Isaiah 13
13
Pathian in Babylon Daan pia tu
1Hisia sia Babylon taw kisai, Amoz ii tapa Isaiah ii Pathian tung pan a nga thupuak khat ahi hi. #Is 47:1-15; Jer 50:1—51:64
2Mual kolh khat tungah ngal simna laandial khaito vun! A kiphasak khuapi kongpite a sim natu limlakna in na ngalkapte oksan in a, na khut laamto in. 3Topa in a thiangtho ngal khat sim tu le ama a thin a uuksakte daan pia tu in, a kiphasak le a muanhuai a ngalkapte sam zo hi.
4Mualtung ngamlumna — mihonpite aw, a kikhawm tua minamte le kumpi ngamte ii ngamlumna awte ngai vun. Ngalkaphonpite ii Topa in a ngalkapte ngalsim tu in kithoaisak hi. 5Amate sia leimong ah a om ngam khualate pan hong pai uh hi. Topa sia a thin uukna taw ngam bup lalthamsak tu in hong pai hi.
6Na sa in kap keak vun! Vaanglianbelpa ii sukcip tu ni, Topa ni, hong nai hi. #Jol 1:15 7Mihing theampo ii khutte zaw vanek tu a, a thinhanna uh kiam tu hi. 8Amate a vekpi in launa le nasak mamana thuak tu uh a, numei nausuak tun bangin na sa tu hi. Amate khat le khat launa taw ki en tu a, maizum in a mai uh san tu hi. 9Topa ni — a kiitakhuai, a thin uuk, a thinso vilvel, ni ngilo ni hong theng tu hi. Leitung sia dui kisuaksakin, mawnei theampo kilalcipsak siat tu hi. 10Aksi theampo le aksi honpite taang nawn ngawlin, ni a sua ciang mial tu a, tha zongh taang ngawl tu hi. #Eze 32:7; Mt 24:29; Mk 13:24-25; Lk 21:25; Tpl 6:12-13; 8:12
11 Topa in, “Leitung ah ngimna siatna ka thengsak tu a, mi seksolte theampo a mawnate hu in daan ka pia tu hi. A kiphasak theampo ka niamsak tu a, a kisathei theampo le a ngilote theampo daan ka pia tu hi. 12A nungta sunte khamh sangin ka tawmsak zaw tu hi. 13Vaanglianbelpa Topa keima in, ka thin uukna ka lak ni in, vantungte ka liingsak tu a, leitung sia ama omna pan kithingkeak tu hi.
14“Babylon ah a teang ngamdangmite sia savaite kung pan a suakta sangai bang le a cing om ngawl tuute bangin amate ngam tek ah tai in kithethaang tu uh hi. 15Mat a thuak pawpo kihollum tu hi. 16A nausente kivellupsak tu a, a innte kiphuul in, a zite a kibuansak tu sia cimaw in en thong tu uh hi,” ci hi.
17 Topa in, “Babylon sim tu in Medeste ka hol tu hi. Amate in ngunn sia bangma thusim ngawlin, khamh zongh awlmawk ngawl uh hi. 18Amate in a thal le a thaltangte taw tangvalte thatlum tu uh hi. Amate in nausente hesuak ngawlin, patangte khuangai huai sa ngawl tu uh hi. 19Babylon sia kumpi ngam theampo sung pan a et hoibel hi a; tuasia in a mite kiphatsakna ahi hi. Ahihang Topa ahi, keima in, Sodom le Gomorrah ka vawt bangin Babylon ka lawnthal tu hi! #Pian 19:24 20Tua munah kuama teang kik ngei nawn ngawl tu hi. A vak kawkoai Arab mite, kuama in tua munah puanbuk phut ngei nawn ngawl tu a, tuucingpa in tua munah a tuu honte tha ngeingawl tu hi. 21Tua mun sia sennealngam ngamsate teenna le simbute bu tomna mun hi tu hi. Tua munah kalaoh vacimte teangin, sathakte a sia a lalte sungah kinuntaw tu uh hi. #Is 34:14; Zep 2:14; Tpl 18:2 22Tausaangte le kumpi innte sungah ngam ui le ngiate auna aw hawl tu hi. Babylon khuapi a siat tu hun theng zo hi! A nite cing dektak zo hi,” ci hi.
Tans Gekies:
Isaiah 13: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016