Psalm Late 87
87
Jerusalem Khua Pokna
1Mual thiangtho tungah Topa in ama ii khuapi saat hi;
2Ama in Israel ngam sung
mun dang theampo sangin Jerusalem khuapi it zaw hi.
3Pathian khuapi awng,
nang huvau a lamdang ama ii sonte ngai in:
4“Kei thu hong ni minam tuatuamte tepteena lai ka vawt ciangin
Egypt le Babylon ka hel tu hi;
Philistia, Tyre le Ethiopia te sia
Jerusalem ah a teangte tepteena lai sungah ka khum tu hi,” ci hi.
5Zion taw kisai in,
hi minam theampo sia
ama ii neisa hi a,
Vaanglianbelpa in
ama sia a tha khosak tu hi,
kici tu hi.
6 Topa in mihing phaza tepteena lai vawt tu a,
tua mite theampo sia Jerusalem khua mite suaksak tu hi.
7Amate laam in lasa uh a,
“Thupha ka saan uh theampo ii naak sia Zion ah om hi” ci uh hi.
Tans Gekies:
Psalm Late 87: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016