Isaiah 6
6
Pathian in Kamsaang khat tu in Isaiah Sam
1Uzziah Kumpipa ii thi kumin, Topa ka mu hi. Ama sia a kisaangkhai kumpi tokhum tungah to a, a puantual sia Biakinnpi bup dim hi. #2 Kum 15:7; 2 Khang 26:23 2Ama kiimkot ah a ding, meikuang bang ahi Seraphim vantung mite khat simin tha luk tek nei hi. Tha nii taw a mai tek uh, tha nii taw a pumpi tek uh tuam a, a tha dangte nii tek taw leang uh hi. 3Amate khat le khat ki oksan in:
“Thiangtho, thiangtho, thiangtho!
Vaanglianbelpa Topa sia thiangtho hi!
Ama ii minthanna in leitung zel hi,” ci in au uh hi. #Tpl 4:8
4Amate awnging in Biakinnpi tawdappha liingsak a, tuaciang Biakinnpi mama meikhu taw kidim hi. #Tpl 15:8
5Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.
6Tuasia ciang Seraphim vantunglalangte khat sia biaknatau pan taitee taw a laak meikam khat dep a, toai in ka kungah hong leang suk hi. 7Ama in meikam taw ka muk hong bitsak a, “Hisia in na muk hong bi zo hi, tu in na mawna bo siat zo a, na mawna teng kimaisak zo hi,” hong ci hi.
8Tuaciang Topa in, “Akua sawl tu khi ziam? Akua in eite kamtai hi tu ziam a ci ka za hi. “Keima pai tu khi hi! Hong sawl ta'n!” ci in keima in ka zo hi.
9Tuaciang ama in nangma va pai ta'n a, hi thu mihingte tungah son ta'n ci in hong sawl hi: “Bang zata na ngai uh zong, na tel thei buatu uh hi. Bang zata na en uh zong bang piang cisia na he buatu uh hi”. 10Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi. #Mt 13:14-15; Mk 4:12; Lk 8:10; Jn 12:40; Sawl 28:26-27
11Keima in, “Topa awng, hi bang ahi tu sia bang tanvei ngei tu ziam?” ci in ka dongh hi.
Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi. 12Keima in mihingte a khuala na ah puakin a ngam bup ka ngamkhing didesak tu hi. 13A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)
Tans Gekies:
Isaiah 6: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016