Ọda 27
27
Ịrẹyị Ohomorihi ana a chẹrẹ tụ ịnị ịrẹta
1Imosiisi ọnịrị azọkụ Anisirẹrị nịnị ệ hu ịragụ Anisirẹrị ana gụ ụvọ ka, ẹ̀ saasa avaba ọda ọnị ọnị aa ka yị wa aanị. 2#Ijos 8.30-32Ẹ̀ẹ sị jịnẹ Okuha Ịjọdanị na ngụ ẹtẹ ọnị Ẹnẹyịmavara Ohomorihi ẹnịnị aa sị yị wa, ẹ kụ ịrẹta ẹbanyị-ẹbanyị gụ, dị ẹ wụ ọ̀dà ọvwọọvụ ku wa, 3dị ẹ chẹrẹ avaba ọda ẹnẹnị hi ini anị. Ịjị wàa sị ngụ ịnị ẹtẹ ozoza ọnị Ẹnẹyịmavara Ohomorihi ohiku ẹnịnị wo oto anị yị wụ nịnị. 4Ịjị ụ wàa jịnẹ tụ akẹnẹ Okuha Ịjọdanị, nọ ịrẹsụ ataba Ẹba. Kụ ịrẹta ẹnẹnị gụ vabẹ ịzọọ, dị ẹ wụ ọda ọvwọọvụ ku wa anka ọnị mẹ̀ ọda anị yị wa ajịnị. 5#Kụra 20.25Ẹ́ sị ịrẹta da ụta yị Ẹnẹyịmavara Ohomorihi awụ nịnị; asị ụ sị ịrẹta ana a sị enyusẹ há jị ọ nịnị. 6Asị ụ sị ịrẹta ana há jị ụta ọnyọọnyị yị Ẹnẹyịmavara Ohomorihi awụ nịnị. Ịzọọ ụ vaa mẹ̀ ịsọvọ ana aā rị ịra, 7dị ụ mẹ̀ ịsọvọ, dị ụ rị ịsa ịsọvọ ẹvabẹ, di u wee hine ayị nịnị ọvịdị Ẹnẹyịmavara Ohomorihi awụ nịnị. 8Chẹrẹ avaba ịrẹyị ọda Ohomorihi ẹnẹẹ tụ ịrẹsụ ịrẹta teete, dị aza ẹ zụ re e. 9Imosiisi ọnịrị ohirẹsụ irehi Ohomorihi ana vị Anireevi, ệ kà a ka Anisirẹrị nịnị e batọ dị ẹ wụ́ ịrẹyị anị. Ọ kà, ajịnị ẹnịnị ẹ sị vara aza Ẹnẹyịmavara Ohomorihi ẹnịnị. 10Agụvị avọọ, ẹ wụ́ chire e, dị ẹ sị ụvọ za avaba ọda anị ọnị ọnị aa sị yị wa ajịnị.
Ozirenu ẹwụrẹva hi akamawụ
11Ịhyọnọọ, Imosiisi kà a yị Anisirẹrị ka, 12#Ọda 11.29; Ijos 8.33-35ẹ̀ẹ sị jịnẹ Okuha Ịjọdanị tụ akẹnẹ, ịrẹsụ ẹnẹnị ẹ jẹẹ ịrẹsụ ataba Igerizimi ịnị ụmẹ ana aa sị mẹ̀ aduwa yị aza. Ịrẹsụ ẹnẹẹ ẹ vị ịrẹsụ Isimiyọnị, Ireevi, Ijuda, Iisaka, Ijosẹẹhụ ọnịrị Ịbẹnjamịnị. 13Ịrẹsụ ẹnẹnị ẹ̀ vaa jẹẹ ịrẹsụ ataba Ẹba ịnị ụmẹ ọnị aa sị tụ ozirenu nị. Ịrẹsụ ẹnẹẹ ẹ vị ịrẹsụ Irubẹnị, Igadi, Aseri, Izeburuni, Ịdaanị ọnịrị Inahwitari. 14Anireevi nini vaa sị ọngwẹ tọ ọnya tụ ẹba ka ịrẹyị ẹnẹnị: 15#Kụra 20.4; 34.17; Ire 19.4; 26.1; Ọda 4.15-18; 5.8O yi vee ze yị ọza tụra ọza ana aa sị ịrẹta, ọchị, a vị enyusẹ mẹ ori anị, di e were-were hẹkẹ ẹ. Enyisi ori ọyị hẹkẹ vị yị Ẹnẹyịmavara. Dị avaba aza ọ̀ ha aamị! 16#Kụra 20.12; Ọda 5.16O yi vee ze yị ọza tụra ọza ẹnẹ ẹ yị sị ụbanyị ada anị ọnịrị ọnyị anị. Dị avaba aza ọ̀ ha aamị! 17#Ọda 19.14O yi vee ze yị ọza tụra ọza ana aa hu ahụ ọtẹhwị ẹtẹ ọnọhụva anị. Dị avaba aza ọ̀ ha aamị! 18#Ire 19.14O yi vee ze yị ọza tụra ọza ana a mẹ ogweyi ò nyeeyi oze. Dị avaba aza ọ̀ ha aamị! 19#Kụra 22.21; 23.9; Ire 19.33,34; Ọda 24.17,18O yi vee ze yị ọza tụra ọza ẹnẹ ẹ yị zẹ ka ọnị ọ sị ịsị vọrọ tụra azọga, ezi-oku ọnịrị esoku yị wa. Dị avaba aza ọ̀ ha aamị! 20#Ire 18.8; 20.11; Ọda 22.30O yi vee ze yị ọza tụra ọza ana mẹ ụnọ, dị ọ sị ose ada anị. Dị avaba aza ọ̀ ha aamị! 21#Kụra 22.19; Ire 18.23; 20.15O yi vee ze yị ọza tụra ọza ene pe uye sụ. Dị avaba aza ọ̀ ha aamị! 22#Ire 18.9; 20.17O yi vee ze yị ọza tụra ọza ana sị ọhụva ọnẹẹ, a vị adẹnyara anị ọnẹẹ. Dị avaba aza ọ̀ ha aamị! 23#Ire 18.17; 20.14O yi vee ze yị ọza tụra ọza ana sị ọnyị ose anị. Dị avaba aza ọ̀ ha aamị! 24O yi vee ze yị ọza tụra ọza ene were-were wụ̀ ọza. Dị avaba aza ọ̀ ha aamị! 25O yi vee ze yị ọza tụra ọza ana dọ ẹkẹhị, dị ọ wụ́ ọza ọnị ẹ yị nyị ịsa ọnị ọ mẹ̀. Dị avaba aza ọ̀ ha aamị! 26#Iga 3.10O yi vee ze yị ọza tụra ọza ẹnẹ ẹ yị mẹ avaba ịsị ọda Ohomorihi kà. Dị avaba aza ọ̀ ha aamị!
Tans Gekies:
Ọda 27: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.