นาฮูม 1
1
นินะเว ฒี่ง หฒุ ตี่ง ฒุ์ย
1น้าย เซ โต่ว ต้าย ก๊อง นินะเว ฒี่ง เญย หว่า. น้าย ป๊วน โซว ก๊อง เอนโขด เมี่ยน, นาฮูม, ตุ๊ ปวัด หล่าว ย่าง เญย สี่.#อิสะยา 10:5-34; 14:24-27; เสฟันยา 2:13-15
2 เฒี้ยว เซ แฑง เมี่ยน หย่า จ๊าว วิน เญย ทิน-ฮู่ง,
เฒี้ยว จ๊าว เซี่ยว หย่า เฉีย เจี์ย ไห่.
เฒี้ยว จ๊าว นิ่น เญย วิน-วั้ง เญย วิน,
หย่า หนิบ เจี๊ยน โน์ว ไห่ นิ่น เญย วิน-จา.
3 เฒี้ยว ไม้ เฉีย เจี์ย เซี้ยบ หย่า ม่าย ต้ม ชะ.
หาย เต้า ต่อง ฒุ์ย, เฒี้ยว ฒู้ง ไม้ กวั่ง วั้ว เต้า เญย ฒุ์ย.
เฒี้ยว เญย เจ๊า เยียม ต้ม หฑยาว-เจี๊ยะ เหธา ต้ม บยู่ง-หฑยาว,
บ๋วน โหฒว นิ่น เหฒา-เดี๊ย เญย เนีย-บูง.
4นิ่น หัด ค้อย, ค้อย ฯฒฯ ฆาย.
นิ่น หย่า ปุน ติ้วๆ ด้าย ฆาย เหฑ่ง.
บาซาน เต่ย เหธา คานเมน บง เญย เมี้ย เหญา,
เลบานอน เญย เมี้ย-เปี้ยง หย่า เหฒี่ย.
5ต้ม บง เยียม นิ่น เญย หฑะเฮมียน ต์ง,
ฟิ้ว-บง หย่า หยุ เหฑ่ง.
เยียม นิ่น เญย หฑะเฮมียน เดา-เป้ย หฒุ ญั่นๆ เญย,#1:5 ม่าย เต๋ย โซว ก๊อง “เดา-เป้ย หฒุ ป่าย ฮวาง”.
ป้าม เกน หฒุ ต์ง, เมี่ยน ม่าน ซิน หฒิน เหฑ่ง.
6นิ่น เฉีย เจี์ย, หาย เต้า ไฮ่ เยียม ตุ๊?
นิ่น เฉีย เจี์ย, หาย เต้า ไฮ่ เตี๊ย ตุ๊?
นิ่น โน์ว ไห่ ฮนั้ง หฌบ ต้ม โต์ว นอ,
นิ่น ฒู้ง ปุน หละเปย๊ย ฮู้ หม่วน เหฑ่ง.
7 เฒี้ยว เซ หลง ไห่.
เยียม โค้ว หน่าน ฮนอย นิ่น โหฒว เขา ตุ๊ ว้วน เญย ต๋อง.
นิ่น หย่า โก๋ว#1:7 ฮิบลู หว่า ก๊อง นิ่น ฮิ้ว ตุ๊. เอ๋ย เล์ย เซ นิ่น โก๋ว. ด้าว เขา นิ่น เญย เมี่ยน.
8มป่า นิ่น อ๋อย หล่ง ฮ่ง ซุ้ย เหยียม,
ปุน นิ่น เญย วิน-วั้ง หฒุด เหฑ่ง.
นิ่น หย่า อ๋อย หฒุ่น นิ่น เญย วิน-จา เปียะ หฮมวัง เญย ต๋อง.
9นินะเว เมี่ยน อ้า! เม่ย บัว ต๊า หาย หญู่ง หฒะเอ๋ย ห่อย เฒี้ยว?
