Asmani kitab: Sulaimani misal 25
25
Bashsha Sulaimanor aro nosiot
1Ota-o Bashsha Sulaimanor silleḳ, Ehuda deshor bashsha Hizkiar manshe ita lekia toisla:
2Allae kunta batuni raḳle, gourob oy Allar,
bashshae kunta tukai faile, shunam oy bashshar.
3Asman zela ase usa, zela goin zomin,
bashshar ontor mafa ola, aro bout ḳoṭin..
4Rufa taki algao ḳad, faibae ḳaṭi rufa,
teu ita dia baniae, nikut zinish banaiba.
5Bashshar dorbar takia, ḳedao naformanre,
tan godi mozbut oibo, pak-forezgarie..
6Beṭagiri deḳaio na, bashshar samne aia,
dami ashon tukaio na, manir maze gia.
7Dami manshor samne to, shorom faoa takia,
ola ḳoile aro bala, “Oḳano bo aia..”
Nizor souḳe deḳso ḳori, mamlat zaio na,
8zoldi kori mamlat gele, lab oibo kita?
Ari-fori zone bade, shorom dile tumare,
zuaf kita dibae tumi, luk-shomazor samne?
9Ari-forir bifokke to, nizor mamla ḳorle,
tar lukail mat ḳoio na, oinno zonor gese.
10Naile zara hunbo ita, tumar bodnam gaibo,
ete tumar durnam to, kunudin na horibo..
11Rufar tal-bashono toa, shunar ayfol zela,
shoṭik shomoy buzia hari, shoṭik buli-o ola.
12Shunar banail naḳor ful, shunar goyna zela,
gianir hedayotor buli, hunrar gese-o ola.
13Gorom dino foshol ḳaṭat, ṭanḍa fani zela,
malikor lagi bishashi, bala ḳobria ola;
ou ḳobriae tar malikor, ḳobor fosae zela,
nizor munibor zanre to, nisintat raḳe ola.
14Batash ar ḳalnir loge, meg na oile zela,
boṛo golae oada ḳoria, dan na dile ola..
15Sobor ḳorle hakimor dil, golizito fare,
norom zifrar buli hunle, shokto aḍḍi-o bange.
16Hishab ḳori kaio tumi, ḳaṭi mou faile,
naile to bomi oibo, beshi kori kaile.
17Ari-forir goro tumi, hamesha na zaio,
naile he biroḳto oia, tumare ginnaibo..
18Suḳail tiror fola ar, toluar, goda zela,
ari-forir bifokke misa shakki dile-o ola.
19Banga dat, lengṛa faot, nirbor ḳora zela,
bifodor shomoy beimanre, bishash ḳorle ola.
20Shitor dino finnor ḳafoṛ, kulle lage zela,
ḳaṭa gotro nun siṭaile, baṛe zela zala;
mon banga zonor gese, kushir gan-o ola,
ou laḳan-u duki zon, ita hunto sae na..
21Tumar dushmonor buk lagle, tare deo ḳani,
fanir fiasi oile he, tare deo fani.
22Ola ḳorle toibae tar, matat zalail angra,
Mabude diba tumare, itar shoṭik bodla..
23Utore taki batash aile, itar loge meg ae,
sukolkuror mat hunle, gusae muk lal oizae.
24Ḳaijjakur bour loge ḳora, gor-shongshar takia,
sator kunat gia eḳla, roa-u to bala.
25Fanir fiasi manshor gese, ṭanḍa fani zela,
bidesh taki bala ḳobor, faoa-o to ola.
26Gula moyla fanir zorna, ḳal indara zela,
naformanor ḳotat razi, forezgar-o ola.
27Manshor lagi bala nae, beshi mou ḳaoa,
beshi tarif faoar asha, muṭe-u nae bala.
28Sairo galar oal banga, ṭaunor halot zela,
nizore shamlaito fare na, hou zon-o ola.
Tans Gekies:
Asmani kitab: Sulaimani misal 25: sylL
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Ahle Kitab Society. All rights reserved.