โฮเซยา 6
6
ขวิน แปะ ฝีง หฑวน ต้าย ล์อ เฒี้ยว
1แปะ ฝีง ก๊อง, “ต้าย ม่าะ!
บัว หฑวน มี่ง ล์อ เฒี้ยว,
นิ่น เป๊ด บัว
มป่า อ๋อย หฒ่อ บัว หลง.
นิ่น เบ๊าะ บัว,
มป่า อ๋อย เปว เจี๊ยน บัว มุน เญย ต๋อง.
2แอ๋ง เจี๋ย มี่ง อี ฮนอย นิ่น อ๋อย ปุน บัว ฟี้ง.
เถา ตะฟาม ฮนอย นิ่น ฯฒฯ เหลียบ บัว เจี์ย,
เหว่ย ปุน บัว ตุ๊ เยียม นิ่น เญย หฑะเฮมียน.
3บัว อ๋อย หฒุ ฮิ้ว ตุ๊ เฒี้ยว,
ปุน บัว หล่ง เหฑ่ง ชะ อ๋อย ฮิ้ว นิ่น.
นิ่น ด่ง หาย ฒู้ง ธ้วด ต้าย
ฮนั้ง ลู่ง ดอม เญย ฌัง ธ้วด.
นิ่น อ๋อย ต้าย ล์อ บัว ฮนั้ง เธียว-เกน บยู่ง,
ฮนั้ง ธุน-เกน บยู่ง ปุน เดา ดอน.”
4 เฒี้ยว ก๊อง, “เอฟาอิม เมี่ยน อ่า,
เยีย หอบ หฒุ ฮนั้ง หาย นอ ต้อ เม่ย บัว?
ยูดา เมี่ยน อ่า,
เยีย หอบ หฒุ ฮนั้ง หาย นอ ต้อ เม่ย บัว?
เม่ย บัว ฮนั้ม เยีย ฮนั้ง ลู่ง ดอม เญย โหม่ว,
หย่า ฮนั้ง บยู่ง-ซุ้ย เฑี้ยว เญย ฆาย หมี่ อ๊ะ.
5เหว่ย น้าย เยีย หล่ง โต่ว หว่า เมี่ยน ฮงะ นิ่น บัว.
เยีย หล่ง เยีย กั้น เญย ฑุ่ย ก๊อง เญย หว่า ไต๋ นิ่น บัว.
เยีย เซี้ยม ฒุ์ย เญย สี่ ธ้วด มี่ง ฮนั้ง ฌัง.
6เยีย อะเฮน้ย เญย เซ เมี่ยน เหฒียบ ฒัวะ เญย ฮนั้ม,
ไม้ เฒ์ย เมี่ยน ฝ่ง ห่อ เหฒี่ย.
เยีย อ๋อย เมี่ยน เหญี่ยม ทิน-ฮู่ง
เก้า ธั้ม ปั๊ว เหฒี่ย เญย กะน้าย.#มัดทาย 9:13; 12:7
7นิ่น บัว ฮนั้ง อาดัม#6:7 ไฟ เยียม อาดัม ไฟ ฮนั้ง เมี่ยน. แหง่ง เจี๊ยน เยีย เหธา นิ่น บัว แล์ง เญย แหง่ง หว่า.
เยียม วั้ว นิ่น บัว ไม้ เหฒียบ ฒัวะ เญย โหฒว ปุน เยีย.
8กิเลอาด เป๋น เอ๊าะ เมี่ยน เญย ฒี่ง,
ม่าย ฑย้าม กั๊วะ เจี๊ยน เจ๊า มี่ง.
9ฮนั้ง กวั้น จั๋น-หฒะ ปี๋ง เจี๊ยน ฒั้ว เมี่ยน,#6:9 น้าย โจ๋ว ฮิบลู หว่า เซ ไม้ หนั่ง เม่ง.
ไซ เมี่ยน หย่า ฮนั้ง วั้ว นอ กั๊บ ฒุ้น ต้าย เป๋น กวั้น
กัน เซเคม เญย เจ๊า ไต๋ เมี่ยน,
โหฒว เธี้ยว, โหฒว โตะ เญย สี่.
10เยียม อิสะลาเอน เญย เฒ้ย-ฟุน บุด๋ง
เยีย ปวัด กั้ม เฑี้ย เญย สี่.
เยียม วั้ว เอฟาอิม ม่าย เหฮยียน เญย เจ๊า,
อิสะลาเอน หฒุ ม่าย หวุย.
11“ยูดา เมี่ยน อ้า! เหว่ย เม่ย หย่า ฟี่ ฮนั้ง เญย,
ฒู้ง ตี่ง เหฒียง เซียว เญย เฒี่ยง โห่ หมี่ อ๊ะ.#6:11 เซ “ตี่ง ฒุ์ย เญย เฒี่ยง โห่”.
เยีย อ๋อย ปุน เยีย เญย แปะ ฝีง หฑวน ต้าย
ตุ๊ หลง ฮนั้ง โล์ เญย เฒี่ยง โห่.
Tans Gekies:
โฮเซยา 6: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007