PSALMS 125
125
Israel se beskerming.
1 'n BEDEVAARTSLIED.
Die wat op die Here vertrou, is soos die berg Sion wat nie wankel nie, maar bly tot in ewigheid.
2Rondom Jerusalem is berge; so is die Here rondom sy volk van nou af tot in ewigheid.
3Want die septer van goddeloosheid sal nie rus op die erfdeel van die regverdiges nie, sodat die regverdiges hulle hande nie sal uitsteek na onreg nie.
4 Here, doen goed aan die goeies en aan die wat opreg is in hulle harte.
5Maar die wat langs krom paaie wegdraai, sal die Here laat vergaan saam met die werkers van ongeregtigheid. Vrede oor Israel!
Tans Gekies:
PSALMS 125: AFR53
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Bybelgenootskap van Suid-Afrika 1933, 1953. Gebruik met toestemming. Alle regte voorbehou.