Asmani kitab: Sulaimani misal 26
26
1Shito meg goromo kua, manae na zela,
ammok zone ijjot faoa, manae na ola.
2Soṛa-doioli fakir fal, uṛia zae zela,
ḳamoḳa bodduae gozob, lame na to ola.
3Guṛae sabuk gadae lagam, lagaile zela,
ammokor fiṭit gollar baṛi, foṛle oy ola.
4Ammokor ammoki hunia, zuaf dio na tumi,
zuaf dile tumi-o to, oilae tar homani.
5Ammokor ammoki buzia, zuaf dio tare,
naile he sinta ḳorbo, giani bonigese.
6Nizor faot kuṛal mari, bish gille zela,
ammokredi kobor dile, tar dosha-o ola.
7Lengṛae tar lengṛa faodi, aṭia zae zela,
ammokor muko gianor buli, hunle lage ola.
8Guloilor muko fattor fesai, toile oy zela,
ammok zonre ijjot dile, bodla mile ola.
9Nishakur matalor ato, gosa gatle zela,
ammokor muko gianor buli, hunte lage ola.
10Tir-donuk alae hoḳolre, zoḳom ḳore zela,
ammok ba matalre nia, ḳamo lagaile ola.
11Kukure bait ḳoria hari, firia ḳae zela,
ammoke be-aḳolir ḳamo, firia zae ola.
12Nizore nize giani koy, deḳso ni zon ola?
Ogur taki ammokor ufre, asha ḳora bala..
13Alshiae mone mone ḳoy, “Shingho ase foto,
raikkosh shinghoe guraguri, ḳorer fotor muko.”
14Ḳobzar bole ḍaine-baue, duar gure zela,
alshiae tar bisnat huti, loṛe-soṛe ola.
15Alshiae tar nizor talo, nizor at harae,
ḳani tulia muko nite, tare alshie fae.
16Aḳol ḳaṭai zuaf dein, “Ola shat zon taki,”
alshiae ḳoy mone mone, “Ami aro giani..”
17Kukror ḳan dori ṭane, ilaḳan zon zela,
forar mairo nak golaia, fotedi zaora ola.
18Kunu fagole mare zela, zalail tir-angra,
19ṭoge gaure ṭogia ḳoy, “Ḍong ḳorsi” ola.
20Laḳṛi-daru fuṛai gele, aguin zae nibia,
bodnam gaora na taḳle, ḳaijja zae miṭia.
21Zalail angrat daru dile, aguin baṛe zela,
mair-ḳaijja laganir lagi, ḳaijjakur-o ola..
22Gibot gaorar ḳota hunte, mozar ḳanir moto,
ita ḳota hamae gia, manshor dilor bitoro.
23Maṭir zinishre rufadi, lefle lage zela,
ḳarafie bora zar dil, tar zoban-o ola.
24Dushmone dushmoni lukaia, miṭa mat mate,
sol-soturie tar dilre, boria to raḳe.
25Tar mat miṭa oile-o, ekin na ḳorio,
bezuita shatṭa noforot, ase tar dilo.
26Sol-soturidi nizor ingsha, nize lukai raḳe,
tar ḳarafi zair oibo, luk-shomazor maze..
27Gat kude zegue ou gato, he nize-u foṛe,
goṛaia falaile fattor, nizor ufre-u foṛe.
28Beimane surmar ḳore zare, ginna-o ḳore tare,
samsami korrar muke to, binash ḍakia ane..
Tans Gekies:
Asmani kitab: Sulaimani misal 26: sylL
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Ahle Kitab Society. All rights reserved.