युहन्ना युहन्नान बारामां
युहन्नान बारामां
युहन्नान अनसारे खुस-खबर नवला नेम मां चार किताप मां सी एक छे, जु ईसु मसीन जीवनेन बारामां देखाड़े। तींद्रे मां सी एकेक काजे “खुस-खबर” कह्वे। तेरो मतलब छे “वारलु खबर।” चे मत्ती, मरकुस, लुकु, ने युहन्नान साहरे ईसुन मरनेन पछे लिखली छे। युहन्ना अनसारे खुस-खबर आड़े-धड़ेन नेवताळा युहन्नान साहरे ईसुन पयदा हवणेन लग-भग नब्बे साल पछेन लिखला, चाहे ची किताप जी नी कह्वे, की युहन्नु लिखणे वाळु छे, लिखणेन ढंग पेहला युहन्ना दीसरा युहन्ना ने तीसरा युहन्नान आक्सरेन तसा छे, थुड़ाक डाहा-बुड़ा युहन्ना काजे तीनी टेमे ईफीसुस सहर मां रवे, हेरेसी कवतेला की जी किताप ईफीसुस सहर मां लिखी गुयली।
युहन्ना साप रुप सी बताड़े की ईनी कितापेन मतलब माणसे काजे भुरसु करने मां मदत करनु छे, की ईसुत मसी छे, जीवतेला भगवानेन पुर्यु 20:31 असु भुरसु करीन आपणु हेरा नाव पर जीवन जी असकु। किताप यहुदी ने नी-यहुदी आखा वाटे लिखली छे। युहन्नान खुस-खबर थुड़ाक मायनो मे दीसरी तीन खुस-खबर मां सी बेसकी आंगे छे। हयु हीनु मटा-मटा काम पर धीयान लागाड़्यु, जु ईसु करलु ने आपणा दाखलान बारामां अदुस नी लिख्यु, ईसुन बपतीस्मा ने उजाड़ मां लालुचेन तसा दीसरा मटला काम काजे बी नी लिख्यु।
बाहरती वात
1. युहन्नान खुस-खबर चालु करे। 1:1-18
2. अळतेन चु तीनुक बेसका मटा कामेन बारामां जु लिखे चु ईसु कर्यु। 1:19—12:50
3. तेरे पछेन चु ईसुन जीवनेन बेसका कामेन बारामां देखाड़े जु तेरे मरनेन ने पछु जीव उठणेन वाटे अगवाय करे। 13:1—20:31
4. युहन्नान खुस-खबर खाजे खत्तम करनेन बारामां बताड़े, तेरेमां सी एकेक पछे ईसु माणसे काजे देखाव पड़नेन पछे चु मरला मां सी जीव उठे ने अळी किताप लिखणेन आपणो मतलब बताड़्यु। 21
Tans Gekies:
युहन्ना युहन्नान बारामां: NTBSP23
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The New Testament in Bhilali Language ©The Word for the World International and Bhilali Bhasha Samiti, Warvani, (M.P.) 2023.