Ọdọvịdị 13
13
A mẹmẹ ma Ịsamịsịnị
1Â nyị ụmẹ ọnya aanị ọnị Anisirẹrị nịnị re nyima aa mẹ̀ ịsa edivi ọvịdị Ẹnẹyịmavara; avọọ dị Ẹnẹyịmavara hụrẹ wa ụvọ yị Anihwirisiti nịnị ka ẹ sị ụya rị wa ịrayị ẹbẹẹva nị. 2Ụmẹ ọnọọ, â nyị ọnọrụ ọnya aanị ana vị Anizora. Ịrẹha aanị ọ rị Imanowa nị, dị ahịka ịrẹsụ Ịdaanị ọ chị hụrẹ nị. Ose anị ọnọọ ẹ yị ma ozi agụvị ka ọbọrị ọ vị nị. 3Ẹkụhị ọnya dị ọnụtụ Ẹnẹyịmavara ọnya sị ẹngụ anị va zụ ọ, dị ọ kà yọ ka, vịdị vẹ ọbọrị ọ vị, dị ọ yị ma ozi nị. Ama o vee zyẹẹ, dị ọ ma ozi ọnọrụ. 4Dị ọ kà o teyi ẹtẹ dị asị o hu eche, dị ọ hyakụ va vị eche ọkatẹngụ ana zụ hụra mẹrị ọza, dị asị ọ rẹ rị ịsa enyisi ọnyọọnyị. 5#Ịrị 6.1-5Ọnụtụ ọnọọ ka, ọ vee zyẹẹ dị ọ ma ozi ọnọrụ. Ọ̀ọ sị ozi ọnọọ ma, asị ọ kwọ ịrẹsụ vụrụ-vụrụ agụvị ka ozi ọnọọ vị ozi ana va sị tụ irenyi yị Ohomorihi hụrị ụmẹ ana a sị ma a. Ozi ọnọọ ọ vaa dọ Anisirẹrị nịnị ha hụụnị ụvọ Anihwirisiti nịnị nị. 6Dị ọnẹẹ ọnọọ na kà a yị ọva anị nị. Ọ kà â nyị ọza Ohomorihi ọnyara aanị ana sị mẹ anka anggẹẹrị ene ve tu ọnị. Ọ nyayịnẹ e chire ọza angwa nị. Ama ọnị ọ yị họ̀ ọ ịzị ọ hụrẹ vẹ, ẹ yị rẹ ka yị ọnị ịrẹha anị rị. 7Ọ kà anggẹẹrị ọnọọ ộ ka ẹ yị ọnị ka ọnị ọ sị ụtọ pe ịrẹyị anị. Dị ọ ka ọnị ve zyẹẹ, dị ọnị ma ozi ọnọrụ ọnyara. Ọọ rẹ kà a yị ọnị ka asị ọnị nyayịnẹ hu eche a vị ịsa ọnyọọnyị anaā mẹrị ọza, dị asị ọnị rẹ rị ịsa enyisi ọnyọọnyị agụvị ka ozi ọnọọ vị ana vaa sịị tụ irenyi yị Ohomorihi hụrẹ ụmẹ ana a sị ma a pooro dị o su. 8Ịjị Imanowa maanị wụ́, dị ọ mẹ̀ aduwa hị́ Ẹnẹyịmavara kà ọ navọ dị anggẹẹrị anị ọnị ọ vịdị tụ vẹ ọ varẹma vẹ, dị ọ va sị zụ ẹnị ịsa vọrọ ka ẹnị ẹ mẹ àa sị ozi ọnọọ ma. 9Ịzẹyịza, dị Ohomorihi wụ́ aduwa Imanowa nị. Dị anggẹẹrị Ohomorihi ọnọọ varẹma ve tu ọnẹẹ ọnọọ nị. Ụmẹ avọọ vị ọnị ọ yaayịtẹ ịnị aarẹ. Imanowa ọva anị ẹ yị ya ịzọọ pe e. 10Dị ọnẹẹ ọnọọ zwe echeechi na ka ẹ yị ọva anị nị. Dị ọ ka ẹ yị ọ ka, ve re, ọnọrụ ịhị ọnọọ ana sị ẹngụ zụ ọnị ọnị aa ka avọọ, ọ rẹ ve tu ọnị booro aanị. 11Dị Imanowa kwẹẹtẹ dị ọ saasa ose anị nị. Ịjị ẹ ve sị tu ọnọrụ ọnọọ, dị Imanowa họ̀ ọ use ka, ọnị ọ́ọ́ vị ọnọrụ ene pe ose anị ka ịrẹyị nị? Dị ọnọrụ ọnọọ ka hịịn, ọnị yọ nị. 12Dị Imanowa ka, ẹhẹẹ, ịrẹyị anị ọ̀ọ va sị gẹẹ anka