Psalm Late 57
57
Hu Natu Thungetna #1 Sa 22:1; 24:3
1Kei hong hesuak ta'n,
Pathian awng,
kei hong hesuak ta'n,
banghang ziam cile
ngammuanna nga natu in
nang kong zuan hi.
A nasia mama vuipi suangvalte a thim dong
na thakhui ii limh nuai ah kidalna ka nga hi.
2Saangbel Pathian,
ka kisapna theampo
hong pia Pathian ka biakpui hi.
3Ama in vantung panin hong zo tu a hong hun tu hi;
kei hong zothawte ama in zothal tu hi.
Pathian in a itna kip
le a thumaanna kei hong lak tu hi.
4Ngalte in kei hong kiim uum a,
amate sia mihing sa a du tawpite bang ahi uh hi.
Amate ii hatangte sia tei bang
thaltang bang ahi uh hi;
amate ii leeite sia a hiam
namsau bang ahi uh hi.
5Van ah na letna lak in
Pathian awng,
leitung theampo ah na minthanna lak in.
6Ka ngalte in kei hong mat natu in ngeen khat phalh hi;
thinngimna taw ka kidim hi.
Amate in ka lampi ah vuum khat to uh a,
ahihang amate ma tua ii sungah taaksuk uh hi.
7Pathian awng, muanna kicing ka nei hi;
la ka sa tu a, nang kong pok tu hi!
8Ka thaa awng, khanglo in!
Ka tengtongh le ka liamlo awng, hong khanglo tavun.
Tung sunni ka phong tu hi.
9Topa awng, minam tuatuamte sungah,
lungdam kong ko tu hi.
mihingte sungah nang kong pok tu hi.
10Na itna kip in vantungte ban hi;
na thumaanna in van dong pha hi.
11Na letna van ah lak in,
Pathian awng,
na minthanna
leitung theampo ah lak in.
Tans Gekies:
Psalm Late 57: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016