Ọdọvịdị 17
17
Ori ọnị Imika nyị
1Ịnị ụmẹ ọnya da aa nyị ọnọrụ ọnya aanị. Anẹkụra ataba ịnị ẹtẹ Ehwireemi ọ vị nị. Ịrẹha anị ọ rị Imika nị. 2Ẹkụhị ọnya Imika ọ kà a yị ọnyị anị ka ẹkẹhị ọnyị anị ọnị ọ ka ọza ộ sị ịhị ọnọọ ana vị achuchu ẹẹhị rẹjịjị, ọnị ọnyị anị hu agụvị anị ee chi hi ọza ana sị ọ ịhị ọnọọ, ẹkẹhị ọnọọ ọ ya rị ọ nị. Ọ kà ọnị ọ sị ọ nị. Dị ọnyị anị ka Ẹnẹyịmavara ọ navọ o zee yị wụ. 3Ịjọnọọ dị Imika sị achuchu ẹẹhị rẹjịjị ọnọọ varẹma yị ọnyị anị nị, dị ọnyị anị ka ẹkẹhị ọnọọ ọnị ọ sị yị Ẹnẹyịmavara. Dị ọ ka ọnị o si ka ozi anị ọ sị ẹkẹhị ọnọọ ne tu ọnyọọnọkụmị. 4Ịjị ọ raa sị ẹkẹhị ọnọọ yị ọnyị anị dị ọnyị anị sị achuchu ọnya dị ọ sị yị anịngẹrẹ ka osi tu ọnyanọkụmị nị. Ịjị a sị ori ọnọọ tu, dị ẹ sị ọ tụ ịnị irehi Imika nị. 5Dị Imika jị ịrẹba yị ori ọnọọ dị ọ nyị ịharamịra dị ọ rẹ nyị ori nị, ọ sị ozi anị ọnya mẹ ọnụtụ ori. 6#Ọdọ 21.25Ịnị ụmẹ ọnọọ ẹ yị nyị ohinọyị ịnị ẹkụra Isirẹrị ọzọza va naa mẹ̀ ịsa ọnị o ro ka ọ gẹẹ ịnị eyi anị. 7Â nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị. 8Ọọ kụ̀rà hụrẹ ẹkụra ka ọnị o ne si aha ọsa dị ọnị ọ na ra ịnị anị. Ọ mẹ va tụra oze aa na dị o ne tu irehi Imika ịnị ẹkụra ataba ịnị ẹtẹ Ehwireemi nị. 9Dị Imika ka họ̀ ọ use ka anị ịzị ọ vị nị, ó ọ ohi ka anị Ireevi ẹkụra Ịbẹtịrẹhẹmị ịnị ẹtẹ Ijuda ọnị vị nị dị ọnị ee si aha nị. 10Ịjọnọọ dị Imika kà a yị ọ ka ọ ra pe ọnị dị ọ vị ada ọnịrị ọnụtụ ori yị ọnị, Imika o wo oto ka ọnị vaa sị ẹkẹhị ụrata ịsẹkẹrị ẹẹwụ yị ọ ịnị ịrayị ọnya, ọka ọnị va kụ achịị yọ, dị ọnị nyị ịsa ọyị rị anị. 11Ịzẹyịza Anireevi ọnọọ ọ dọ ka ọnị ọ ra pee Imika. Dị ozwọọmụha ọnọọ sị mẹẹ anka ọnya anị avọọ nị. 12Ịjọnọọ dị Imika nyị ezi Anireevi ọnọọ jẹẹ anka ọnụtụ ori nị, dị ọ ra ịnị irehi anị nị. 13Imika o hi ụhwẹ za ẹtẹ dị ọ ka booro anị ma yẹ ka Ẹnẹyịmavara vaa mẹ ọyịzaa ka mi vẹ mmẹ ra sị Anireevi mẹ ọnụtụ yị ẹmị rị ori aanị.
Tans Gekies:
Ọdọvịdị 17: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.