Blasi Sturka 5
5
Adam kiamka nani ba
(1 Kr 1.1-4)
1Naha sika Adam kiamka nani wauhkataya ba. Baha yua Gâd upla ba paskan bara ai lilka ba kat paskan; 2waitna bara mairin paskan.#Mt 19.4; Mk 10.6. Witin nani ra yamni munan,#Bla St 1.27-28. paskan ba yua wina. Witin nani ba upla mâkan.
3Bara Adam mani 130 alkan ba ra, ai luhpia waitna kum baikan, witin wal ai talia pali, ai lilka talia kat, bara nina ba Set mâkan. 4Bara Adam, Set baikan ba ningkara witin kau ban raya kan mani 800 kat. Ai luhpia waitna bara mairin nani sin brin. 5Bara Adam ai rayaka yua nani sut tasba ra raya iwan ba mani 930. Baha ningkara pruan.
6Set 105 mani alkan, bara ai luhpia Enós brin. 7Bara Set, Enós brin ba ningkara, 807 mani alkan. Bara ai luhpia waitna bara mairin nani sin baikan. 8Bara Set ai rayaka yua nani sut ba 912 mani tasba ra raya iwan. Baha ningkara pruan.
9Enós mani 90 alkan ba ra ai luhpia Cainán baikan. 10Bara Enós Cainán brin ba ningkara, mani 815 alkan bara ai luhpia waitna bara mairin nani sin baikan. 11Bamna Enós ai rayaka yua sut pali tasba ra iwan ba 905 mani. Baha ningkara pruan.
12Cainán 70 mani alkan ba ra ningkara, ai luhpia Mahalalel brin. 13Bara Cainán ba Mahalalel baikan ba ningkara, 840 mani alkan bara ai luhpia waitna nani bara mairin nani baikan. 14Bara Cainán ai rayaka yua nani sut tasba ra raya iwan ba 910 mani. Baha ningkara pruan.
15Mahalalel ai rayaka yua nani 65 mani alkan ba ra, ai luhpia Jéred brin. 16Bara Mahalalel, Jéred baikan ba ningkara, 830 mani alkan bara ai luhpia waitna bara ai luhpia mairin nani baikan. 17Bara Mahalalel ai rayaka yua nani sut tasba ra raya iwan ba 895 mani. Baha ningkara pruan.
18Jéred 162 mani alkan ba ra ai luhpia Henoc brin. 19Bara Jéred, Henoc baikan ba ningkara 800 mani alkan bara ai luhpia waitna bara ai luhpia mairin nani kau ailal baikan. 20Bara Jéred ai rayaka yua nani sut tasba ra iwan ba 962 mani alkan. Baha ningkara pruan.
21Henoc ai rayaka yua nani ba 65 mani alkan ba ra ai luhpia Matusalén baikan. 22Bara Henoc Gâd wal wapan, Matusalén baikan ba ningkara 300 mani alkan ba ra ai luhpia waitna nani bara ai luhpia mairin nani baikan. 23Bara Henoc ai rayaka yua nani sut tasba ra iwan ba 365 mani. 24Henoc#Hib 11.5; Jud 14. Gâd wal wapan bara witin tauki kan ba wina yu kum ban lap tiwan, kan Gâd mita witin ba brih wan bamna.
25Bara Matusalén ai rayaka yua nani 187 mani alkan ba ra, ai luhpia Lámec brin. 26Matusalén Lámec baikan ba ningkara ai rayaka yua nani ba 782 mani iwan. Baha ningkara ai luhpia waitna bara mairin nani sin baikan. 27Matusalén ai rayaka yua nani sut tasba ra iwan ba 969 mani. Baha ningkara pruan.
28Lámec ai rayaka yua nani 182 mani alkan, bara ai luhpia waitna kum baikan; 29bara ai nina ba Noa#5.29 Hibru ra Noa. Baha bîla tânka ba ris Hibru aisi ba binka talia sa. mâkan, bara win: “Kan Dawan mita tasba ba lahtuban bara wan mihta warkka karna nani yawan takbia mangki sakaia dukiara; sakuna naha tuktika baha pâtka wina pri wan sâkbia.” 30Bara Lámec ai rayaka yua nani iwan ba, Noa baikan ba ningkara, 595 mani alkan, baha ningkara ai luhpia waitna bara mairin nani baikan. 31Bara Lámec ai rayaka yua nani sut tasba ra raya iwan ba 777 mani alkan. Baha ningkara pruan.
32Bara Noa 500 mani alkan ba ra witin Sem, Cam, Jafet baikan.
Tans Gekies:
Blasi Sturka 5: MSKTU
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2010 Bible Society in Nicaragua