temel mbe go da ne wuɗi pe ɗaa? Mbi ban tene be ge ɓol tuli da ne wuɗi pe ɗaa?» No iya uwale, a a̰me pe ne to, a kaŋ kerra ge sone ne.
9Naa azi golgo waɗe ndu ge ɗu kikit, ago a ɓol kaŋ gḛ temel kerra ge bama ne zi. 10Swaga ge ndu ge ɗu ne det, na kon da ne pool wan na tok digi. woo! Ne ndu ge hini ɗu kikit pe, kadɗa detɗa se, a wuɗi wan na tok digi ne ɗaa? 11Uwale, kadɗa naa azi a fi dagre, a wan ta ṵwa̰sal, amma ndu ge ne fi hini ɗu, na sḛ wan ṵwa̰sal ma gyana ɗaa? 12Kadɗa ndu ge ho̰l waɗe ya ndu ge ɗu pal, naa azi a da ne pool mḛ́ piliya ne na. Uwale, táál dwageya ataa syat avun cap to.
Gan ge dale muluk pe ɗur se to
13Ndu jyale ge a̰se, ge zwama, a golgo waɗe gan ge sabar ge dale, ge ne za̰ yuwaleya to. 14Ko na ka go vya jyale mbe ndage da ne daŋgay zi ya mbo ya kat gan no, ko na tó a̰se na muluk zi, 15mbi kwa go, naa ge ne suwar pal ma pet a gwan na pe go, ge bage ne ame bage ne ka zaŋgal byalam pe go. 16Naa ge na sḛ ne ka gan nama pal mbe ma pet, a mbo mḛ́ na pe go to. Doŋ pe ge hṵsi ma puy, a mbo za̰ tuli ne na to bat. No uwale a a̰me pe ne to, a yan saam pe ne baŋ.
Há tene ke wak tuli to
17Swaga ge mo ne mbo zok ge Dok ne zi, ke haŋgal, wá zi da ne za̰ya pe, ge mo mbo tyare tuwaleya dimma ne naa ge dale ma go, ago a kwa go bama ke sone to.
Tans Gekies:
Bage oy fare 4: FGN2013
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
La Bible en langue Kim © Alliance Biblique du Tchad, 2013.