Psalm Late 53
53
Mihingte Seksol Khansiatna
(Psalm Late 14)
1Mihing mawmawte in,
“Pathian om bo!” ci uh hi.
Amate theampo siatna khaatna taw kidim siat a,
a cizathuai nate seam zo uh hi;
a maan a seam kuama a om bua hi.#Rom 3:10-12
2Mihing khat po a ciim a om ziam, ama a bia khat po a om ziam ci in,
Topa in vantung panin mihingte ensuk hi.
3Ahihang amate lampial siat zo uh hi;
amate a kibangin sia siat hi.
A maan a ngamta khat zongh om ngawl,
khat beak zongh om ngawl hi.
4“Ama te in he ngawl ziam?” Topa in dongh hi.
“Hi a tatsiate in heakna nei ngawl ziam?
Amate in ka mite neisa sutolna taw nungta a,
kei tungah thu hong ngen ngeingawl hi.”
5Ahihang amate in nidangin
a thuak ngeingawl uh launa nasia thuak tu uh hi,
banghang ziam cile Pathian in
a mite ii ngalte ii ngute sia thethaang tu hi.
Pathian in amate nial zo ahikom,
Israel in amate zothal siat tu hi.
6Zion panin Israel te ii zawna hong pai natu in
bangza in thungen khi ziam.
Topa in Israel te a khantosak kik hun ciang
bangza in amate lungdam tu ziam!
Tans Gekies:
Psalm Late 53: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016