Asmani kitab: Sulaimani misal 15
15
1Norom zuafe gusa ḳomae,
ḳoṛa ḳotae gusa baṛae.
2Gianir zifrat buddi zolmol ḳore,
ammokor mukdi be-aḳoli baia foṛe.
3Hokkol zagat ase Mabudor nozor,
zasai koroin bala-mondo hokkolor.
4Shifa ḳorra zifra zindegi gasor laḳan,
sol-soturir zifrae bange manshor monḳan.
5Bafor shashon ammoke ela ḳore,
shabdani manshe damkire mane.
6Forezgaror goro dami don-doulot,
naformanor ḳamaie ae mosibot.
7Gianir ṭuṭe aḳol bilae,
ammokor dil ilaḳan nae.
8Naformanor kurbanire Mabude ginnain,
hok manshor munazate kushi oin tain.
9Naformanor solar fot Mabude ginnain,
forezgarit sole ze tare bala fain.
10Hok fot saṛi dile ḳoṭin shaza faibo,
damkire ginnaile to tar moron oibo.
11Fatal ar ḳoybor Mabudor sokur samne,
tain aro beshi deḳoin manshor dilre!
12Tamshaḳarie hedayot ginnae,
gianir gese zaite razi nae.
13Dilo kushi taḳle muk kush deḳae,
dilo ḳoshṭo taḳle mon bangi zae.
14Aḳoldaror dile aḳolre tukae,
ammokor muke ammokire gililae.
15Dukir hoḳol din-u duk-koshṭe ḳaṭe,
dil kushi zar hamesha he id ḳore.
16Oshantir maze bout don takia,
Mabudor ḍor-ḳofe tuṛa don-u bala.
17Beijjotir mangsho-bat takia,
maya-mohobbote hag-bat-u bala.
18Bodragie mairo gi ḍale,
ḳom-ragie mair ṭanḍa ḳore.
19Alshiar fotor duio bae gosa,
hok manshor fot to shorol-shuza.
20Bafor kushi giani fute,
ammoke maʼre ela ḳore.
21Be-aḳol kushi be-aḳolie,
aḳoldar sole hok fote.
22Shu-foramishor obabe sinta oy bifol,
shu-foramish deora baṛile oy shofol.
23Shoṭik zuafe kushi oy manshor bitor,
shoṭik shomoy shoṭik kota ḳoto shundor!
24Zindegir fot ufre tule aḳoldarre,
fatalo zaoa taki basae zindegire.
25Mabude bangoin ohonkarir astana,
ṭik raḳoin tain ṛaṛi beṭir shimana.
26Mabude gin ḳoroin ḳobisor motlobre,
doya-mayar mat nikut tan nozore.
27Ṭeḳar lalsie foribaror duḳ ane,
gush ḳaoa ginnaile nizor zan base.
28Forezgaror dil zuafor age sinta ḳore,
naformanor mukdi kobisi mat baia foṛe.
29Naforman taki Mabud duroi roin,
forezgaror dua ḳobul ḳoroin.
30Souḳor fore dilo kushi ane,
shu-ḳobore aḍḍir shokti baṛe.
31Zindegi faibar damki ze loy ḳano,
he to boshoti kore gianir mazḳano.
32Shashon na manle nizor ḳeti,
damki manle mile to buddi.
33Mabudor ḍore gianor bae ṭane,
norom sal-cholone ijjot ane.
Tans Gekies:
Asmani kitab: Sulaimani misal 15: sylL
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© Ahle Kitab Society. All rights reserved.