Psalm Late 48
48
Pathian Khuapi Zion
1 Topa sia lian a, ih Pathian khuapi sung le
a mual thiangtho tungah nasia takin pok tu ahi hi.
2Zion, Pathian mual sia, saangin hoi hi;
kumpilianpa khuapi in leitung theampo lungdamna hong puak hi. #Mt 5:35
3Pathian in a khuapi kulhte sungah
ngammuanna om hi ci in lak hi.
4Kumpite kikhawmtua in
Zion Mual sim tu in hong kuan uh hi.
5Ahihang tuasia a mu uh ciangin lamdang sa hi;
amate lau in taikeak uh hi.
6Tua munah amate sia launa le thinngimna taw
nausuak tu a tun numei khat bang hi a,
7lauhuai vuipi suangval sungah a kilok
teambawte taw kibang hi.
8Pathian vawt sa le sep sate ih zaaksa hi a,
tu in Vaanglianbel Topa
ih Pathian khuapi sungah tuate ih mu zo hi;
ama in tua khuapi sia
a tawntungin keamcing tu hi.
9Pathian awng,
na Biakinnpi sungah,
nong itna kip ka ngaisun uh hi.
10Mun theampo ah nang hong kipok a,
leitung theampo ah na minthanna kizel hi.
Thutang khenna taw nangma in na uk hi;
11Zion mihingte lungdam tahen!
Nangma in a maan thukhennate na pia hi;
Judah khuapite sungah lungdamna om tahen!
12Pathian mite awng, Zion kiimkot ah pai vun a,
ngalvilna tausaangte a phakza sim vun;
13khang kikte tungah na son thei natu in
luphungte le kulhpite ciamtee in, veal vun a, hi bangin ci vun:
14“Hi Pathian in a tawntung a tawntung atu
eite Pathian ahi hi;
hong pai lai tu hunte theampo sungah ama in eite lam hong pui tu hi.”
Tans Gekies:
Psalm Late 48: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016