นิ่น อ๋อย ปุน เหธา นิ่น ต๋อย-เตก วั้ว เต๋ย หฒุ เหมียด เหฑ่ง.
วิน-วั้ง ฒู้ง ไม้ ตุ๊ เหฌี่ย ตะเหญ่ย หฑุ่น ชะ.
10เม่ย บัว เซ ฮนั้ง ฌิ้ม-บย์อง,
หย่า ฮนั้ง ฮบ ติ๊ว ฆวิน เญย เมี่ยน,
หย่า ฮนั้ง เบย้า ฆ้าว ฆาย, อ๋อย หฒุ ปั๊ว ชุย เหฑ่ง.#1:10 หฒิว ฮิบลู หว่า เญย โซว น้าย เหยี่ยม กีง-โซว ไม้ เม่ง.
11ม่าย เต้า เยียม นินะเว ธ้วด ต้าย.
นิ่น ฮนั้ม ธ้วด เอ๊าะ เญย หฒะเอ๋ย โหฒว ปุน เฒี้ยว,
ขูง ฮนั้ม ธ้วด โหฒว หว่าย เญย หฒะเอ๋ย ฮนั้ง.
12 เฒี้ยว ฮนั้ง น้าย ก๊อง,
“ไม้ กุ๊น อัดซีเลีย เมี่ยน โหย่ว เฮ้น โหย่ว ธั้ม,
นิ่น บัว อ๋อย หฒุ ป่าย, หฒุ เหมียด เหฑ่ง.
โอ ยูดา เมี่ยน อ่า, ไม้ กุ๊น เยีย ปุน เม่ย บัว หฒุ เสี่ยว โค้ว,
เยียม น้าย มี่ง เยีย ไม้ ปุน เม่ย บัว หฒุ โค้ว อ๊ะ.
13อัดซีเลีย เมี่ยน เญย เดี๋ยง-ก์า เยียม เม่ย บัว เญย จาง, เยีย อ๋อย ว้วด เน้า,
หย่า อ๋อย ธุด ตั๋ง โด้ เม่ย บัว เญย หลิ่ม.”
14 เฒี้ยว เฒี้ยง เจี๊ยน นินะเว หัด หว่า ก๊อง,
“เม่ย บัว#1:14 หฒิว ฮิบลู หว่า น้าย เหยี่ยม ขูง ก๊อง เม่ย มป่า เอ๋ย เล์ย เซ เหยียด ฝีง อัดซีเลีย เมี่ยน. ไม้ ตุ๊ เฒ้ย-ฟุน หฑิบ เจี๊ยน เม่ย บัว เญย บั๋ว.
เยีย อ๋อย เยียม เม่ย บัว เญย เฒี่ยน เญย เปย๊า
เหมียด เหฑ่ง เม่ย บัว ติว ต้าย, โต๋ ต้าย เญย หมิ่ว-ฝัง.
เยีย อ๋อย หลิ่ว เล์ย เม่ย บัว เญย โฒ้ว,
เหว่ย หฒุ เม่ย บัว เอ๊าะ ไห่.”
15หมั่ง ม่าะ! ม่าย ล่าน เมี่ยน เญย เหฒา
ยั่ง วั้ว บง ต้าย ต้อ คู้ เฝียน,
เซ ฒุ่น แป้ง ออน เญย คู้ เฝียน.#อิสะยา 52:7
โอ ยูดา เมี่ยน อ่า, กุ๊น เจี๋ย เม่ย บัว เญย ฒิบ
หย่า จ๊าว ซูง เม่ย บัว แล์ง เญย หว่า.
เหว่ย หฒุ วั้ว เต๋ย เมี่ยน หว่าย เมี่ยน,
ไม้ แอ๋ง ต้าย ห่อย เม่ย บัว อ๊ะ.
นิ่น บัว ฒู้ง อ๋อย หฒุ เหมียด เหฑ่ง.
Tans Gekies:
นาฮูม 1: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007