Sechareia 12
12
1 Jerusalem yn ffiol gwsg a dychryn iddi ei hun, 3 ac yn faen trwm i’w gwrthwynebwyr. 6 Buddugol adferiad Jwda. 9 Edifeirwch Jerusalem.
1Baich gair yr Arglwydd i Israel, medd yr Arglwydd, #Esa 42:5yr hwn sydd yn estyn allan y nefoedd, ac yn sylfaenu y ddaear, ac #Num 16:22; Preg 12:7yn llunio ysbryd dyn ynddo. 2Wele fi yn gwneuthur Jerwsalem #Esa 51:17, 22yn ffiol #12:2 Neu, grynfa, neu, gwenwyn.gwsg i’r bobloedd oll o amgylch, #12:2 Neu, ac yn erbyn Jwda hefyd y bydd yr hwn a warchae yn erbyn Jerusalem, neu, y bydd wrth warchae yn erbyn, &cpan fyddont yn y gwarchae yn erbyn Jwda, ac yn erbyn Jerwsalem.
3A bydd y dwthwn hwnnw i mi wneuthur Jerwsalem #Mat 21:44yn faen trwm i’r holl bobloedd: pawb a ymlwytho ag ef, yn ddiau a rwygir, er ymgasglu o holl genhedloedd y ddaear yn ei erbyn ef. 4Y diwrnod hwnnw, medd yr Arglwydd, #Salm 76:6y trawaf bob march â syndra, a’i farchog ag ynfydrwydd; ac agoraf fy llygaid ar dŷ Jwda, a thrawaf holl feirch y bobl â dallineb. 5A thywysogion Jwda a ddywedant yn eu calon, #12:5 Neu, Nerth fydd i mi ac i breswylwyr, &cNerth i mi fydd preswylwyr Jerwsalem yn Arglwydd y lluoedd eu Duw hwynt.
6Y dydd hwnnw y gwnaf dywysogion Jwda #Obad 18fel aelwyd o dân yn y coed, ac fel ffagl dân mewn ysgub o wellt; ac ysant ar y llaw ddeau ac ar yr aswy, yr holl bobloedd o amgylch: a Jerwsalem a gyfanheddir drachefn yn ei lle ei hun, yn Jerwsalem. 7Yr Arglwydd a geidw bebyll Jwda yn gyntaf, megis nad ymfawrygo gogoniant tŷ Dafydd, a gogoniant preswylwyr Jerwsalem, yn erbyn Jwda. 8Y dydd hwnnw yr amddiffyn yr Arglwydd breswylwyr Jerwsalem: a #Joel 3:10bydd y #12:8 Heb. cwympedig.llesgaf ohonynt y dydd hwnnw fel Dafydd; a thŷ Dafydd fydd fel Duw, fel angel yr Arglwydd o’u blaen hwynt.
9Y dydd hwnnw y bydd i mi geisio difetha yr holl genhedloedd y sydd yn dyfod yn erbyn Jerwsalem. 10A #Joel 2:28thywalltaf ar dŷ Dafydd, ac ar breswylwyr Jerwsalem, ysbryd gras a gweddïau; a #Ioan 19:34, 37; Dat 1:7hwy a edrychant arnaf fi yr hwn a wanasant; #Jer 6:26; Amos 8:10galarant hefyd amdano fel un yn galaru am ei unig‐anedig, #12:10 Heb. a chwerw fyddant.ac ymofidiant amdano ef megis un yn gofidio am ei gyntaf‐anedig. 11Y dwthwn hwnnw y bydd #Act 2:37galar mawr yn Jerwsalem, #2 Bren 23:29; 2 Cron 35:24megis galar Hadadrimmon yn nyffryn Megidon. 12A’r wlad a alara, #12:12 Heb. yn deuluoedd, yn deuluoedd.pob teulu wrtho ei hun; teulu tŷ Dafydd wrtho ei hun, a’u gwragedd wrthynt eu hunain; teulu tŷ Nathan wrtho ei hunan, a’u gwragedd wrthynt eu hunain; 13Teulu tŷ Lefi wrtho ei hunan, a’u gwragedd wrthynt eu hunain; teulu tŷ #12:13 Neu, Simeon, yn ôl y LXX.Simei wrtho ei hunan, a’u gwragedd wrthynt eu hunain; 14Yr holl deuluoedd eraill, pob teulu wrtho ei hun, a’u gwragedd wrthynt eu hunain.
Tans Gekies:
Sechareia 12: BWM1955C
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society