ọ mẹẹ ka a, sị ẹ ẹngụ ọdaa ana a vaa sịị pa ozi ọnọọ? Ụkọrọ ịsị ọ vaa mẹ? 13Dị anggẹẹrị Ẹnẹyịmavara ọnọọ kà a yị Imanowa ka, ọ navọ ose anị ọ na mẹ avaba ịsa ọnị ọnị vịdị raà ka yọ. 14Ọ kà, ose anị ọ na sị eyi pe avaba ịsa ọnị ọnị ra mẹ ọda anị yị ọ. A sị ọ rị ịsa ọnyọọnyị ana sị ẹtụtụ ọchị ịvayịnị mẹ. Dị a sị ọ re hu ịsa ọnyọọnyị anaa mẹrị ọza. A sị ọ rẹ rị ịsa ọnyọọnyị anaa dọ ọza ọtị. 15Imanowa ẹyị yẹ ka anggẹẹrị Ẹnẹyịmavara ọnọrụ ọnọọ vị nị. Dị Imanowa ka ẹ yị anggẹẹrị Ẹnẹyịmavara ọnọọ ka, aarịhịnị ọ jẹẹ chee, dị ẹnị ẹ wụ sẹ wụ ozi ẹvụ ọnyara dị ẹnị ẹ sị mẹ̀ ịsa yị ọ nị. 16Dị anggẹẹrị Ẹnẹyịmavara ọnọọ kà a yị Imanowa ka ẹẹ daka za ọnị jẹẹ, ọnị ẹyị vaa rị ịsa. Ama ọọ zee wa eyi ka ẹnị aa mẹ̀ ịsọvọ anaa rịra yị Ẹnẹyịmavara, ẹ na mẹ̀ ẹ. 17Dị Imanowa ka yị anggẹẹrị Ẹnẹyịmavara ọnọọ ka, ịrẹha anị rị, agụvị ka ịrẹyị ọnị ọ ka aanị ọ sị mẹ, ẹnị ve si ka ẹnị ẹ va kụ́ avọ. 18Dị anggẹẹrị Ẹnẹyịmavara ọnọọ ka, sị ẹ vẹ dị ẹ yaa họ̀ use ịrẹha anị booro aanị? Ọ kà ẹ yị nyị ọza ana zụ yẹ ẹ. 19Dị Imanowa sị ozi ẹvụ ọnịrị ịsọyịrị ẹnẹ ẹ ka ẹnị aa sị mẹ̀ ịsọvọ yị Ohomorihi nọ ịrẹsụ ịda ọnyara dị ẹ sị mẹ̀ ịsọvọ yị Ẹnẹyịmavara nị. Imanowa ọnịrị ose anị mee re dị a nyị ohyozirenu ana mẹ nị 20Ịjị ịra ịsa ịsọvọ ọnọọ a daa va hịrẹ, dị Imanowa ọnịrị ose anị vavọọ ee ree, kẹnẹ dị anggẹẹrị Ẹnẹyịmavara ọnọọ vana saasa ịra ọnọọ vahịrẹ nị. 21Anggẹẹrị Ẹnẹyịmavara ọnọọ ẹyị vana va sị ẹngụ zụ Imanowa ọnịrị ose anị. Dị Imanowa sị yẹ ọgọnị ka anggẹẹrị Ẹnẹyịmavara ọ vị nị. 22Dị Imanowa ka ẹ yị ose anị ka, ọ yẹ ka vị ẹnị ẹ ve su anị nị agụvị ka vị ẹnị sị Ohomorihi re anị nị. 23Dị ose anị ka, aa vị Ẹnẹyịmavara e si ka ọnị ọ wụ ẹnị nị, ẹyị yaanị dị ịsọvọ ana rịra ọnịrị ịsọyịrị ẹnị ẹnị mẹ. Ẹyị rẹ yaanị zẹ ẹ ka ẹnị e re avaba ịsa ẹnẹnị, dị ẹyị rẹ yaanị ka avaba ịsa ẹnẹẹ zụ ẹnị bẹẹ. 24Ịzẹyịza dị ọnẹẹ ọnọọ ma ozi ọnọrụ ọnyara nị. Dị ọ sị ịrẹha yị ọ ka ọnị ọ rị Ịsamịsịnị nị. Dị ozi ọnọọ aa hụ nị, dị Ẹnẹyịmavara mẹ ka ọọ zoza yị ọ nị. 25Ịjị Ịsamịsịnị ya udi Ịdaanị, ini akakana ịzị a hị́ Izora ọnịrị Ẹchịtaarị, dị Ẹnẹyịmavara sị ụkata yị ọ ana mẹ ka ọ hụra sị a nyị ịsa ọnị mẹ nị.
Tans Gekies:
Ọdọvịdị 13: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.